قصيدة حزينة وواقعية

بسم الله الرحمن الرحيم

السلام عليكم ورحمة الله وبركاته

الحمدلله والصلاة والسلام على رسول الله وعلى آله وصحبه أجمعين

هذى قصيده سمعتها وحبيت اقولها لكم
القصيده حزينه وتبكى ....وانا لما سمعتهااا
بلاش فضائحههههه

وهى قصه طويله بس اختصارها ،،
ان امرأه كانت متزوجه وتزوج عليها زوجها من وراها وجاها بالبيت وقاله ابيك تروحين معاى للسوق تشترين كل شى بخاطرك ويعجبك
المهم الحرمه المسكينه شرت كل شى حلو واعجبها من مكياج وملابس الخ ...........
ولما رجعو البيت

قالها زوجها وين الاغراض اللى شريتيها
قالت له ليش قال الاغراض ماهي لك للزوجتي الجديده وكنت ابيك تشترين الاغراض بنفسك
لانى انا ما اعرف اذواق الحريم وانتى اكيد ذوقك حلوو

الحرمه ماتت من القهر
وطاحت واغمى عليها
وخمس سنين وهى بالمستشفى فى غيبوبه
سبحان الله الحرمه صحت بقدرة قادر بعد خمس سنين ......ولما سالت الأطباء وسالت ..فيه
احد زارنى قالوا لها لا محد زارك
قالت القصيده التاليه

تكفين يا طيور الحرار افزعيلى ابى عن ديار الاهل منك اخبار
تكفين حومى فوقهم وارجعيلى وإلا ان حصل لك حومه داخل الدار
تكفين حول بيوتهم دوريلى سبعة فروخ يوم اخليهم صغار
شوفى ضناى وعودى وانكفى لى شلونهم يا علهم صارو كبار
نسوا دفاي ونومهم فى شليلى وش علمهم يا علهم بطول الاعمار
قولي لهم ان امكم لها عويلي خمسه سنين دمعها دوم مدرار
وقولي لهم إني علي طول ليلي أنوح وليا قرب الصبح أنهار
وقولي عيوني دايما له هميلي تبكي ليا شافت من الناس زوار
كل يوم اقول غدى حديهم يجيني راحت سنيني مابهم واحد(ن) زار
وانا اللي من سبت سوات الحليلي حالي تردى كل ماله وينهار
وفرقا ضناي اللي تردت بحيلي كني على شوفتهم اصلى على نار
ياويلي كان الله عجل رحيلي وانا لي سنين ابي لو هي اخبار
ياعونة الله من يبي يرتكيلى ليا جارت علي بأمر الله كل الأقدار
تنكروا من يدخلون الدخيلى واللي بوسط ديارهم يامن الجار
قولي لهم ياطيور قلبي عليلي الله يكافي قلوبهم صارت احجار
وانا اللي لبراق الخيال استحيلي واقول ياعل ديرتهم للأمطار
تكفين وسط ديارهم صوتيلي شوفي عسى لأسمي مع الناس تذكار
وقولي لمن نسيانهم يستحيلي ياللي نسيتوها ترى الوقت دوار
ياهيه ياللي بالسما لك هديلي ردي خبر تكفين يكفي امرار
شوفي هاك اللي نومهم في شليلي من اذان المغرب لوقت الأسحار
شوفي هاك اللي ماتهنى في مقيلي إلا مقيل معهم كبار وصغار
وقولي لهم ان كان حملي ثقيلي مره يجون وعقبها شي ماصار
وانا يتولاني كريم(ن) جليلي ياعلني في جنّة وسط الأبرار

ما اتوقع ان القصيده لها علاقه بالقصه لان القصه خياليه
من قصص الف ليله وليله والقصيده تنطوي على معاناة
وحزن عميق