%%% (( علي يــا علي ....)) %%%

أخي الغالي / علي السبيه معي لك عيش دخن
على فريقة صقله إن ناسبك والا حدحد به من
راس البيت ... يعلم الله إني أحبك في الله....
/

**البدع**=
***
علي ياعلي .. ياعزوتي .. ياسبيّه=
أشوفك عن البدوان نشّاد نشّاد=
وإذا كان مابيّت فرض البدو عيب=
أباموت لو قيل : السبيّه علي مات=
وهو مالقي في ديرة البدو خانه=
*****

طيب طيب انفروا بنا ياذا الليل


ماهو منك من عيش الدخن

صح لسانك يالمبدع ابدعت موفق ياصاحبي لا خلا ولا عدم

صح لسانك يالمبدع وعلا شانك وننتظر أبوطلال وإبداعه وننتظر محاوره راقيه ...

اقتباس : المشاركة الأصلية كتبت بواسطة الساهر [ مشاهدة المشاركة ]

طيب طيب انفروا بنا ياذا الليل ماهو منك من عيش الدخن

هههههههه ..... مشكور ولا عدمتك
ما معي من عقلي الا فضله .. والمناذير
أبتسري بها ...

اقتباس : المشاركة الأصلية كتبت بواسطة جار الله الخامس [ مشاهدة المشاركة ]

صح لسانك يالمبدع ابدعت موفق ياصاحبي لا خلا ولا عدم

صح بدنك ياصاحبي .. ولاهنت مشكور

الإبداع حضورك هنا..........

اقتباس : المشاركة الأصلية كتبت بواسطة عاشق المها [ مشاهدة المشاركة ]

صح لسانك يالمبدع وعلا شانك وننتظر أبوطلال وإبداعه وننتظر محاوره راقيه ...

صح بدنك ولاعدمتك .... ألف شكر

تحيتي وتقديري

مرحبا تراحيب الغلا ياالمبدع ولا تحب الا من يحبك وصح لسانك ملايين ياتاج الابداع
واشكرك جزيل الشكر لمنحك لي شرف مجاراتك وانا تراني عليمي واقل من العليمي
اذا ماناسبك الرد غيره والا احذقه والا تصرف فيه

الرد:علي السبيه=
.=
نجامل ولا جبنا الخطا والسبيه=
وكملي مع الشعار نشاد نشاد=
بنمزح ونضحك وابنداعب بدوعيب=
والى خذت من بعض المواقف عليمات=
فأنا كم لراسي دايخن بدوخانه=

ياسلام ياسلام على الردود الكايف ....صح لسانك يابو طلال ملايين ..

واصلوا واصلوا الله يعطيكم العافيه يامعلمين .

الله الله ...... هههههههههههههه
ماسوّا بنا هذي السّواه الا المداعبه
عساني ماأعدمك وصح لسانك ملاييين
الشرف لي بمجاراتك .. والدعوه ضحك ومزوح
/

** البدع**=
***
علي ضاق من علمي وصدّ أقتفيّه=
ولا أمداني آقهويه دلّه وبرّاد=
ولو ماأعترف طلّعت في راسه الشّيب=
أنا ضابط التحقيق في وقت إفادات=
وفي قبضة إيدي مطرق الخيزرانه=
*****