|
وش يصير لو نناسب اليابانيين ونتزوج منهم وهم يتزوجون منا .
ههههه
وش يصير لو نناسب اليابانيين ونتزوج منهم وهم يتزوجون منا : يصير عندهم زود خبول ويصير عندنا زود عقول تعلم أن اليابانيين أكثر شعوب العالم المتقدم حرماناً من العطلات ، اذ لا يتعدى متوسط اجازاتهم تسعة أيام في العام بينما الفرنسيون هما أصحاب النصيب الاكبر من العطلات بمتوسط يبلغ 34.5 يوم سنوياً. وتمنح الولايات المتحدة العاملين ثاني أقل عدد من العطلات سنويا بمتوسط 17 يوماً يأخذ معظم العاملين منها 14 يوماً ، ويمنح النيوزيلنديون 19.5 يوم سنوياً يستهلكون منها نحو 17 بينما يستخدم الاستراليون 16.5 يوم تقريباً من اجمالي العطلات وعددها 20 يوماً. مساكين يااليابانيين صدق أنكم شعب محروم من الراحه تهجولون في ذا الدنيا لا راحه ولا نوم ولا فلة حجاج علشان تقدمون اختراعات تفيد الانسانيه همن بتموتون واللي ما اسلم منكم بيخلد في النار وخلوا الانسانيه وسوني ومتسوبيشي وتويوتا تنفعكم اقول خلوكم مثلنا بس والله ياالانسانيه ما قامت ولا قعدت عندنا فالين ام الحياة.. اجازات ونوم وتسدح وتبطح ولله الحمد والمنـّه شوفونا ايام السنه 365 واجازتنا 355 يوم الموظفين..شهر أجازه نظاميه و10 ايام اضطراريه و3 شهور تروح ما بين اجازاة وفاة والديه وعمانه وعماته وخواله وخالاته وامهاته من الرضاع وابوانه من الرضاعه واصدقاه من الرضاع الموظف السعودي هو الوحيد في العالم اللي تتوفى له 12 جده و12 جد في السنه.. ومنها شهرين استئذانات من المدير علشان يجدد الرخصه والاستماره ويضيف ولده في دفتر العائله ويسجل ولده الثاني في المدرسه ويطلع ولده الثالث من مرورالناصريه .. و55 يوم يطلع من الدوام يبلغ الشرطه عن شغالته المنحاشته و3 شهور اجازات مرضيه منها شهر ونص في السنه اجازات خلع اسنان .. تماسيح مهوب موظفين وبعدين مدري وش ذا الاسنان اللي يخلعونها وتنبت .. تصدقون يا جماعه ان بعضهم يكون باقي عليه ويتقاعد سنتين ويجيب اجازه مرضيه بسبب خلع ضرس عقل واللي موقع الاجازه طبيب نساء وولاده والطلاب والطالبات اجازات الصيف 3 شهور ومعها مكرمه من اهالي الطلاب نص شهر واجازة حج 20 يوم معها مكرمه 10 ايام من اهالي الطلاب والطالبات و10 ايام اجازاة نص سنه ومعها 15 يوم مكرمه من اهالي الطلاب والطالبات واجازة ربيع ومعها 15 يوم مكرمه من اهالي الطلاب والطالبات واجازات امطار واجازات غبار وغيابات بسبب الانفلونزات وغيابات للطلاب بسبب هزايم فرقهم.. واللي مسكوه المرور وخلوه يفك انوار الزينون وعلم ابوه ولعن جدفه ..وتعبت نفسيته وغيابات للطالبات بسبب ان بطونهم توجعهم وغياب لان نفسياتهم تعبانهم .. واسباب تعب نفسيات البنات متعدده اللي قصت شعرها وطلع وع واللي محد عطاها وجه على البي بي واللي طلعت لها حبة شباب في خشمها وقاعده طول الليل تراقب ذا الحبه لين تعبت نفسيتها .. ميسي مهيب حبة شباب الزبده أن الطلاب ما يصفى لهم من دراسة ال8 شهور الا 18 يوم اما المدرسات والموظفات فحدث يا اها بس ولا حرج اجازات مثل الاجازات الرسميه للطلاب والطالبات واضيفوا لها اجازات مرضيه اثناء الحمل واجازات نفاس ممكن توصل ل 3 شهور عشان كذا ذا المدرسات هم اكثر من يحمل ويولد بزعمها انها بتكثر امة الاسلام وهي تبي تتبطح وتتسدّح طبعا اضافه للاجازات المرضيه بانواعها المدرسه تراجع كل التخصصات الطبيه علشان تجيب منهم اجازه اسنان وانف واذن وباطنيه وبوليه وجلديه ونساء وولاده وعظام واصابات ملاعب وأجازه علشان فيها ضيقه وشاكه ان منظوله على طاري الضيقه .. قسم لو للرقاة الشررعيين صلاحيات متح اجازات مرضيه ان ما تلقون مداوم في مدارس البنات الا البواب والفرّاشه و5 طالبات دافورات نرجع لمحور حديثنا .. وغياب بعض ايام الاربعاء لانها بتروح لزواج ولازم تمسك سرا عند الكوافيره من الضحى واجازه مرضيه بعض ايام السبت لانها كانت عازمتن حمولتها وتعبت مع ان حمولتها كانوا عندها يوم الاربعاء .. الحين الشغاله هي اللي تتعب والمدرسه هي اللي تاخذ اجازه!!! انا اقترح اقتراح بيفيد الانسانيه وهو اننا نتناسب انا واليابانيين نتزوج منهم ويتزوجون منا نعطيهم مما اعطانا الله من زود العيون ويعطونا مما اعطاهم الله من زود العقول نعطيهم مما اعطانا الله من الحرص على المظهر ويعطونا مما اعطاهم الله من الحرص على الجوهر وبكذا بننتج للانسانيه نسل يحبه قلبها.. والله يا نها بتنبسط فينا ذا الانسانيه هاه !! لا لا هونت عن اقتراحي اخاف ان تاثيرنا يكون اقوى في الفهاوه والدلاخه والرفاله والرباده وتاثيرهم يكون اقوى في صغر العيون وحب الجوهر و تطلع عندنا سلاله تحوم التسبد همن عاد تقعد بها الانسانيه .. دلاخه وعيونن نقوب .. ولا مظهر ولا جوهر ولا سوني ولا متسوبيشي ولا حتى تويوتا يارس قيير عادي iiiiil\\rr yl |
ههههههههههههههههه
اشك في ذالك ههههههههههههههه |
موفق بإذن الله ... لك مني أجمل تحية .
|
يســـلمو
|
الاخوة الكرام ( المسافر ------- الرميصاء -------------امير بعزتي ) الف مليون شكر على مروركم الغالي ولكم مني خالص الشكر والتقدير
مع خالص تقديري واحتراماتي الـــــــــــــــــــــشـــــــــــــــاقي |
أرزاق أرزاق أرزاق أرزاق أرزاق أرزاق
|
موفق بإذن الله ... لك مني أجمل تحية .
|
شـكــ وبارك الله فيك ـــرا لك ... لك مني أجمل تحية .
|
الاخوة والاخوات الذين اسعدوني بمرورهم على الموضوع لكم مني كل تقدير واحترام والى الامام
شموخ الجنوب ----- ابو فيصل المنتظر ----- al rwabi2 |
بس برأيك كيف يكون شكل التهجين
|
اخوي شخص الزهراني الف شكر على مرورك ونتمنا انه ما يكون فيه تهجين لانه لو يسير فيه تهجين معناها ما فيه سيارات ....... مع تحياتي وتقديري الــــــــــــــــــــــشاقي
|
تبي الصدق والا ابن عمه كان ياما كان في قديم الزمان كان فيه شيبان رحمهم الله واسكنهم فسيح الجنان كانو يعملون مثل شعب اليابان فهم يقومون قبل ان تسرح الغربان بعد ان يصيحو على كل الورعان صيحة لا تترك اثر لاي شاب في الفراش عندما يتنحنح القحمان ويقولون هيا ياسفان قومو اطلبو الواحد المنان وبعد صلاة الفجر ينتشر فريق العمل وكل واحد يعرف واجبه واحد يصرح عند المزارع ينتظر ويبرح الفلجان والثاني يمشي بسرعه بصحبة الثيران ويقف على البير ويتفقد الرعلان ويضب السانيه ويبدى السوق ويمتلي الكري والفلجان كل هذا قبل ان تطلع الشمس ويصحى الجيران وعلى هذا المنوال يستمر العمل بالنهار من الفجر ال غروب الشمس وفي ذاك الزمان لم يكن هناك لا كورنفلكس ولافول من عند العكه وخلوفه كل ياكل من انتاج يده ولا مجال للكسل او النوم الذي للاسف اصبح شباب اليوم يتبارون في كثرة السهر مع الفضائيات التي قطع اصحابها عهودا بان لايدعو للشباب مجالا للتفكير او تانيب للضمير عنما يسمع صوت المؤذن للصلاة الفجر تراه يترنح كالكوز الفارغ عندما تضربه موجة ريح خفيفه وللاسف كمن شباب يغلبه النوم وتجده ينام قاعدابجانب التلفاز او اي جهاز فكيف لك ان تتخيل ان تناسب اليابان وهم قوما لا زالو يعملون ويبدعون وبفضل عملهم وتنظيم وقتهم سبقو غيرهم من الشعوب وهم لا يختلفون عنهم الا بالصبر والمثابره التي جعلتك تنشد القرب منهم متناسيا اننا خير امة اخرجت للناس وعندما عمل اجدادنا وامنو بانهم خير امه وصلو الى اكثر ماوصل اليهم غيرهم ولكنهم لم يستمرو وانقرضو كما انقرضت الامم التي سبقتهم بعدما نسيو الله فنسيهم والله المستعان الايمان بالعقيده سبب من اسباب النجاح في اي مجتمع والمجتمع الياباني لايزال متمسك بعقيدته التي امن بها ولذلك لا زال محافظا على ثقافته التي ترجمها الى واقع جعله في مصاف دول العالم علما انه لا يمتلك اي موارد طبيعيه ويعيش على بحار من البراكين ومع ذلك لم ييئس او يفقد عنصر الثقه بالنفس ويقول سنناسب غيرنا من الامم من قبل كان الطالب يتخرج من الابتدائي وهو قادر على تاليف كتيب بخط ولغه جيده واليوم للاسف خريج الجامعه البعض لا يتقن قواعد الاملاء فكيف لنا بمن ينافس اليابان طالما ان مخرجات التعليم بهذا المستوى الذي يهتم بالشكل اكثر من المضمون يقول احد المدرسين الافاضل انه لايستطيع ان يجبر الطالب بحل واجباته اليوميه وفي نفس الوق لابد ان ينجح الطالب حتى لو انه لايستحق النجاح الحمد لله انني لست من هذا الجيل ولم اذهب للمدرسه اصلا لعدم توفر مدرسه في ايامنا وكانت كل همنا الاهتمام بالحلال والبلاد ومع ذلك علمتنا الحياه مالم يتعلمه سفانا في هذي الايام لا تنسى تزهمنا ان كتب لك الله بنصيب من اليبان وترى علوم اليره عندي وباللغه اليابانيه قل تم خخخخخخخخخخخخ |
الاخ الزبناوي مشكور على تذكيرنا بل ماضي وما كان يفعله القحمااااااااااااااااااااااان زمان فلك مني كل تقدير
|
اويه ياتالضيعه علمناكم عن اليابان ودمترتموهم بعيونكم يهولكم اذا شفتم شيء عليه القيمه اذكرو اللهخخخخخخخخخخخخ
|
اشكرك على موضوعك الطيب الي فيه صرااحه زايده هههههههههه ترا مو كل السعودين يتمتعون بالاجازات الي تقول ... القطاع الخاص مثل الشركات يفتح الله عليهم االمنسيون زي ما نقول لهم ههههه لا تلحقهم زيادات حكوميه ولا اجازات حكوميه وكرف ليل ونهار .. تقبل مروري |
الغالي بارق من اقصى الجنوب سررت بمرورك الغالي على الموضوع فل مني خالص التقدير والاحترام مع تحيات اخوووووووك /// الـــــــــــــــــــــــــــــشاقي ///
|
| الساعة الآن 06:22 AM |
Powered by vBulletin® Copyright ©2000 - 2026, Jelsoft Enterprises Ltd.
HêĽм √ 3.1 BY: ! ωαнαм ! © 2010
جميع الحقوق محفوظة © لأكاديمية العرضة الجنوبية رباع