( محمد عبدالرحمن ، سعيد بن سالم ، الصهيبي ) قارعه

البدع / محمد عبدالرحمن

الذكي نال الشرف وانتوش عارن بليــــــــد ! = يالذي دللك هذا الزمـــــــــــان ولنت بـــــه
رح من (السوده )معك لا تخوم إ(قيا)سر اختر=اما هد الضلع والا النوايف طلهــــــــــــــا

الرد / سعيد بن سالم

ارتجلت الشعر قبل اكتب اشعارن بليـــــــد =كم شاعر مررت معنى عليه ولا انتبـــــــــه
لأني آقيس المعاني على مقيــاس رختــــــر =واردم ابياتي على من نوى يفطن لهــــــــــا

البدع / الصهيبي

الله وش ذا الغصن من ولم حبه مال نيــــد !=جاره الله من يدين السروق المنهبــــــــــه
ما نكثه الرمي الابتر ولا منكث رمى افتــر =ودي أملاء العين قدام لا نهتلهــــــــــــــــا

الرد / محمد عبدالرحمن

والله انا في ضياع المسافر مالنا ايـــــــــد =اكسب اجره كان عندك مكان أمنه بـــــــه !
ما نشاهد خطوته ترتجف من كثر ما افتــر =رجع الخطوه ولكن زمانه تلهــــــــــــــــا

البدع / سعيد بن سالم

النمر لا شاف صيده بهش ..يهبده بيـــد =يا صهيبي لا تهاب العدى وامشـــي يبــــه
وش تبغاني !ودك ادعيك والا ودك آتــــر =مشكلتك انظر لها وبتلاقي حلهــــــــــــــا

الرد / الصهيبي

يا صحيبي خافقي مالعناء يهبد هبيـــــــــد =فيه من صكات الايام جرح وشي بــــــــه
ما نفعني طب الاعشاب واشقيت الدكاتـر =والجروح ازريت لا القى تلاقيح(ن)لها !

البدع / محمد عبدالرحمن

اخبر الجوال مفصول دايم يا سعيــــــــد =ليتني ادري بعد طول السبات اش فقت بـــــه
لشريحه مسبق الدفع توقيت(ن) مقدر = كل يوم اشري بطاقه سوا واشحن لهـــــا!

الرد / سعيد بن سالم

جيتني فالعيد واهديت لك ملبوس عيـــــد =وانا ياكم من فقيراً شكى واشفقت بـــــه
ما دام إن الفقر بعد الغناء شياً مقــــــدر =اعتبرها مشكله وانتشد !وش حلهــــــا؟

البدع / الصهيبي

كان لي صاحب موجّب وصل رتبة عقيد =كان له منصب حكومي وجاه ومرتبـــــه
وآطوي قيده وعود كما الطير المهجّر ! =لا نصى له شجرة(ن)يستضل بضلهـا

الرد / محمد عبدالرحمن

ابو ياسر بعد شفناه جاله نزع قيـــــــــــد != ما معي له مقعد(ن)للنجاه ومرتبـــــــه
قولوا له يا شاعر(ن)منطقه جر المهج جر =ظلت الهقوات واخشى تظل بظلهــــــــــا

تحياتي ومودتي [/align][/QUOTE]

المحاورة حلوه بس فيها وفيها
شوف وقل وش رايك
اكتب اشعارن بليد
مالنـا ايـد
..يهبده بيد

كلام كبير من شعار كبار

بيض الله وجوهكم

1

ارتجلت الشعر قبل اكتب اشعارن بليد=
كم شاعر مررت معنى عليه ولا انتبه =
لأني آقيس المعاني على مقياس رختر=
واردم ابياتي على من نوى يفطن لها=

2

اخبر الجوال مفصول دايـم يـا سعيـد=
ليتني ادري بعد طول السبات اش فقت به=
لشريحه مسبق الدفع توقيـت(ن) مقـدر=
كل يوم اشري بطاقه سوا واشحن لهـا! =

3

كان لي صاحب موجّب وصل رتبة عقيد=
كان له منصب حكومي وجاه ومرتبـه =
وآطوي قيده وعود كما الطير المهجّر !=
لا نصى له شجرة(ن)يستضل بضلهـا =

ولكن وانا فداك القصيده الاخيره شكلك نسيت حرف
في البيت قبل الاخير وانت تكتبها يمكن

واطوى = وانطوى
وغيرها مانقول الا قمه يا اصحاب القمه

صحت الالسن والابدان ياالنشاما والله يجمل احوالكم

صحت قلوبكم والسنتكم والله يعطيكم الف عافيه

عساني معدمكم

اقتباس : المشاركة الأصلية كتبت بواسطة المدلع [ مشاهدة المشاركة ]

المحاورة حلوه بس فيها وفيها شوف وقل وش رايك اكتب اشعارن بليد مالنـا ايـد ..يهبده بيد

ا رحب ...يالمدلع

شكراً لك على المرور ملاحظتك في محلها ... ولكن !!

هذه الحاله وغيرها موضع اختلاف بين كثير من الشعراء ولك ان تقيس على هذا اغلب القوافي التي تنتهي بحرفي ( ل ها ) او ( ب ها ) ففي الغالب وخاصة في القارعه الطويله التي تستنفذ شقورها تتغير الكلمة التي تسبقها فقط وتبقى ثابته مثل ( وشعمل بها ) من اشعام النار .. وفي الرد يكون ( وش اعمل بها ) من العمل .. ولو لاحظت تجد ( بها ) ثابته في البدع والرد .!

ولكن يبقى هناك شقر (تام ) وشقر ( ناقص ) ولكل منها شكل فالتام / ما اتفق فيه اللفظان في أمور أربعة هي نوع الحروف ، وشكلها ، وعددها ، وترتيبها والناقص/ ما اختلفت فيه اللفظين في واحد من الأمور الأربعة التي ذكرتها في ( التام ) .

يعاب على الشاعر في القصيده النبطية ان يكرر قافيتين مثل ( الناس ) ( الناس ) وبعض النقاد يرى انها صحيحه في حالة ان يكون هناك فاصل من سبع ابيات بين كل قافيه وقافيه مكرره ! ولكن في الشقر قد يأتي شاعر البدع بشقور لا تنتهي الا بكلمة ليس لها الا معنى واحد ( .. فيظطر شاعر الرد الى تكرار القافيه ) مع اختلاف الكلمة التي سبقت القافية!! ليكون المعنى في قافية الرد مغايراً للمعنى في قافية البدع حتى وان تشابهت الالفاظ .

شكراً لكرم تواصلك

مع اجمل تحياتي ومودتي

اقتباس : المشاركة الأصلية كتبت بواسطة ابو صالح [ مشاهدة المشاركة ]

كلام كبير من شعار كبار بيض الله وجوهكم 1 ارتجلت الشعر قبل اكتب اشعارن بليد= كم شاعر مررت معنى عليه ولا انتبه = لأني آقيس المعاني على مقياس رختر= واردم ابياتي على من نوى يفطن لها= 2 اخبر الجوال مفصول دايـم يـا سعيـد= ليتني ادري بعد طول السبات اش فقت به= لشريحه مسبق الدفع توقيـت(ن) مقـدر= كل يوم اشري بطاقه سوا واشحن لهـا! = 3 كان لي صاحب موجّب وصل رتبة عقيد= كان له منصب حكومي وجاه ومرتبـه = وآطوي قيده وعود كما الطير المهجّر != لا نصى له شجرة(ن)يستضل بضلهـا = ولكن وانا فداك القصيده الاخيره شكلك نسيت حرف في البيت قبل الاخير وانت تكتبها يمكن واطوى = وانطوى وغيرها مانقول الا قمه يا اصحاب القمه

وآطوي ..صحيحه !!
وانطوى.. صحيحه ايضاً ..

شاكر ومقدر تواصلك وحظورك الرائع يابو صالح

وفقك الله

اقتباس : المشاركة الأصلية كتبت بواسطة علي السبيَه [ مشاهدة المشاركة ]

صحت الالسن والابدان ياالنشاما والله يجمل احوالكم

ارحب ارحب يابو طلال

وشكراً على الحظور والتواصل الرائع

وفقك الله يا رجل

اقتباس : المشاركة الأصلية كتبت بواسطة مسفرالفضيلى [ مشاهدة المشاركة ]

صحت قلوبكم والسنتكم والله يعطيكم الف عافيه عساني معدمكم

ارحب يا مسفر

تسلم وبارك الله فيك

حظورك مشرف وتواصلك مبهج

وفقك الله يا رجل

شعراء كبار كبار بكل المعاني لانملك الا التصفيق لهم