سامي المالكي × سالم المالكي

السلام عليكم ورحمة الله وبركاته
وأعتذر على الإنقطاع الطويل الذي حصل بسبب ظروف خاصة
أنقل لكم إحدى المحاورات التي جرت بيني وبين الأخ العزيز
سالم المالكي في إحدى المنتديات

البدع : سامي طالع المالكي=
يا سالم اللّي يجسّ العلم سمّوه جسّاس =
ومن يحب الطرب سووا لهم فيديو كليب =
وأنا مع شاعر العرضه ليا دقّوا الزيـر =
أتبعه في مفردات الشعر وآخـذ بثـاره =
*=
الرد : سالم المالكي ( أبو شنيف )=
خاضت بني بكر حرب أسبابها غدر جسّاس=
مع بني تغلب اللي غاضهم مقتل كليب=
حلف ليفني قبيلة كاملة سالم الزير=
و بكل قطرة من الدم شخص ياخذ بثاره=
*=
البدع : سامي طالع المالكي=
يا غبن قلبي على اللي جاله امن الكبر يآس =
يقول ما عاد لي شوراً . مودي ولا آجيـب =
وإن جيت أشاور عليهم ما تفيد المشاويـر =
يقولوا أسكت بـلا فتـواه وبـلا شطـاره =
*=
الرد : سالم المالكي ( أبو شنيف )=
الفورد و الجمس و إلا الكامري و الكبرياس=
لو تغلي اسعارها في السوق ما هي كما الجيب=
يستر على أبو جناح إذا بغيت المشاوير=
مجار ما قلت راح الجيب وبلاش طاره=
*=
البدع : سامي طالع المالكي=
ترى النمر يا طويل العمر عادي وفـرّاس=
ولا سكن غير في القمّه وفي روس آناشيب =
وإذا نزل في جمال العيـس وإلا البواكيـر =
ضرب سنام الجمـل بيديـه وقتـل بكـاره =
*=
الرد : سالم المالكي ( أبو شنيف )=
يا سامي العمر يمضي لابدا الشيب في الراس=
و أعمارنا سوقها صادر و في روسنا شيب=
أصبحتَ شايب و أنا ودّعت عمر البواكير=
و الصبح يجلى ظلام الليل وقت البكارة=
*=
البدع : سامي طالع المالكي=
للسـوق ناسـاً يديرونـه وللبنـك ريّـاس =
ما غيّر الشّين يا سالـم هدومـاً ولا طيـب =
وإن كان شفت المهندس ف البلد ما طوى بير =
ما يعرف الفـرق بيـن الحاليـه والمـراره =
*=
الرد : سالم المالكي ( أبو شنيف )=
ذبحني السكري وش حالة البنكرياس=
سنة و شهرين اراجع لا اتشافى و لا اطيب=
رحت العيادة و شفت الناس قبلي طوابير=
هذا بسكر مريض و ذا حجر في المرارة=
*=
البدع : سامي طالع المالكي=
متى نشوف الخواتم والدّبل فيد الأعناس =
أظن الأحلام ضاعت بين حيله وآلاعيـب =
وشلون يا أهل الهوى ما تنكرون المناكير =
وتوصلوا للحبايب هرجـةٍ فـيّ سـاره =
*=
الرد : سالم المالكي ( أبو شنيف )=
يا حظّ قلباً هواه و غايته في دلع ناس=
أوصافها زايدة ما في دلعها و لا عيب=
و اظفارها برق لمّاعاً عليها المناكير=
و ساعة ألماس يبرق نورها في يساره=
*=
البدع : سامي طالع المالكي=
ما شي كما كاسك اللّي قد شربته ولا كاس =
كاس العذاب اللذي بالروح زاد اللّواهيـب =
يا حسب روحي عليّه عذّبتهـا المقاديـر =
وأهلكتها بالسّهـر وأحرقتهـا بالصقـاره =
*=
الرد : سالم المالكي ( أبو شنيف )=
يا سامي أحلى السهر ما غض طرفي و لا كاس=
جعلت دون البلد عسكر و دون اللوا هيب=
و الحرب خدعة و تجري عندنا بالمقادير=
احتل دولة بدولة و امتلك نص قارة=