يا لعن ابـو مــن ورّدك يـا هواتف نوكيـــا ..!(من يرد)؟

بسم الله الرحمن الرحيم
السلام عليكم ورحمة الله وبركاته

من ناسبه البدع يرد والعذر لو حصل قصور


الــــــــــــبـــدع /


اول عن امسي بالضحى حزّ قيّـال البشــــر
وانا على مركـاي و آعــد بيتي والقصـيــــد
ولا التهمت إلى على شاشة الهاتف رقـــم
رديت و إلا صوتها العذب يرزفنــي رزوف
و اخذت معها شوط مـا بين في هــذا وذاك
وطنطــن الجـــوال واثــر ان بطـــاريـتــــه
واعـــدت تشغيلــه وكنّـــه بعـد توّه صنـــع
وافتر واتلف رقمها و التحق باقي الرقوم
يا لعن ابـو مــن ورّدك يـا هواتف نوكيـــا


عبدالله الكناني

حياك الله أخي عبدالله واسمح لي بهذا الرد وإذا لم يعجبك فلك حرية الحذف ...

الرد ابو فيصل


لـبّ داعي خيـر مــا ني بقيّال الب شر


وانتبه لا تلمس الداب الاسود يلقصيد


وانـتـبــه لـلـذيــب مـن لمحته لا فرّ قُم


من لزمـه الـذيب بالناب ظلاّ له نزوف


والـذي يـوذي بــجــارك فـعزّ الله وذاك


ينـتـشر بـيـن الـعـرب والـبشر طاريِّته


واعرف المعروف في بعضهم ما ينصنع


ان كان ودّك في سباق ٍ فـقـم لـلـبـرّ قـوم


الجـيـب لـكـزس يـاس فـالـبرّ قلنّا نو كيا

عبدالله الكناني: أجتهدت وفقك الله عندك هذا البيت مايغني(وطنطن الجوال واثـر ان مــن بطـــاريتـــه)حاول تعدّله

عاشق المها:صح لسانك واعجبني توضيف كلمتين انقليزي في القصيده...

إبن لجنوب : شكراً

عاشق المها : صح لسانك يا بو فيصل ومحشوم ما به قصور وبيض الله وجهك على الردود المشرف

صح لسانك اخ عبدالله
ولسان ابو فيصل

تقبلوا مني اطيب تحيه وتقدير

تسلمون وبياض وجه

بيض الله وجوهكم بدع ورد مجمله سلمت روسكم

اقتباس : المشاركة الأصلية كتبت بواسطة ملك الليل999 [ مشاهدة المشاركة ]

صح لسانك اخ عبدالله ولسان ابو فيصل صح بدنـكـ أخي ومرورك شرف لا عدمناكـ تقبلوا مني اطيب تحيه وتقدير

صح بدنـكـ أخي ومرورك شرف لا عدمناكـ

اقتباس : المشاركة الأصلية كتبت بواسطة الخيال2007 [ مشاهدة المشاركة ]

تسلمون وبياض وجه

عساكـ سالم ..

اقتباس : المشاركة الأصلية كتبت بواسطة شايب العشرين [ مشاهدة المشاركة ]

بيض الله وجوهكم بدع ورد مجمله سلمت روسكم

وجهكـ ابيض وعساكـ سالم وشاين مرورك يا تاج روسنا ..

صحت السنتكم
وانا وجهة نظري اذا تقبلونها ان في بعض القصايد ماهو لازم يجي لها رد
لانها تاخذ المعنى كله واحيانا تكون صعبه حتى على اعتى شاعر
وهذا اللي صار هنا

رد عاشق المها ليس على نفس الطرق من الأساس ما عدا البيتين الاخيرين

ان كان ودّك في سباق ٍ فـقـم لـلـبـرّ قـوم
الجـيـب لـكـزس يـاس فـالـبرّ قلنّا نو كيا
==
ينـتـشر بـيـن الـعـرب والـبشر طاريِّته
واعرف المعروف في بعضهم ما ينصنع

الابيات ليست على لحن واحد

((وطنطــن الجـــوال واثــر ان بطـــاريـتــــه)) ماهو على لحن باقي القصيده

اللي بيقول من انت والا وش دخلك تنقد بهواه
واللي بيقبلها كثر خيره
واللي يبغيني اقول صح لسانك وبس يبشر
كل شي ابشرو لكن دخيلكم في الضيقه لاحد يضيق

اما انا فاللي ينكتب في المنتدى انا اعتبره ملك صاحبه الخاص لين
ينزله في المنتدى ونقراه عندها يصبح ملك الجميع وللجميع الحق
في ابداء الراي
ورويتي لكم والسلام !!

الشاعر الهجير بارك الله فيك / النقد والتوجيه من اهم المسلمات لتلافي
الاخطاء في القصائد وفي اللحن والتوجيه من شاعر له خبره لا يزعل
ولكن الغلط ان تمر قصيد ه وبها عدة ملاحظات ويصفق الجميع لقائلها /مع العلم ان بها اخطاء او نشاز
والغلط الاكبر اذا مر عليها مجموعه من الشعار لهم خبره
بالشعر ونقدهم هادف وبناء دون ابداء اي ملاحظه

تحياتي لك / ووجهة نظري تحتمل الخطأ اكثر من الصواب