|
علي السبيه والاسهم
من قبل ساعه وانا مبسوط مغنيني الله = ومن بعدها الا وانا في وسط بيتي وفقران =وان كان نشدني رفقي قال ياكم رصيدك = باقول روح انشد اهل الاسهم العالميه
|
حي الله سهم زهران ومن طول الغيبات
جاب الغنايم وينك غايب عنا ياصاحبي الرد حليل من هو كثر دينه وفقره تولاه ...ريَانة العود لو جاها العطب ماوفق ران... ياسهم زهران لاتخطي في البر صيدك...ماعاد يمديك تخفي الكلمه العالميه |
هههههههههههههههههههههههه لاهنت لاهنت والله موجود بس ياخي مدري وش معك وعدتنا تجي ولا شفناك الا انا موجود دوك البدع
ياصاحبي يالسبيه موجود في كل حله = في حلة البدو وانا انوب عن جمع زهران هذا القدر والقدر ماهوب فيدي وفيدك = قم علم اللي جهلنا والجهاله بليه |
من قبل ساعه وانا مبسوط مغنيني الله =
ومن بعدها الا وانا في وسط بيتي وفقران =وان كان نشدني رفقي قال ياكم رصيدك = باقول روح انشد اهل الاسهم العالميه .................................................. . مشكور ياخوي والله يرفع الضرر على كل مسلم ويعوض جميع خسايرنا في الاسهم وسوا وان كان نشدني رفقي قال ياكم رصيدك باقول روح انشد اهل الاسهم العالميه |
ونعم ياسهم زهران واستلم الرد
الرد انا سؤالي بسيط وسهل والكل حله......والشوك من جمَعه ماهو كما جمع زهران من لا يفيد العرب ماهو بفيدي وفيدك.....ولا يدور المكن في المصنع الا ب ليه |
الهباق اللهم امين ولاهنت على المروووور
يازين صوت السبيه اللي لايمن شله = والله ينسييك هذا اللهم لو كان ماكان ياصاحبي ياعلي لاعاد توقف قصيدك = ويسير محبوووبكم مابين شمساً وفيه |
تعيش ياسهم زهران
الرد كلن معه بين خلق الله ربعن وشله.....وهل القصص والروايا عندهم كان ماكان احذر من الداب لوتغفل عنه يلقص ايدك....وصاحب اهل الشرف واهل القلوب الوفيه |
تعيش ايامك
لاياعلي خل عنك الهيص والفرض صله = الله يحسب موازين الخلايق بميزان ماينفعك بعد ربي ياعلي الا حصيدك = ياجعل مسكانك جنات العباد الهنيه |
واصل ياسهم زهران
الرد بعطيك سيفً بريعً دمشقياً يصله.....وبعد معي لك لباب وتمر حالي وميزان ترى الدركتل بجنزيره يدك الحصى ايدك....لا تبتعد عن علي لكن قرَب هنيه |
ابشر ابشر ياعلي على امرك ياالقرم
تراني اترك دقاق الهرج اجيب جله = ومقعدي مع هل الطلات ذربين الايمان دوك العلوم الثقال ان كان تبغى نزيدك = ارفع يمينك... بعال الصوت وازهم عليه |
وافي ياسهم زهران
الرد المرسدس وقفه في الحوش والجيب جله..ترى البراهين ماتحتاج حلفً ولا ايمان ما عاد ياخاطري يهنى شرابك و زادك.....احن وازفر ولا حد قال ميدي عليه |
ولاعليك زووود يااستاذي
ياليتني في جنوب المملكه وسط فله = وابعد عن الهم واللي جاء معه طول الازمان اتروح عن ديرةالاجناب ويجيك عيدك = اخير من شوفة اهل المملكه الفيصليه |
تعيش ياسهم زهران
الرد الناس ماينفعون اللي نوى الله يفله.......اطيح واقوم والمح لي منافذ ولزمان لاضمك القبر لا تحسبه باقي يعيدك......لاالتف لحده على الجنبين والفي صليه |
تعيش ايامك ياعلي وهذي اخر بدعه وصح السانك انت ياخي داهي جبناك منيه ومنيه ما قدرنا عليك هههههه
استلم يالتلي مع علي ياناس فنجال دله = واعلمه وش حصل وش صار من سود الاعيان يالله ترحم هموم اهل التقى من عبيدك = فان الهموم التي فالصدر بالحيل سيه |
وانا سعدت بقصايدي معك ياسهم زهران واحنا
اخوان ومكملين لبعض ولا به فرق يننا وانت شاعر وقصايدك على العين والراس ووقت ماتبغى القصايد انا موجود وتحت امرك الرد ياسهم زهران كلً له مكانً يدله...والشهره تبقى مع اصحاب المناصب والاعيان ياحاكم الدوله عدنا كلنا من عبيدك..........ديارنا في خراب وديرتك مانسيه |
| الساعة الآن 02:05 PM |
Powered by vBulletin® Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
جميع الحقوق محفوظة © لأكاديمية العرضة الجنوبية رباع