قالت وهم وأقول عيشي بالأوهام = الحب وصل وصد والصد ياجع
هاتي دليلك وإتركي سرد الأفلام =أنا دليلي عندنا له مراجع
كفي بلاك ولا نبي مِنكْ إخصام = خلك بحالك قلّبي للمواجع
إنتي وأنا والوقت قدام قدام = يومن سألتك قلتي القلب هاجع
الحب له سلم وقوانين وأحكام =والهجر له تعميم سري وفاجع
جاني بقلبٍ من عنا الوقت منضام = وزرعت في وسطه زهورالأراجع
وعاهدني بدين الوفا دين الإسلام = يبقى حبيب ولا بحبه تراجع
هام بغلا من هامته لين الإبهام =و حمام حبه من عنا الهجر ساجع
لو غاب يوم إثنين عشره شهر عام =تراه مهما يبعد اليوم راجع
تلين القلب القوي كثر لأحلام =وتقوي القلب الضعيف الفواجع

تلين القلب القوي كثر الاحلام
وتقوي القلب الضعيف الفواجع

هنا بذخ شعري غير عادي
كلمات شاعريه لها رنين خاص
راقت لي بكل امانه
يقف الشعر احتراماً لهذه الشاعريه
صح لسانك ملايييين

ترانيم المطر اسم وانتقاء شاعري بحد ذاته
اسجل بصمة اعجابي هنا
مع اطيب الاماني

لو غاب يوم اثنين عشره شهر عام
اكيد مهما يبعد اليوم راجع
ترانيم المطر صح لسانك واعتلا شانك

الشاعره ترانيم المطر

تلين القلب القوي كثر الاحلام = وتقوي القلب الضعيف الفواجع

صح لسانك

لو ماقلتي الا هذا البيت يكفي ان تكوني شاعره

الله يعطيك العافيه وبالتوفيق

بذخ شعري راقي
واحاسيس عميقه
وحروف جزله
واعتزاز وثقه
صح لسانك وكلك ترانيم المطر
استمتعت بقراءة هذا النص المتألق بابياته الشامخه ومعانيه الساميه
لافظ فوك ولا خلا ولا عدم