ياجمل ياللي تشيل الحمل لا تبرك ولا تحتار ..الساهر لا هنت ...

نيس الأجرد

ياجمل ياللي تشيل الحمل لا تبرك ولا تحتار
سيدي سمحان له حشمه وله مذهب وله مقدارا
وأكثر من فالديره البريه مايوقف مواقفه
غير ياسيد الجمال اشره عليك احيان ماتوحينا
انا مدري طنقره والا معك ضيقن وشي غبا
مذهبك ترعى في الوديان وتدوّج مع الرعياني
وان جا ليلك تستجر اوحيد ماتهدر مع الجمال
واللي يقهر لصبحت ياسيدي تهدر مع الجماله
وآتنوخ للركاب وتحمل الأثقال من سعه
المصيبه لنكسر ساقك ترا ساق الجمل مايجبر
والمصيبه لو يوافيك العطش تفنى من الضما
ياجمل خذ راحتك سيّر على كيفك مع حبانك
وابنداريبك ويمكن لو هداك الله تحبنا

صح لسانك يا نيس الاجرد كفيت ووفييت يالنشمي
الساهر بيجيك ىيكمل الابداع موفقين

اقتباس : المشاركة الأصلية كتبت بواسطة شايب العشرين [ مشاهدة المشاركة ]

صح لسانك يا نيس الاجرد كفيت ووفييت يالنشمي الساهر بيجيك ىيكمل الابداع موفقين

صح بدنك وشاكر مرورك ..

ترد ولا ارد

اقتباس : المشاركة الأصلية كتبت بواسطة نيس الأجرد [ مشاهدة المشاركة ]

ترد ولا ارد

استرح مخدوم

معليش يانيس الرد ماهو على قد البدع واذا قد رديت اكتبه لتعم الفائدة


من يقول اليوم ياذا الفكر لاتزعل ولا تحتار
والهجرة تلعب بنا من غير لاوزعه ولا مقدارا
والفتى ماعاد يدري كيف تتفسر مواقفه
والذي عاشوا قليل احيان قاموا بعد ماتوا حينا
م استفاقوا إلا بعد ماصار تهليل وشيغبا
وانا لو راعيت بعض الناس حاسبته مع الرعياني
ودنا بالصورة يظهر شكلها في غاية الجمال
والخطأ لابد يحصل مالبشر حتى مع الجماله
واكثر الاخطأ تجي من قل تفكير ومن سعه
وعذوق الدخن تبقى دخن في وديانها ماتج بر
لو تضلي في مزارعها كما عقد مننظما
مانعيبك يادخن وانا الذي قد خذت من حبانك
غير مهما كان حبك ماتضلي مثل حبنا

معليش مرة ثانية يانيس توي شايف بدعك الليله

وافي وافي وافي ...والله انك مدرسة ...

بيض الله وجهك ملااااااااين ..ياذيبان ..واعذرني اذا تعبتك وانا اخوك ..لكن والله اني حبيت قصايدك وقصايدك كلها تعجبنيه .....فديت راسك ....وبيض الله وجهك مره ثانيه

الله الله
صحت السنتكم وتعافت ابدانكم على هذا الأبداع