مادام لي صوره بعينك من الشوق=لك صورة ً في وسط قلبي وعيني
واعاهدك بالحب يا اعز مخلوق=ما انساك لاصرتي بعد تذكريني

من لامني في حب مثلك وشرواك= انا اشهد انه مايعرف الملامه
ماهمني لوم الخلايق وانا اهواك=والخالق اللي حط فيك الوسامه
ماهمني الا بسمة شفاك وارضاك=واكون في نظرتك راعي الزعامه
واذوق من طعم العسل في محياك=وارضى بقلبً صار مثل الحمامه

ما ابعد طريقي لك وما اصعب تغليك=وياكبر صبري لك وطول انتظاري
احلم وياليت ان في الحلم باجيك=حتى بحلمي ذقت منك المراري
لا تحسب اني صرت لعبه فياديك=واني عجزت ابعد واصدر قراري
كل الحكايه واحدً كان يغليك=يبغى الدفا دامك توقد شراري
يدفى بقربك دون حتى يحاكيك=وانته كذلك في محبته داري