من ديوان الشاعر الكبير طلال السعيد

من ديوان الشاعر الكبير طلال السعيد



ياعين شوفي كامل الزين يا عين
شوفي حبيبك وافرحي في قدومه


جودي بدمعات الفرح لا تخشين
دمع الفرح ياعيني اليوم يومـه


هذي حلات الحب صافين الاثنين
كلن يبيع الـود للـي يسومـه


ان كان قالو بالسنه بس عيدين
اليوم ثالثهـم وبانـت رسومـه


احنا فرحنا وما نسينا المحبيـن
ما ينسا ربعه من يقضى لزومه


الله يهني قلوبهم قولـي آميـن
واللي يلوم العاشـق الله يلومـه

__________________

قصيدة أخرى


تعاتبنـي بنـظـرات خفـيـة
وأجاملها ولا ادري وش وراهـا
أجاوبهـا بنـظـرات حزيـنـة
تعبر عن ضنا الروح وشقاهـا
أسايرها وأجـاوب كـل نظـرة
وأخبي الوجد وأبحث عن رضاها
وعقب ما شفتها عرفـت قلبـي
تناساهـا ولكـن مـا نسـاهـا
غلاها يزود مـع زود الليالـي
وباع النـاس قلبـي واشتراهـا
وصرت أغار أنا منهـا عليهـا
خطا نفسي وآنا أتحمل خطاهـا
وأغار من أمها حتـى وأبوهـا
وأغار من الذي بأمـره ولاهـا
وأحسد اللـي تبـره بالرعايـة
وأحسد اللي بأحاسيسه رعاهـا
وأحسد البنز لا قامـت تسوقـه
أخاف أنـه يشاركنـي غلاهـا
وأحسد الريح لا حرك شعرهـا
وأحسد عيون غيري لا تراهـا
وأغار من القمر لا شـع نـوره
خذت نور القمر واصبح ضواها
وأحسد الشمس لا بانت عليهـا
أشعتهـا تسبـب فـي أذاهــا
وأحسد الأرض لا داست عليهـا
أثـر خطواتهـا تحيـي ثراهـا
وأغار من النجوم إليـا تعلـت
وشافتهـا وعينـي مـا تراهـا
وأغار من الهـدوم اذا لبستهـا
عساها مـا تجرحهـا عساهـا
واغار من الخواتم فـي يديهـا
وساعتهـا وكـل اللـي معاهـا
وأغار من القلادة فـي نحرهـا
وأغار من الشعر لامن كساهـا
وأغار من القصيـدة لا قرتهـا
ولو هي قصتي واشكي جفاهـا
وتشمل غيرتي حتـى المرايـا
يحـق لهـا بشوفتهـا تبـاهـا
نعم وأغار حتى مـن الوسـادة
وأحسد فراشهـا ويـا غطاهـا
آلا يا مـن يساعدنـي عليهـا
يوصلني هوى النفـس ومناهـا
عجزت أعالج جروحي بروحـي
جروح القلب ما تشفـى بلاهـا

قصيدة ثالثة


ليش تزعل وانت ماتعرف ظروفي
ليش ما تسمـع كلامـي للنهايـة
اقتنع بالعـذر ترضيكـم حلوفـي
والله ان اللي حصل ماهو برضاية
من وعدني بلتزم بالوعـد يوفـي
ليش تلعب بي وتلعب في هوايـة
وكان خنت العهد فالحكم معروفـي
الخيانـة بالعهـود أكبـر جنايـة
كان قلبك يرحم الحـال ويروفـي
والله إنا مـا لنـا بالغيـر غايـة
لا تحسب اني بطير مع الدفوفـي
ما اشتري السلعة على سبة دعاية
لا طرت لي كلمتك يزيـد خوفـي
واتعذب من خلايـة فـي خلايـة
احسب ان الحب ويـاك مخلوفـي
يوم انا اخصك بحبي مع غلايـة
ما هقيتك تجرح القلب العطوفـي
لا يا بو وجهين ما هـذا جزايـة

فارقت مـن لاكـان ودّي أفارقـه
عقب الصلاة وتوّها الشمس شارقه


الفجر يوم الناس تسعـى لرزقهـا
أنا عيوني بازرق الدمـع غارقـه


بكى وأنا أبكي يوم وقّفت أودعـه
والكل منّا يـذرف دمـوع حارقـه


سلّمت ويدينـي بياديـه ترتجـف
ويديه بيديني من الخوف عارقـه


وأقفا وأنا قفيت والصمت حيلتـي
عز الكلام ودمعة اليـاس فارقـه


وحسّيت كن القاع حدري تزلزلـت
يوم ألتفتلي وأستهلّـت غوارقـه


سرقت من دنيـاه لـذّات دنيتـي
برضاي سارقني وبرضاه سارقـه


همّي وهوجاسي وحبي وغيرتـي
للي بوسط القلب ناصـبٍ بيارقـه


وعوّدت للمطلاع حزيـنٍ ملتجـي
والقلب مّني طارق الهـم طارقـه


ضلعٍ ورا المطلاع شوفه يريحنـي
عسا الحيـا يسقيـه لالاح بارقـه


كتبت في عاليه حرفـي وحرفهـا
ورسمت قلب الحب والسهم خارقه


ذكرى غرام مات من قبـل ينولـد
بفراق من لا كـان ودي أفارقـه

جوني ثلاثـة كلبوهـم محبيـن
وكلن بنفسه حاجتن مـا قضاهـا


قلت آمروا قالوا نصيناك عانيـن
وافزع الحال اللي حياته شكاهـا


الاولى مجبور في داعـج العيـن
لكنها خطبـت وغيـره خذاهـا


قلت انت حل مصيبتك يامسكيـن
تصبر الين النفس تلحق هواهـا


اما تولع في هوى نـاس ثانيـن
والا تسرح ثم تسـرح iiمعاهـا


والثاني الي عذبه كامـل الزيـن
واقفت وراحت مادرى وش بلاها


قلت انت لاتتبع هوى ناس خالين
واتهين نفسك من سبايب جفاهـا


نفس العنا بالك تذلك على الشيـن
خلك عزيز النفس وأقطع رجاها


والثالث اللي ماعـرف للمزاييـن
يبي الهوى ويخاف من منتهاهـا


قلت انت بالك تدخل الحب هالحين
ليما هذيك البنت ابحـث خفاهـا


كانك لقيت احباب قلبك حبيبيـن
ادخل واحذر لايصيبـك عناهـا


وكانك لقيت انه نوايـا شياطيـن
بالك توهـق بالمحبـه وشقاهـا

يا دموعه ليش بين لـي خضوعـه
ليش يجرح كبريائه فـي رجوعـه
يوم أنا أتمنى وصاله صـد عنـي
ويوم جافيته ولهتـي يـا دموعـه
بترك الأيـام تلعـب فـي حياتـه
كل ذكرى تمر فـي بالـه تلوعـه
وأسأل الحسـرات والونـات عنـه
لازم اللي راعنـي منـه يروعـه
صدق أنا أحبه وهو غاية مـرادي
بس أنا تصعب عليّ نفسي الجزوعة
علمتنـي دمعتـي سـر السعـادة
يوم جربت الشقـا ميـزت نوعـه
لو حرمت النفس مدة مـن هواهـا
الهنا باكر يضـوي لـي شموعـه
مثل ساري الليل خايف من ظلامه
ويتحـرا للقمـر يرجـي طلوعـه
يا دموعه لونـي ليلـة بصبـري
الحضيظ اللي مشا قلبـه بطوعـه
ذكريه لحظة من لحظـات يأسـي
فيها ما قدر دموعـي يـا دموعـه

__________________