مجموعة قصائد الشاعر علي البيضاني

اعتبر حبـك زكاة

اعترف لك ما قدرت أفهمك يا لضبي العنيد

كل عاشق في مجال الحب محدود(ن) ذكاه

ما قدرت افهم شعورك وش تمنى وش تريد

فيك قلبي يشتكي من عاذ لينه وشركاه

مقدر احـدد مكـانك لا قـريب و لا بعـــيد

يا لحبيب إلى ظلم قلبي وعود و اشتكاه

داخلي لا مات حب(ن) ينولد حب(ن) جديد

للذي في غـيـبته قـلبي قـبل عيني بكاه

كم رجـيتك لا تصـد و لا تخـليني وحـيد

كم حكيت آلك الكلام إلى يعذب من حكاه

كم طلبتك لا تخلي قلبك أقسى ما الحديد

لا تخليني كما الطير ألي اخطته ألذكاه

مستحيل بقلب واحد يجتمع حب(ن) وكيد

آه ليت الحبّ يلقى له طريق بقلبك .. آه

رد لي وجه الرضى يا صاحب الحسن الفريد

واعتبرقلبي فقيييييرواعتبرحبك زكاه

الجار

كان عندي جار يدري ان الرسول اوصى بسابع جار

وانا كنت الجار الاول له وكان ابي و ابوه ابنا عم

كان ماي البـير يرويهـم و كان الباب قـبل الباب

كانت قهوتهم وشاهيهم في الوادي لها متع و بن

كانت سمرتهم قصايد قال محسن قال بن عقار

كان كلآ ينشد الثاني عن اخبار القرا و الديرة

كانت سيرتهم و ديرتـهم تـزيد الحب و المقدار

ثم جيت انا وهذا الجار بعد ابي وابوه انطالب

وقسمنا كل شي مشـترك حتى طريق البـيت

وجعلنا الحسد ديدنا على الشي الذي ما يسواء

والمضـرة بيـننا والفايدة نـدعي لها الاجـناب

صارت سمرتنا في القهوة ومقضانا من اقرب مركز

كلآ ما يـدري عـن الثاني ومستـغـني براتـبه

اثر الحاجة تفتح ابواب التعاون والرضى والطيبة

والفقر يغسل قلوب الناس مثل الماي والصابون

مانحن باعرف من الي قبلنا جابو حكم وامثايل

يوم كانـو ينشدون و يشترون الجار قــبل الدار

والذي جاب المثـل مـن تجــربة قـرت مثايــله

الرد

كل شي له منزلة ما ياتغير ان نقص ان جار

والذي شره يخصه لو بياجي منه خير ابناعم

وانحن ابنعطيه لوز(ن) حالي والباب قبل الباب

وابنعالج تعبته ساعة نشاهد خاطره متعوبن

بوصفه شعبية اعليها سدر صافي وبن عقار

لين يصبح في يده قدرة يوقف للجبل ويديرة

ويخلي كل شي في يديه له وزن وله مقدار

والذي يطـرق طريق العـلم محـمولآ بعـزم الطالب

ما يقدر يجبرك يا كسلان تمضي في الطريق البيت

والدركتل ما يساوي جبل(ن) يشبه شداء ما يسواء

مهما كانت قوته يا دوب يقدر يسـوي الاجـناب

ونحن اهـل العلم والتعليم والفتوى علمها مركز

ما حد أبـيـقدر يقـول الفـرض يتـبدل براتـبه

واهل البندق نهار الحرب من منهم بيرفع قدمه يا طيبة

يـقـدرون يصـوبون اهل الخـطاء قـدام ينـصـابون

لانهـم متعــودين الهم حـراج ثابت(ن) ومثـايل

كل(ن) يقول اقـدر اصـيب المثل ويطيح قبل الـدار

ونحـن نعـرف معـبر الحـناش ما قـرة مــثايلة

الــمـــوت حــــــق

علـي قـال المـوت حـق ويالله انـي اسالـك التثبيـت

يالله ارحمنـا ولبسـنـا ثـيـاب المغـفـرة والتـقـوى

يالله ان العبـد عـبـدك يالله انــا نحتـمـي بحـمـاك

من يفـرج همنـا لصبـح جحيـم و يشفـي المرضانـا

من بيقضي الديـن فـي الدنيـا ويقضـي حاجةالمحتـاج

انت قلت ادعونـي اسمـع واستجيـب وهانحـنبدعانـا

يالله ارحم عبدك المسكيـن لصبـح معتـرف .. بخطـاه

كم عرفنا من صديق وكم فقدنـا مـن حبيـب(ن) غالـي

كم ودعنـا فـي حـزن حتـى كرهنـا لحظـة الـوداع

الله اكبر ما ارخص الدنيا إلى اصبـح مـن عليهـا فانـي

لـو عرفنـا قيمـة الدنيـا صدرنـا .. والقلـوب اقنـاع

واصبحـت و امسـت قلـوب النـاس مبسوطـة مقنعـة

انتفاضة القدس

يا بلاد القدس يولى القبلتين أو ثالث الحرمين

يا البلاد ألي فتحها عمر الفاروق بعد الهجرة

ثم عادوها اليهود ا وعاد حررها صلاح الدين

ثم عادوها اليهود أو دنسوها ما لقيت منجد

كيف ننجدها وكلا غارقا في شهوة الحياة

لا تفرق صفنا جاء لليهودية طرق و الساعة

وان توحد صفنا نقدر نرد الظلم والعدوان

لا تذكرنا سعة صبر الرسول أو قوة أبو طالب

و شجاعة عمر الخطاب وآلا صدق أبو بكر

لا تذكرنا كرم عثمان وا مواقف صلاح الدينا

ويش سوت بالصليبيين ويش اصبح صليبها

و اتفاقات السلام إلى تصير بنودها غربية

مفروض آنا من بدايتها نلقيها ظهورنا

وحتا لو وافقتنا ما نسويها مع الاخواني

واليهودي خان عهداللة بحكم السنه . و القران

والجبان إلى تصدا للحجر بالقنبلة الذرية.

واجه العزل وفيدة قنبلة غازية أو رشاش

ولله لو يعلن جهاد المسلمين . أو رغبة آهل الجنة

ونرجع رجعة رجال(ن) صادقين المنهج الإسلام

لتصير امقدسات المسلمين . اطهر بقاع الدنيا

ونرد المسجد الأقصى . ونكسر شوكة اليهود

ونصلي فيه وحنا شامخين . اوروسنا منصوبة

وتنام العين , وحنا في طمأنيـنة .. وما منه

المحبة من الله

علي قال ان المحبة و الرضى من فاطر السموات

انحن ما نلمح لكل الناس بعيون الرضى و الطيبة

ولا كل الناس تلمح لي بعين الحب و المقدار

كلنا نزعل و نرضى كلنا حتمآ نحب و نكره

كلنا نخطي و نتعذر و نخطي و الخطى مردود

وانا مثل الناس عندى قلب واحساس او شعور(ن) حاكم

اقبل و ارفض والبشر في نضرة اعيوني ثلاث اشكال

الاول له منزلة عندي و قـلبي يرغـبه ويحـبه

اتشرف و افتخر به لا حضر و انشد عنه لا غاب

والثاني ما ودي اشوفه ولا عيني تقع في عينه

والله لا يجعلني اقعد في حراه ان جارت الايام

والثالث من جملة الي نعرفه بالمعرفة السطحية

اكثر ما فيها سلام و مرحبا و آهلا و كيف الحال

وانا و نت او غيرنا ما نملك الدنيا بروس ايدينا

ما لنا من بعضنا غير الرضى والطيب والمعروف

والدنيا في حكم رب الكون وأرزاقه مقدرة

عشرة شهود

ابو فيصل يقول عندي على من يخاصمني ردود

اقدر آخذ معه واعطي ويقدر على ظلمي يدلل

ان قدرنا على اقناعه بها وان عجزنا مانظام

لكن اللي خصيمه وقته اللي غدر به من يقاضي

غصب وقته على كيفه يمشيه وعلى راحته

بالله ياسامعين الصوت كونوا حكم بيني وبينه

واحكموا بالصحيح وكلمة الحق لي والا علي

ادري ان الشهادة قايمه لاشهد لي شاهدينا

غيرعندي على ظلم الزمن يابشر سبعة شهود

شاهد الحال الأول (طيبة القلب)في وقتن تقدم

ليش بدلتها ياوقت قسوة وحسد وضيق بال

وانت يالشاهد الثاني (حياة التعاون )و المبادي

وين ياوقت ضيعت التعاون وتشبيك الكفوف

وانت يالشاهد الثالث (زمان السيادة و الشجاعة )

وين وقت الحمية والفروسيه وابطال الجهاد

وانت يالشاهد الرابع (حياة الكرامه والشهامه )

ليه ياوقت تلغيها وتمحي بقايا رسمها

وانت يالشاهد الخامس (زمان الوفابالعهد الأول)

صار وقت الوفا بالعهد مثل الغريب بلا وطن

وانت يالشاهد السادس (قلوب الصراحه والنوايا)

بعدما كانت انقى من سحاب السما صارت سواد

وانت يالشاهد السابع (حياة العفاف) العربية

ليش خرجت بنت الحشمه والعفه من جلبابها

هذي سبعة شهود اتقدم ابها لميزان العدالة

ضحكة الكذاب

ليتني رسام وارسم ضحكة الكذاب لـ ابتسم

ليتني رسام واجعلها على صدر الصحف منشورة

واسميها خدعة الاعلام والى ضحكة الضعيف

واقطع كل الشعارات الي اتقول الصراحة راحة

الى بالعكس الصراحة عودت تتعب قلوب الناس

واعتـلى الكذاب عالصداق والباطل تعلى عالحق

غير وش فيد الوحيد الي مشت به دورة الايام

والطرق متفرعة وافروعها كلآ يصب الجالة

والفنوناشكالوانتالاصليافنالمجاملة

يابلاد الحرمين

يابلادي يابلاد الحرمين و قبلة الاســــــــلام

يالبلاد الي بعث منها الرسول المصطفى واصحابة

ياشعاع الحق يانور الحضارة يابـــــلادنا

من حدود البحر الاحمر للخليج العربي للباطن

ثم نوصل ما الشمال ومن حدود الشام لليمن

اسمها الذولة السعودية ونا اقول اسمها يكفيها

اسمها الدولة السعودية وفتها الخير والسعود

دولة تحكم بشرع الله وميزان العدالة والحق

عزها ربي بمكة والمدينة واسرة ال اسعود

والله يادولة لها موقف يشرفها قديم و حاضر

وعلمها يحمل السيف الحسام او كلمة التوحيد

ما نخلي وهمة الطماع .. تتمنا ترابها

ما بنتكدر ولا نحزن

البدع / علي البيضاني

ـــــــــــــــــــــــــــــــ

بين ربعي ما بنتكدر ولا نحزن ولا نظام

وهم الي وجهونا للطريق القاصية والدنيا

يوم صار الزرع فيه انتاج واغصانه مجاملة

ياهريري ما بنتقابل ولا بتشوف عيني عينك

لين تتقوى العقود الي ضعيف(ن) لوح لنبها

والذهب والفضة ايلى شكلوها مثل راس الكبرى

ما بـ يـتـغــير مجــسـمها ولا يسـتاه لونها

الرد / عبدالله البيضاني

ــــــــــــــــــــــــــــــــــــ

كل شي له منزلة ما سارت الدنيا بلا نظام

يا علي راعي الخطاء وش راس ماله في الحياة الدنيا

والحـقايق واضـحة للـناس ما فــيها مجـــاملة

واجبك توقف معي واوقف معك وتعينني واعينك

وقـلـيل الحظ ما تال المـدوح ولا حلم بها

وانت ياراعي الجمايل قبل تحسب صغرها والكبرى

خـلها قدر الرجاجـيل الذي .. يســتاهـلونها

فلسطين الجريحه

ألا . يالله . بذكرك نـبـتدي بـسم الله الـرحـمـن

مُـنزل أية الكــرسي و ســورة ( ص) والفـرقان

تعـز الـدين الإسـلامي و تـنـســخ بـاقي الأديـان

يـحـق الحـق و يصح الصحيح و يظهر المكنون

ومكـنا , و لبـســنا , ثـيـاب الأمـن و الأيـمـان

وســخـرنا نجـود بـجـودك الي به تـقـر اعـيـون

والى يا مهبط الوحي العظيم و موطن الإحسان

وياولى القـبلـتين و يا بـلاد التـيـن و الزيـتـون

نحـيـيـك احـتراما , لنـتـفاظة شـعـبك الـشـجعان

حـجارة من يد الأطـفال تـتـناثر مطـر و مـزون

شـهـيد الانتـفاضة ما يـموت على مدى الازمان

عيون الموت في وجه الشجيع ألي كما المسـجون

يشـوف الظلم بعيونه على الأطفال و الشـيـبان

يشوف ابشع جرا يم حرب تقلق راحة المأمون

يشوف الحـرمة الي تُنتهك و تطيح بالأحضان

وهي تذرف دموع(ن) تحرق القـلب الذي مطعون

ومسـجد صـار ملـهى للدعارة و أضح العنوان

وفـتـنة قاســية و المـتـهم في فعــلها مـغـبون

مشـاهد مـقـتـلة صـبرا و شـاتيلا لها طـوفان

تكـرر في جنين و بيـت لحم و تفتن المـفـتون

فلـسـطين أصبـحت دولة يـتـيمة مالها حـدان

كما العين والي أعماها الزمان ولا عليها اجـفون

فلسـطين الجريحة تـشـتكي من قـبظة العـدوان

لها خمسـين عام وجرحها في صدرها مدفون

وقصــتها الخـيالـية تكـرر !!! كـان ياما كـان

يعـز بها الـذلـيل الي تجـبر و العـزيز أيـهـون

لها خـمـســين عام تـعــطر الدخـان بالدخـان

وحـنا يا العـرب نضحك وبعض إخواننا يبكون

نعم فيـها لكـل المسـلمين أهل وربع واخوان

لك الله , ما نســيو دمّـهم لـكـن يـتـناســون

لان الأمـر شي(ن) ما تحـيط بوصـفه الأذهان

رمـوز ســرّها خـافي تعانق فلـسـفة مجـنون

ولـكـن ما تخـلـيـنا نـبـيـع الــدار و الأوطـان

إذا عـدنا لدين الحـق عاد النصـر والمضمون

حـقيـقـة ثابـتة بالـدين ما يــبغي لها بـرهان

تراء من ينصر الله ينصره , ويـثـبته بالعون

وترانا ما يـئـســنا ما الكـريم الواحـد المـنان

كريم الوجه بالقدرة نصر موسى على فرعون

ولكـنا نسـينا الصـدق وأعرضـنا عـن الـقـران

وصار الثـوب خاين للأمانة و التراب أيـخون

وخـليـنا اليـهود تـشـب نار(ن) مالها دخـان

تقـلبنا على جمر الغـضب و حنا نشـمّ ادخون

حقا يق تقـهر الإنسان و عـليها شـهود أعيان

في ابيـوت اليـتامى يهـدمون وغيرهم يبنون

وتستخدم سلاح الحرب و تطلبنا حقوق إنسان

عجايب تحرق القلب الغيور و تدمي المحزون

بعـون الله نور النصـر يشـرق بالسـماء ويبان

ويفرح قدسـنا الطاهر وتكسر شوكة الملعون

علامات اقتراب النصر في عين اصغـر الفتيان

ولد عمره ثمان اسنين يقتل خمسة وعشرون

نعم عـمره ثمـان سـنين يتـفجر كـما الـبركان

وبنت عمرها عشرة سنين او خوفت شارون

لسان أحوالهم ينـطق ويتـكلم بـدون اعـلان

يقول أن اليـهود أعـدانا بجـروحنا يشـفون

وصوت الطفل يصرخ ياااعرب عزوة الفرسان

ويسـتجدي يكرر صرخته يا عزوتي تكـفون

أنا ما ابغي طعـام ولا علاج ولا ابغي الميلان

أبي منكم رصاصة تعترف بالدين للمديون

أبى منكم رصاصة تـنفجر في حومة الميـدان

رصاصة ترعب إسرائيل تسوى عندنا مليون