%%% (( أحبـــــــــك )) %%%

أحبك كثر مادمع المفارق تشتكيه العين=
أحبك كثر مادمعه وراء دمعه..ومتبوعه=
أحبك كثر مانرسم قلوب يشقّها سهمين=
ومن فوق القلوب أرسم نجوم الليل مجموعه=
أحبك كثر مايحكي بنا بين العرب شخصين=
أحبك كثر ماصدري بحُبك ترجف إضلوعه=
أحبك كثر ماحاولت أشوفك..قلت لي بعدين=
أحبك كثر ماجاني على فرقاك من لوعه=
أحبك كثر ماقلتي ليَ أصبر.. قلت لك من وين ؟=
أجيب الصبر والليل أنطفت في عيني إشموعه=
أحبك كثر مالبّيت مطلوبك من العينين=
أحبك كثر ماناظرت نظره غير مشروعه=
أحبك كثر ماغيّرتي اللهجه على حرفين=
وبدّلتي بقولة ( لاتسوّي هالكلام ) أووووعه=
أحبك كثر لهفة شاطيء الراحه على دارِين=
ويصبح شاعر المليون في تقديمها روعه=
أحبك كثر ماجبتي قصيد وينكسر بيتين=
ومن يقرأ قصيدك قال: هذا البحر وش نوعه=
أحبك كثر ماقلتي تعال ... وقلت لك هالحين=
أحبك كثر ماصارت دروب الوصل مقطوعه=
أحبك كثر ماقلت : إنت روحي والغلا يازين=
أحبك كثر مانامت عيون الشوق مفجوعه=
أحبك كثر ماودّك تقولين :العمر عشرين=
أحبك كثر ماأشوفك صغيرة سنّ دلّوعه=
أحبك ياحبيبي كثر ماتلعب على الحبلين=
أحبك كثر ماروحي فيَ العُذّال مخدوعه=
أحبك كثر ماتتزايد أمواج البحر مترين=
أحبك كثر ماصارت زوايا الشّط مربوعه=
أحبك من سنه...كنّي أحبك من ثمان إسنين=
أحبك لين زمزم ينقطع ويجفّ ينبوعه=
أحبك كثر مايفرح من الأطفال فالعيدين=
أحبك كثر ماقدّمت لك فالحب مطبوعه=
أحبك كثر ما طير الحَرَم ودّه يقول:آمين=
إلى منّه خَشَعْ صوت السّديس وهلّت إدموعه=
أحبك إنت وحدك بس ّ.. لايمكن أحب إثنين=
أحبك كثر ماكِلْمتك عندي دوم مسمـوعه=
أحبك ثم أحبك ثم أحبك ثم أحبك لين=
أحسّ إنّ القلوب السّود بالأحقاد مفقوعه=
*****

/
(شعر المبدع)

الله الله
صح لسانك مدد بلا عدد

بنتظار جديدك

دمت بهذا الأبداع

بكل الود والتقدير
اطلعت على موضوعكم وانه ليشرفني باسم الادارة العامة للمنتدى وباسمي شخصياواسم عضاء الادارة العامة للمنتدى ابارك لكم جهودكم وارجو ان يستمر التعاون المثمر من قبلكم لتزدان صفحات منتديا رباع بما لديكم
وتقبلو تحياتنا
رئيس مجلس الادارة
والمدير العام
مهور

__________________

يعطيك العافيه
ابيات رائعه

اقتباس : المشاركة الأصلية كتبت بواسطة متعب الدوسي [ مشاهدة المشاركة ]

الله الله صح لسانك مدد بلا عدد بنتظار جديدك دمت بهذا الأبداع

صح بدنك مدد بلا عدد

مشكور لاهنت ع المرور

اقتباس : المشاركة الأصلية كتبت بواسطة مشهور [ مشاهدة المشاركة ]

بكل الود والتقدير اطلعت على موضوعكم وانه ليشرفني باسم الادارة العامة للمنتدى وباسمي شخصياواسم عضاء الادارة العامة للمنتدى ابارك لكم جهودكم وارجو ان يستمر التعاون المثمر من قبلكم لتزدان صفحات منتديا رباع بما لديكم وتقبلو تحياتنا رئيس مجلس الادارة والمدير العام مهور __________________

لاهنت مشكور والله يعطيك العافيه

تحيتي وتقديري

أستاذنا الغالي والعزيز /محمد الزيادي
صح لسااانك لين ترضى ياامبدع
مبدع دايما
دمت كما أنت
تحيـآتــي ..

اقتباس : المشاركة الأصلية كتبت بواسطة شموخ الجنوب [ مشاهدة المشاركة ]

يعطيك العافيه ابيات رائعه

ويعطيك العافيه

ومشكوره لاهنت

شعر المبدع

وانت قلته لانك فعلاً مبدع

صح لسانك

بصمة اعجاب

ابو شهد

ماشاء الله لاقوة إلا بالله
درر منظومه