البدع=
يا سبيه هات راسك وهات ابن الجنوب=
سل سيفك واقترب عندنا وادع الهجير=
ودي اسوي الحكايه لكم وانسى الرويه=
والمساكن تنهجر لو خرج سكانها=

الرد:علي السبيه=
.=
مرحبا في قصر ثابت عموده والجنوب=
في ربيع الجنه لا زمهرير ولا هجير=
ابنرضي راع الوفا لا حضر وانّسرّويه=
والليالي الساكنه وش مدى سكانها=

البدع=
مرحبا يا همس جتنا به أنسام الهبوب=
شاعرٍ نسمع بذكره يقال انه خطير=
قدرته ما حنته يوم جت به في يديًه=
بخت عينٍ ياعلي قابلت ديانها=

الرد:إبن الجنوب=
*=
مابني فوق الثّرى منزل إلآ وله بوب=
عند أهل الجودات للضيف قدره والخطير=
جعلنا مانعدم أهل الوجوه الفّيديّه=
إن دانت مخلوق ماغيّرت ديّانها=

لبدع=
يسهل التعبير لكن ما تقوى القلوب =
كم طيورٍ لا تعدى مداها ماتطير=
تنحدر من عالي الجو تتهاوى رديه=
ينكسر من هول ما لاقته جنحانها =

الرد:علي السبيه=
.=
يا راع البندق ترى الوقت يتقلّب قلوب=
واكثر الرميات يقصر مداها ماتطير=
وقلوب اهل الردى دوم تتهاوى رديه=
وابنعاقب كل كل روحن على جنحانها=

البدع=
نعرف البندق وقلته ونعرف من نصوب=
ماحب اهل الحقد وأهل الظلايم والغدير=
عندنا قلتٍ يفت الصخور المارويه=
والعرب ما همنا جنسها وأديانها=

الرد:إبن الجنوب=
*=
مرحبا مادامت البرّق أشعت من نصوب=
بعدها يترايع الماء في الجم والغدير=
وقلوب أهل العطش في وجود الماء رويّه=
وديار الخير ماتنقطع وديانها=

البدع=
اليالي مظلمه والمخاطر بالدروب=
والقدم يا ساري اليل تحلف ما تسير=
الخطر لو تسبي اقدام من يسري سبيه=
كم نفوسٍ عذبوها على عنوانها=

الرد:علي السبيه=
.=
وشبكم ما تفرقون العليمي والدروب=
الهروج الزايفه ماتصح وماتسير=
كلما ضاعت رساله تشدون السبيه=
وانا مالي باالرسايل ولا عنوانها=

البدع=
أنت تدري بالسهاله وتدري بالصعوب=
خذ نصيحة صاحبك وأتبع الدرب القصير=
انا مادري بعضكم ستر ربي وش رزيًه=
شين حظه حد روحه على نغصانها=

الرد:إبن الجنوب=
*=
عندنا ترويض الادهم وتدريب الصّعوب=
واللذي ماخذ خبرنا يعلّمه القصير=
إن بدينا نعمي أهل الكهارب واشرزيّه=
وإن بغينا هلّ شجره تلين أغصانها=

الشكر للجميع والتحيه والتقدير هنا الشعر الراقي والذوق الرفيع هنا الابيات الذهبيه المرصعة بالؤلؤ والالماس هنا الحروف المضيئه هنا شموخ القوافي وقمة المهاره والحرفه
شعراء عمالقه اثروا هذه الصفحة وطرزوها بالذهب ونثروا عبير الورد والجوري وبخروها بالعود والعنبر

اجمل التحا يا والشكر الجزيل

البدع=
من معالي الهمس مرسوم يوصل للشعوب=
بلغ المرسوم حكام صنعا والبشير=
قل له ان الهمس فك القنا والغى مديه=
كم ديارٍ ردها واحتمى عتبانها=

الرد:علي السبيه=
.=
ينهزون الشعبه الراخيه بين الشعوب=
وانت وش عندك لنا من بشاره ياالبشير=
غامد الهيجا بتحمي الديار الغامديه=
واتركو ديرة عتيبه على عتبانها=

البدع=
راحو أصحاب المعالي ورى الريم اللعوب=
وأصبح المرسوم يصدر من الصف الاخير=
للمرسوم اللي كتبتاه بالمرسم محيه=
لين تصبح صفحته ناصعه بالوانها=

الرد:إبن الجنوب=
*=
الحنش مايبني الشّهد من سدّ اللعوب=
الخطر في رأس نابه ولا هو فال خير=
واللذي في وسط قلبه تجرّع سمّ حيّه=
ماقتلها قبل ماينتشر بلوانها=

البدع=
ادري ان الوقت غدار والدنيا غلوب=
وادري ان الظرب في جثة الميت وزير=
لجل هذا حرر القيد من يد الضحيه=
وابنحاسب كل نفسٍ على عصيانها=

الهمس

صح لسانك وعلا شانك شاعر الذوق العالي
ابيات حروفها من ذهب من شاعر الحرفه والمهاره

متابعون لكم بشوق واعجاب
تحياتي

الرد:علي السبيه=
.=
يغلب الحظ الذي زان والدنيا غلوب=
كم على كرسي الوزاره جلس ميت وزير=
اورد ياقلبي لنهل العيون المنضحيه=
واترك العميان تمشي على عصيانها=

البدع=
أرتمت شمس المحبه على حضن الغروب=
اما نسمع شعر يرقى بنا والا بغير=
والذي يخطي علينا بعد نصبر شويه=
مأقبح الغلطه حتمها وفيريضانها=

الرد:إبن الجنوب=
*=
المكاين يوم جت صدّرت سوق الغروب=
مدري تحرث مزرعك عثّري وإلآ بغير=
لا تقول النّص بماطور والنّص برشويه=
دمّ روحك حدّ والنّاس في ريضانها=

البدع=
الدلايل بينه وابتدى وقت الشبوب=
كل واحد من لسانه يعين له سفير=
خلكم في غيكم والعواقب للبقيه=
لا تقول انك مع الناس يا شيطانها=

الرد:علي السبيه=
.=
ارذل الاعمار ماهو كما وقت الشبوب=
واللي يتقدّا بالانوار عين له سفير=
نورد صدر المايده ماندور للبقيه=
من يضم الكهربه يلذعه شيطانها=

البدع=
أقدر آرد الخطا والجهل وأبني عقوب=
وأقدر آعوًض عليك الخساير والضرير=
وأقدر آضيًق دروب العباد البيرحيًه=
وأقدر آدوًخ بشر ماتحس دخوانها=

الرد:إبن الجنوب=
*=
ماسلم من حسد الاخوان حتى إبن ايعقوب=
الحزن خيّم على أبوه لين أصبح ضرير=
ماقربه الذيب روحه بوسط البير حيّه=
رغم هذا ماتجرّت تحسد اخوانها=

البدع=
المريض اتعبه كثر التداوي والطبوب=
كل ما قالوا تشافى يعاوده المرير=
البلا بالراس واما الدوا عشرين كيه=
شب نار الكي واوقد على عيدانها=