دمعه وسالت على خدي من اسبابك=ماهو زعل منك لا والله يالغالي
لكنها غصب سالت دمعة احبابك=ردة فعل ناتجه عن خيبة امالي

الوقت قاسي و الفتى يبقى علـى الشـدة صبـور
و أن ما غدا الرجال ذيب يطيـح بأنيـاب الذيـاب
حتى الصديق الله وكيلك صـار دمـه مـا يفـور
و أنا لقيت الأصدقاء معظمهـم أشبـه بالسـراب
ناصر القحطاني

تلاشت كل افراحي وقمت احضن معناتي= وانا اجمع ذكريات الامس ابرحل يازمن جافي
على طاري الفراق المر عزمت ارسل لك ابياتي = وفيها اترجم احساسي واعبر لك عن الخافي
على اوراق الغرام العف كتبت ابشوق لهفاتي =وسطرت الحروف الي سقاها دمعي الصافي

ياصاحبي لاتسولف لي عن الماضي=رحل بمافيه لايطري على بالك
لا سرت مشغول عنك تقول انا فاضي=وإذا تفرغت لك يامكثر اشغالك
إن كنت راضي على ذا الوضع انا راضي=وإن بعتني في الهوى برخيص عقبالك

لاتحسب اني بسرج الشوق واجيك=الشوق مهره والرسن في يديني
ولا تحسب اني تحت رحمة معاليك =والله ليبطي الوقت ماشفت عيني

مسموح لك تخطي معي عشر مرات=دامك معي حتى لو أخطيت عادي
ابشّرك صاحي والاحساس مامات=أصحى على اسمك واذكرك في رقادي
لاكنّي اكره كلمة الحب بالذات=إن قالها شخص(ن)بليّا وكادي
لك من بحر جده إلى حد سيهات=جرّب هوى رمزي وحلمي وفادي
أهم شي ترجع وعندك قناعات=تثبت لك إني شخص ماني بعادي

حاولت اجامل وادمح الزله وارضيك = وانت الذي عني بعدت وتخليت
ازفر على فرقاك حسرات وابكيك= ولا مرطيفك صافي الدمع هليت
ماهما يطول الوقت ماني بناسيك = يامن بوسط القلب والروح حليت

انت راجع ؟ حتى لو تكذب علي بس قول راجع=ليه ترحل وأنت تدري في غيابك كيف أعاني ؟
آه... يا حزن القوب وآه.. يا كبر الفواجع=وآه .. يا هم الوداع اللي يصبه في المحاني

لا وحشى غايب ولا هو بغايب = روحه بقربي حاضره لو يغيبي

لا تطري الفرقا ترى القلب مفتون=والبعد قاسي والمحبه صعيبه
أما تعال بكل مافيك بجنون=وإلآ ادعني وآجي بمليون هيبه

الانسحاب ف بعض الاحيان .. قوّه!!
لو صابك من الشوق مايسهر المـوق

إتشوم عنْه .. ومن خيالاتك إتفـوق

و لا تهينه لجـل عاشـق ومعشـوق

وش عاد لو شنّع بك الوجد والشوق!!

الشوق واضح رغم ما يخفيه بحروف العتاب=وفر عتابك لا تصبه في صدور العاشقين
تغانمو فرصة وجود الحب دام انتو قراب=خلو الحزن للي حبايب قلبه أقفو من سنين

عظم الله اجر منهو في سنينه=مالقى موطن تحط به الركابي
غير قبر(ن) تحت جفنه دافنينه= وانتهى حلمه على حظن الترابي
استراح وريح اللي تاعبينه=لا مدينه..لا طموح...ولا عذابي

من دون رجوى وقال وقيـل
أرسل له الشـوق ويجيبـه
أهديـه ورده مـن الإكليـل
من طُهْر قلبه ومـن طيبـه
فـي ودّي آقبّلـه تقبـيـل
وأفرح بشوفه وأهلّـي بـه
وآقول بسّك دلـع ورحيـل
نـوّرت يامطـوّل الغيـبـه

نوره الغامدي

مديت له يدي وانا قصدي الخير= قلي عساها بالكسر ابعديها
واتعبت رجلي في دروبه وانا اسير= واخلصت له وروحي برجله وطيها

أحد على الدنيا وهو كنـه مـن أصحـاب القبـور
و احد يجي و يروح مع خله وهو تحـت التـراب
ياللي نسيت أن الهوى يبقى علـى مـر العصـور
بنشدك عن برقٍ سرابك و أنت من فوق السحـاب

قال لو حبيت غيرك وش تقول؟=قلت أحآول قد مقدر أمنعك
قال وإت عجزت تطآوعك الحلول؟=قلت .. أحبًه يا بعد عمري معك

الى متى والمشاعر دوم ممنوعه= سؤال ادور وابحث عن اجاباته
والى متى العين ماتغفى ومفجوعه=تراقب الصمت تتحرى لهمساته

آسف نطقت إسمك بدون مقدمات=ماهو عتاب ولا خلاف ولا زعل
نطقت بإسمك جاتني نوبة سكات=حسيت بشفاتي مثل طعم العسل

ياحور كفي الدمع تكفين ياحور= يكفي دموعي حرقت جفن عيني
اضحك واسولف داخلي قلب مقهور=واتذكر اللي غاب وينه وويني
في غيبته مايلحقك ضيم واقصور=ارخص لك الغالي وتفداك سنيني

لؤلؤة زهران

قله الا مــني عـــلى الــدار مـــريت
تذرف عيوني غصب واذكر غرامه
قــله ترانـــي كل مابـــعـــدت رديــت
لـــدار ذيك اللي بــها لك عـــلامــه

يمر يوم وكل يوم يمر أحس إني حزين=أصبح على ضيقة صدر وأمسي على ضيقة صدر
قالو كم اللي راح من عمرك شقى قلت سنتين=عامين ونا آقرًب الخطوات والقلب ايحدر
قالو الكدر ويش الكدر قلت الكدر مثل السجين=إن عاش في سجنه كدر واذا طلع عاش بكدر
قالو سواتك وش يسوي قلت بين الحالتين=أما توفى من غبن والا قضى عمره هدر

رسمت جروحي على قلبي رسم

تسلم ايدك كنت قاسي يالحبيب

كيف تجرحني وتبيني ابتسم

شي غريب اللي تقوله شي غريب

الالم بالروح ماهو بالجسم

يعني ادري فيني ماينفع طبيب

انت ياللي اسمك (حبيبي)بالاسم

كنت اظنك ماتخليني وتغيب

تدرون ليش القلب ممكن ينقسم

لان اعز الناس يطعن بالصميم

لو بني آدم تحسب أفعاله بقلبه وإشتياقه=كان ما تصبح عليً.. إلا وأنا قدَام بيتك
وإن سألتي قلتي أصلاً .. بيني وبينك علاقه؟= قلت .. مأدري بس قلبي طاوع أشواقي وجيتك

ماعلي امن الخواطر لغدت مكسوره=المهم اني بجنبه عشت احلى ايامي
احتفي به يالقصايد واطربي لحضوره=هذ هو اللي عشقته في خيول احلامي

راح وترك دمعة عيوني بين طيات كتبي=وصرت أنا وأصدق حروف الشعر نتخاصم نبيه

في داخلي جرح(ن) من العام قيّل = أحسبه مات وجرح قلبي تفيّا
يسقي عروق القلب همن تحيّل = وبانت همومه كلها بالمحيّا
شربت من فنجال غدر مهيّل = فنجال طال القلب طاويه طيّا

في حضورك يشرق الحكي بشفاتي = ما يبي غيرك يشوف الشوق فيني
يستهل بصادق الود أمنياتي = ويتقهواها غلا بينك وبيني

خذ دمع عيني حبر تكتب به وخذ صدري كتاب=أبغاك تكتبني محبه ثم تقراني وله
فتحت لك بيبان قلبي كل أبوها باب ! باب=والحين أفكر في غيابك كل باب آقفًله

الهجير