ياليل ياجامع قلوب المواليف= قل للوليف اني على الود سهران
خذها رساله ماطوتها المظاريف=ولا انفتح منها نوافذ وبيبان
من قلب وليا قلب حسب التصاريف=شوق ووله من قلب للود شفقان
لي قاربً في الحب ماله مجاديف=تسري به الارياح من دون ربان

اتعبني التفكير واضناني الشوق=واسهرت عينً ما اهتنت بالمنامي
يانجمة ً متعليه بالسماء فوق=سلمت واتمنى تردي سلامي
حبك تغلغل في شرايين واعروق=والصمت صار ابلغ من اي الكلامي
والوقت وين الوقت لا صار مسروق=يادوبني اهنى لحضة ً في غرامي

مازلت اعيش بذكرياتي ولا انساك=عمري معك بقضيه يومً ورى يوم
لو جارت الدنيا على قلب يهواك=معذور يقضي باقي الوقت مهموم