|
اشوف المحاجي وابصر الصقر فز حاحام= وقلبي لك الله مارغب عن هوى الصبوح= وصوت المحدش كنه الرعد لازكم= توقّّع ولاتنزي القدم في فجايعه = |
الرد:إبن الجنوب= *= أخاف الطريق ايطول ونضيع في الزحام= يفوت العشى عنّا ولا ندرك الصبوح= ماحد يأخذ الضيفه بسيفن ولا زكم= وكم عالمن تمسي بالالاف جايعه= |
أخاف الطريق ايطول ونضيع في الزحام
يفوت العشى عنّا ولا نـدرك الصبـوح بيض الله وجيهكم ويعطيكم العافيه ولا هنتم ان شاء الله .....تحياتي لكم |
اشوف الزمن غدار واهله كلو الحرام= وماعاد راعي العيس يقوى على الجنوح= على النت صوتيات تصدح بصوتهم= يغنون لاجل الفسق باصوات رايعه= |
ارحب ياضجيج
وجهك ابيض شكرا لمرورك ولكل من يمر وسيمر من هنا لاعدمتكم |
الرد:إبن الجنوب= *= الا يالله إنّك تمّن المسجد الحرام= واكسر شوكة أهل الظلم والجور والجنوح= وبدّد مجاميع اللي أتربّصوا تهم= الاحقاد ضدّ أمن السعوديه رايعه= |
بلاك الذي لاشاف له طيف بنت قام= يوسع لها المجلس ويبني لها صروح= والى شاف له رجال قفى وساق حم= وكني بعيني الحق اشاهد مصارعه= |
أخي الفاضل نجم الجنوب :تشرّفت بمحاورتك وأتمنّى إني كنت عند حسن ظنّك بي .لك أن تواصل ولك أن تغيّر القارعه فأنا تحت أمرك ... وما ارجوه هو أن تعذرني على مابدر مني من تقصير... تقبل تحياتي وتقديري...
الرد:إبن الجنوب= *= أنا مانويت على المخاليق بإنتقام= مسالم ولا قدّامي إلا خلاص روح= عاتبت الزّمان اللي جعلني وسى قحم= غيّر خلقتي وازريت أقاوي مصارعه= |
من البحر هات المعرفه هات وانس جام= وشد الصواري والدسر مثل شدّت نوح= شراع السفينه زهر فواح زان شم= وسمحان لو شال الحمل مانت بايعه= |
الرد:إبن الجنوب= *= أنا والطبيعه بيننا حبّ وإنسجام= وصوت الحمامه اللي ترفرف وشدّت نوح= يذكّرني الشّم اللذي في وزان شم= ولا أقول علم إلآ احترص من تبايعه= |
| الساعة الآن 09:05 PM |
Powered by vBulletin® Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
جميع الحقوق محفوظة © لأكاديمية العرضة الجنوبية رباع