ياما رسايل بكت منها عناوين

أنا تراني مسافـر بعـد يوميـن=ومن قبل يومين ما جاني رسالـه
ما تدري انك معي في داخل العين؟=رفيـق قلبـي بحلًـه وأرتحالـه؟
ان جيتني ما حسدت المستريحين=وان رحت بحر الحزن ضمًيت جاله
ياما رسايل بكت منهـا عناويـن=وياما عشانك بكـا قلبـي لحالـه
الصدً طعنـات لقلـوب المحبيـن=والهجروالبعـد تخنقنـي حبالـه
تذكر حلو ؟ قلت لا عينيك حلوين=تذكر تعابيـر وجهـي وأنفعالـه؟
للحين في مسمعي يا دب يا شيـن=للحين ضحكاتـه تعانـق هبالـه
واليوم قلبي وأنا صرنا مساكيـن=ياصبر قلبي عليك وطـول بالـه
لو جيت والناس من حولك ملايين=ترى عيوني تشوف أسمك لحالـه
حولي فراشات وورود وبساتيـن=وغصن وارف يضللنـي ضلالـه
لكن تراني حبيب وطيـب وزيـن=وأرتاح للشخص قبل أعرف جماله
بعطيك قلبي أبيك تعاقبـه ليـن=يومن بربًـه ويومـن بالرسالـه
من قال له يجرحك يا داعج العين=حتى بكلمـه ! يفكًرهـا سهالـه؟
انا من أمس الصباح الين ذلحيـن=محتار ما بين فكـري وأنشغالـه
آخر هداياك جتنـي قبـل يوميـن=شربت من حرفها حتـى الثمالـه

الله يسلم يديـنك

تسلم أعز أنسان

تسلم يمينك على هالكلام الطيب اللي يستحق المرور

الهجير

اسم الابداع دائما حليفه اينما وجد

صح لسانك ولا هنتك


احترامي لشخصك الكريم

ابو عبيد

فهد قزعه

شكرا لمرورك العذب

اقتباس : المشاركة الأصلية كتبت بواسطة ابو عبيد [ مشاهدة المشاركة ]

الهجير اسم الابداع دائما حليفه اينما وجد صح لسانك ولا هنتك احترامي لشخصك الكريم ابو عبيد

تسلم يابو عبيد
مرورك أسعدني

ابداع
في
ابداع
في
ابداع
يسلمووووو على هذه الرائعه
تصفيق
مع اطيب تحياتي
الليل

ملك الليل

تسلم ودائماً يسعدني مرورك

والله يالهجير اني اروح اتمشى في هذا المنتدى تشدني قصيدتك هذي مدري اش السر قصيده عجيبه الله يوفقك والله اني اروح كم مره واني ارجع لها تقبل مروري مره ثانيه