|
وش رايكم في محاورة رباعية(لمن وده يشارك)
ودنا بمحاورة رباعية والمجال مفتوح لمن جازت له
نقطّع بها الوقت وناخذ ونعطي مع بعض شوي
البدع= يقول أبن سلمان ياحضرة الشعار= بديت بالمحراف يارب يامعين= نبغى أربعة والحكم في قبضة الجمهور= أثنين ضد أثنين والليل ياسماره= حتى لو أن وجيهكم مانشوفها= |
صح لسانك يابن سلمان يامبدع وننتضر اكتمال عقد المحاوره واتمنى لكم التوفيق
|
اقتباس:
وش اللي يمنع ماتكون طرف فالمحاورة يابو طلال ولا ماحنا قد المقام ماتدري ان مشاركتك في أي محاورة لها رونقها الخاص طال عمرك |
ابشر بي يابن سلمان ويشرفني اشارك في اي محاوره انت فيها
ولكن جهازي اي كلام واخاف ما يصمل معي احتمال ينطفي في اي وقت وقصايدي اي كلام اخاف ما تجملني منك يابن سلمان
الرد:علي السبيه= .= ابنعرف البندق من الرقم والشعار= ليت السماء في كل حزه ليام عين= والقاع يهري غايص البحر والجم هور= لا تكسر المسمار في اللوح يا سماره= متى الصحاري يروي الماء نشوفها= |
صحّت ألسنتكم يالنشامى والله يقويكم ...
وأنا اُرشح الشاعرين عبدالله غازي ونديم القوافي واتمنى ذلك ومتأكد بأن المحاوره ستكون رائعه جداً ... |
هههههههههههه الله عليك يابو طلال أنا من زمان قلت لك ان يعجبني فيك تواضعك= وانا اعترف أنك أحد الذين تعلمت منهم الشعر بصراحه= يكفي لاقلت لاحد عن بدعه وقالوا من رد عليها قلت علي السبية بكل فخر= ويكفيني من ردودك هذا بيت جلست أضحك منه كثيراً وذلك أعجاباً يشهد الله= (لا تكسر المسمار في اللوح يا سماره)= |
طيب طيب
اعجبتني القارعه وحبيت المشاركه وياليتني اتجمل معكم جيت احضر الميقاف واسجل الحضار= ون كان شي قسمه ترى ما نبي الثمين= هات الهجير انكان وده وله مقدور= ون كان شي للشعر تختار هو تختاره= يحكم على ابيات الشعر من صفوفها= |
نديم القوافي
صح لساااااااانك مليون دخيلك اسمحني وربي ما شفت بدعك والظاهر انا بدعنا سواء دخيلكم احذفو بدعي وربي انه شرهه ابى ينحذف معي |
اقتباس:
أبو عبيد الله يحييك ويطول عمرك بدعه رائعة بروعة صاحبها لكن المحاورة بين اربعه والشاعر نديم القوافي بدع وننتظر من يرد عليه فلا يجوز انك تبدع والبدعه اللي قبلك ماحد رد عليها مشاركتك تشرفنا فباقي لنا واحد ونكمل اربعه اذا ودك تكون الرابع وترد على نديم فحياك الله(اربعة شعار ماهو اربعة بلوت هههههه) |
بن سلمان ونا فدى خشمك
ماني غشيم بنظام المحاورات وربي ماشفت بدع نديم القوافي الا بعد ما نزلت بدعي وصفحة التعديل والحذف ابت تفتح معي الشيطان عاد هذا شغلكم يالمشرفين احذفو بدعي الذماه والله انه شرهه قدام بدع نديم القوافي ونا لكم من المتابعين |
اقتباس:
رد : نديم القوااافي= احنا تمدّنا وصرنا من الحضار= ما نشري الا غالي اللبس والثمين= ما دام سعره في يدين الغني مقدور= بنشري الشي الذي عيننا تختاره= واكادميتكم تجمل صفوفها= |
صحت السنتكم والله يعطيكم العافيه يا النشاما
الله يوفقكم |
البدع= ماظن فيه آمر من شجرة الصبار= مايختلف لو عاش فالهجر والهجرين= وأنا مزارع يبن عمي وأنا صبور= وأعرف صنوف الحب في صبرة الصبارة= والروح عن مايتعس الحظ أروفها= |
صحّت ألسنتكم ..إبداع رائع ...
واصلوا ونحن متابعون لكم إلاّ إن كان ما ودكم يابن سلمان ...لأنّي آشوفكم تجاوزتم مشاركتي لكم فالبدايه .. موفقين بإذن الله ... لكم منّي أجمل تحية . |
الأخوان الشعار بن سلمان وعلي السبيه وابوعبيد ونديم القوافي صحت أفكاركم وقلوبكم يالنشاماعلى هذا الكلام اللي ينومس لكم جميعاً تحياتي. |
الرد:علي السبيه= .= ياالشيخ بن سلمان وش حيلة الصبار= الى بلوه الناس باالهجر والهجرين= كلن يحب العذر ويقول انا صبور= لكن مدري وش مدى الوقت يا صباره= لا شانت الدنيا وضاقت ضروفها= |
صحت السنكم يالنشامـــا و بيض الله وجيهكم ولا هنتم يالذيابــــة ..
واصلوا واصلوا .. و اعد نفسي اول مسنتر هنا لمشاهدة ابداعاتكم لا عدمناكـم .. تحياتي ::/ الكناني .. |
البدع= ويش العمل ليا الولد بار والاخ بار= تربا الولد والى كبر جاء ذبحك ابشين= واخوك يضلمك ويمينه كلام الزور= ياليت سمحان ان هدر يحتمي هوداره= والله ماللفتنه الا كفوفها= |
طيب طيب طيب
محاورة من الوزن الثقيل وبين اربعه من الصفوه بيض الله وجيهكم وصحت السنتكم يا النشاما واصولا ونحن متابعين بشغف |
اقتباس:
اعذروني على التاخير في الرد والله هزيمة الاتي نكدت المزاج الله لا يسامح لجنة الانظباط
الرد : نديم القوااافي= 0= يا ابو عبيد ابشر بنوجز لك الاخبار= النمر في وسط الفلا بت له كبشين= واما الجمل سمحان برّكه وعلى الزور= النمر حن ينضر بعينه وخذ له داره= ايديه يا مسرع لطايم كفوفهااا= |
هذا الكلام ولا بلاش
|
البدع= سبحان رباً بيده الحكم والمقدار= والشيعه الأنذال كفار ومغالين= كبيرهم ماقد حفظ سره المسرور= وأنا تراني تاره أصد والمح تاره= وجنب أدروب المهالك وأصوفها= |
صحت ألسنتكم جميعا
والله يعطيكم العافية على هذا الابداع .. فعلا محاورة جميلة ورائعة بروعة من فيها ... أما انا فباروح اقعد فوق ذاك العراق جنب الكناني وابو غازي واستمتع بتالقصايد الهيلة .. واسره ياليل ... وترانا بنبدا نسجل الغياب والحضور ... بالتوفيق ......... |
ابدااااااااااااااااااااااااااااااااااااااااااااااا اااااااا ع
|
بيض الله وجوهكم وصحت السنتكم يا المطاليق
محاورة رائعة رائعة ونحن متابعين ومشجعين |
الرد:علي السبيه= .= يااهل النضر وش قيمة الكيل والمقدار= تجّار سوق الخرده باالخرده امغالين= كم كيس من محصولهم سره المسرور= والاقمشه لو كان عينك بها محتاره= ارجوك لا تخلط وبرها و صوفها= |
البدع= للمعصيه والظلم في شرعناكفّار*= كفّر وتب ياللي تدور صلاح الدين= الموت واسرافيل لامن نفخ في الصور= ثنتين لا توبه وراها ولا كفاره= بحور من بالشرع ياصل سيوفها= *كفار=تكفير عن الذنوب |
الرد نديم القوااافي= 0= سيف الصحابه جندل الكفر والكفار= وعادو الكرّه وجاهم صلاح الدين= باقي نزلزلهم وباقي ندك الصور= القدس يزهمنا ويعتاذ من كفاره= اشتاق للسنّه وناصل سيوفهاا= |
الله الله الله
كلام جميل وكل ماحميت القافيه يطلع الكلام الزين لاتفكون القارعه حتى تشيب تقبلو مروري الشعراء الاربعه المبدعين |
بن سلمان علي السبيه ابوعبيد نديم القوافي صحت السنتكم وقلوبكم عسى الله يوفقكم |
الموت واسرافيل لامن نفخ في الصور
ثنتين لا توبـه وراهـا ولا كفـاره الله الله صح لسانك يابو عبيد كلاااااام يجمل نديم القوافي بن سلمان علي السبيه صحت السنتكم وبيض الله وجيهكم |
نأسف على التأخير ياخوان لكن ظروف الدنيا الله يعين عليها
البدع= (يطوفها بمعنى يعديها)الشور ماله طعم لاطول المشوار= والنور تبهج به وجوه المسافرين= والحلو يلغي لذعت الصبر والمرور= والعاقل اللي تاخذ الناس من مشواره= لو طافته فكره فهو مايطوفها= |
اقتباس:
اخي(ونه جنوبية) اشكرك على مرورك على هذا الموضوع عندي ملاحظة بسيطة ياليت تنتبه لها ان المحاورة لها كم يوم ومحدده بين أربعة شعار فما ادري هل انت مانتبهت لهذا الشي ولا كيف؟ على كل حال أشكرك على شاعريتك الجياشة وياليت تتكرم بحذف ردك لأن الرد على هذه القصيدة موجه لشاعر علي السبية |
[CENTER]
اقتباس:
لكنه كلام فارغ واللحن في ديره وهو في ديره |
الرد:علي السبيه= .= ياالشيخ بن سلمان لو طول المشوار= ماعد بي الا لا يتوه المسافرين= واللي يخالف يحجزونه في المرور= والمرسدس يرهي له الخط من مشواره= ياكم قرنبع في مساره يطوفها= |
والمرسدس يرهي له الخط من مشواره
ياكم قرنبـع فـي مسـاره يطوفهـا صح لسانك يابو طلال رد جميييييل |
البدع= التاجر الغشاش والتاجر السمسار= اثنينهم نفس الطبايع ولايقين= طاحو سوى في قبضة الحاكم الدكتور= حليلهم من جور حكمه ومن عزياره= يبطون وايديهم تشاكي كتوفها= الحاكم الدكتور=الدكتاوري |
ما شا الله تبارك الله على هذه الرباعيه الجميله تحياتي يا ابطال كلاّ با اسمه الله يوفقكم كلام جميل
|
اقتباس:
الرد : نديم القوااافي= 0= لا تربطون الاذرعه فيكم السم سار= افعالكم ماهي صحيحه ولا يقين = ما عاد ينفع لا الممرض ولا الدكتور= لو ما في الانعاش حارس ومنع زياره= الجثتين ابتنسحب من كتوفهااا= |
صحت السنتكم شعراء كبار نسعد بكلامهم وقصائدهم ونتشرف بمتابعتهم
|
| الساعة الآن 08:51 AM |
Powered by vBulletin® Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
جميع الحقوق محفوظة © لأكاديمية العرضة الجنوبية رباع