|
إشتياقي رمى قلبي بينكم من جديد؟؟؟؟؟؟
السلام عليكم ورحمة الله تعالى وبركاته ......
السلام عليكم جميعاً بلا استثناء . سلامٌ أزكى من العبير وأصدق من دمعة الرجل وأجمل من فرحة العيد وأكبر من قامة جبل شدا العظيم ......... أما بعد : أسأل الله العلي القدير أن تكونوا على خير مايرام من تمام الدين والعافيه وأتمنى ألاّ يظن أحد أنني نسيت أو تناسيت هذا المنتدى الشامخ ومن فيه - معاذ الله - ولكنها أقدار لاحول لي فيها ولاقوه أجبرتني على الإبتعاد وعزلتني في محيطٍ لاأملك الخروج منه إلاّ بصعوبةٍ بالغه ........ أما الان فقد عدت وأنا أحمل هموماً تثقلني حاولت أن أزيحها عني بأبياتٍ بسيطةٍ لعلها تكون أيضاً مصافحةً جديدةً بعد طول غياب ولكم مني التحية والحب والوفاء والإكبار والإحترام دائماً وأبداً ......... البدع:
سلام من قلب(ن) همومه عظام= الرد:يامن لهم حشمه وقيمه وجاه= الله كم في خاطري من علوم= لكن حدتني صدوف الليالي= أدوّر الحاجه على مكرها=
شامان يقتص اللحم والعظام= حليل من يقرب حدوده وجاه= يموت مايفرح بنصب العلوم= ماهي هروج اهل الطرب والليالي= واهل المكر تندم على مكرها= |
وعليكم السلام ورحمة الله وبركاته
صباح الاشراق والافراح والعوده بعد الغياب حمد الله على السلامه نورالمنتدى بطلتك علينا يسعدنى ويشرفنى اول من يرحب فيك وحتى لو غبت مكانك محفوظ بين اخوانك ومااعتقد احد ينسى اخوه وانت اخونا ولا يمكن ننساك وهااذي الدنيا كلها مشاغل والغايب عذره معه الله يبعد عنك كل هم وكل ضيقه ويسهل كل امورك يارب مصافحه اولى... وصح لسانك على البدع والرد الراائع بروعة شاعرها يعطيك الف عاافيه ...ولاهان منطوقك ...// وننتظر لقصايدك ومشاركاتك الحلوه ..... دمت بصحه وعافيه ......// |
|
|
الحمد لله على سلامتك يابو مطر.....والله لك وحشة
اليوم أجمل بتواجدك ياأستاذ احمد صح لسانك واعتلا شانك وعسى الله يفرج عنك كل هم |
احمد مطر
عودتك مطر وغيابك يباس مرحبا بك واسال الله ان لا يريك مكروه |
مرحبا الوووووووووووف يابو مطر وعودتك اثلجت صدورنا احييك واحيي عودتك الرائعه .. وصح لسانك على هذه الاستهلاليه الرائعه .. لك خالص تحياتي |
سلام من قلب(ن) همومه عظام يامن لهم حشمه وقيمه وجـاه الله كم في خاطري من علـوم لكن حدتني صـدوف الليالـي أدوّر الحاجـه علـى مكرهـا الرد: شامان يقتـص اللحـم والعظـام حليل من يقرب حـدوده وجـاه يموت مايفـرح بنصـب العلـوم ماهي هروج اهل الطرب والليالي واهل المكر تندم علـى مكرهـا الشاعر احمد مطر بيض الله وجهك وبقيت سالم |
حياك الله ياخوي أحمد وفرّج الله عنا وعنك وعن جميع المسلمين كل كرب وهم... |
مرحباً بك ياابو مطر بين اخوانك من جديد اسفرت بقدومك الــدار ياغالـــي وانورت من عقب ماعاد غايبها |
احمد مطر
الله يحيك تراحيب المطر لك وحشه وشتياق عظيم اسمح لي بالمشاركه بهذي القصيده وتوب مرررره
*= البدع : مسفرالفضيلي= *= يا مرحبا ترحيب رد السلام= يا صاحبآ علمه لنا فيرضاه= مقسوم رزق الناس والشر قسوم= ان غبت يا وجدى ويا صرم حالي= عظامى اشقتني علي جبرها= *= الرد : مسفرالفضيلي= *= وين الذي يبدى لحرب وسلام= وسير أيام العمر في رضاه= لو جاء في ارض الغرب والشرق سوم= صوت المكاين ضيعت صرم حالي= والروح يا مابي علي جبرها= *= |
أسأل الله الواحد الاحد الفرد الصمد
ان يفرج همك وغمك وكربتك فانه القادر وارحب بك تراحيب السيل في بيتك ومنزلك وصح لسانك وبدنك ملايين على هذه الرائعة |
صح لسانك ياشيخ مسفر على روعة البدع والرد الله ما اجمله
|
أحمد مطر مرحبا بك ملايين والله يحييك من جديد أسئل الله العلي العظيم ان يفرج همك ويونس وحدتك ويشفيك من مرضك يارب تقبل مروري وصادق دعواي |
|
شكرا .. من القلب !!! السيد المحترم .. والأخ الكريم المبجّل الشاعر القدير (( احمد مطر )) ..!!! طاب يومك وعملك .. سيدي !!! الحمد على السلامه .. وماتشوووووف باس عزيزي والعوووود أحمد يا أسستاذ احمد ..!!! مع الرجاء الكريم .. ان تتقبل صادق المودة .. والولاء .. ودمت سعيدا في ظل محبيك ودمت لي صديقا وفيا..!!! |
الحمد لله على عودتك لنا يا ابو مطر يا شاعر القيف ويا اديب الكلمه والحرف .. والله يصرف عنك كل مكروه ويفرج همك لك من الدعاء بضهر الغيب وعلى الله الاستجابه
|
همسة شوق
سامي الطالع نسايم ليل عبد الله اللبيدي زهران برق الجنوب بن صغير إبن الجنوب ملك الليل مسفر الفضيلي صقر الجنوب أبو يحيى د.ليل الوعد بن شاقول نديم القوافي أخجلتموني بهذه الإخلاق الساميه التي إن دلّت على شيء فإنما تدل على الطيبة المتأصلة في النفوس الطاهره التي ترعى الأخوة وتحترمها كيف ماكانت وأسأل الله العلي القدير أن يجيب دعائكم( ولكم بالمثل) وألاّ يحرمكم الأجر والثواب ............ لكم مني جزيل الشكر والمحبة والعرفان دائماّ وأبداً تحياااااااااااتي |
الله يسعدك يالفضيلي أنا اشهد انك شاعر قمه من كل النواحي خصوصاً في الجانب الخُلقي الله يزيدك ويتمم عليك يالغالي .........
وانت هيّضتني بالكلام الطيّب والعلوم الزينه وزدناها واحده عشان سواد عيونك يالنشمي البدع:
دام البقا يامن علومه تمام= الرد:اللي ينومس عزوته واشوراه= وهو مع ربعه من ارواس قوم= مثل الجبل مهما حصل مايهالي= لو طالت الفتنه على جمرها=
معي على بعض العلوم اهتمام= واللي تربّى في الهنا وش وراه= يضحك وراعي الهم يروا سقوم= ليت النـّهول الصافيه مايها لي= وهمومي آلاقي علاج امرها= |
الحمدلله على السلامه ياشيخ احمد والله يفرج كربك ويزيل همك
وضح لسانك وعلى شانك وصح لسان الفضيلي |
مرحبا ملايين والله يحييك ياتاج راسي يابو طلال آنستني وشرفتني بمرورك العطر
تحياااااااااتي |
| الساعة الآن 01:38 AM |
Powered by vBulletin® Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
جميع الحقوق محفوظة © لأكاديمية العرضة الجنوبية رباع
