الشاعر علي الدوسي((( القدس الشريف )))

قصيدة القدس الشريف
بدعها من للشاعر الكبير علي الدوسي وردها مني
اتمنى ان تحوز على رضاكم

الــبــدع / عــلـــي الــدوســـي

بلغوا القدس ياحكام شعب العـرب منـي سـلام

قولوا له بأنها هانت وزانت ولا يحـزن ويتعـب

ابشر بشي(ن) يشرف مكانتك يالقـدس الشريـف

كيف لا وانت همك لو توزع على جمع العروبة

اخذ القسم الاكبر منه عبـدالله بـن عبدالعزيـز

ادري ان ما تضيق الا وتفرج وتدري الصبر زينا

وتدري انك قضيـة هايلـة مـا تحملهـا ملـف

وعلى يد بو متعب لنا رب(ن) يعجـل بنصـرك

جل شان الذي امره يجي بين كاف وبيـن نـون

بامر ربي كذا ولاكـذا اليـوم ولا بعـد بكـرة

لاهيا انا نصلي في رحابـك صـلاة(ن) جامعـه

الــــــــرد / الـصــهــيــبــي

الله ياكم تلايم ذر صم الصلـى مـن نيـس لام

الصلى الي يهول العين كبره ومن يرقاه يتعـب

مير بعد التعب يانيس نلقى لنا هيف(ن) شريـف

ماصدق من يقل يانيس نلقى ورى ذالطلع روبـه

ماكذب من يقل يانيس نلقى لنا عبـد(ن) عزيـز

مارزينا غطارف رعد والا دحى النّصب رزينـا

لف من فوق مشرافك صقور الفلا والهـام لـف

ماقوينا على جلب الحدا الحر والا جلب نسـرك

والخوافي ترى يانيس ماهي كمـا الـي بيننـون

ماعد احب مطلاع المشارف ولاني بعـد بكـره

من تردى فلا ظني صميم الصلى تنجـى معـه

بدع و رد رائع من شعار رائعين
صح لسان ياصهيبي ولسان الدوسي

صحت السنتكم شعار كبار مبدعين وننتظر المزيد من قصائدك مع الشاعر علي الدوسي

اقتباس : المشاركة الأصلية كتبت بواسطة علي السبيَه [ مشاهدة المشاركة ]

بدع و رد رائع من شعار رائعين صح لسان ياصهيبي ولسان الدوسي

صح بدنك يابو طلال ومرورك شرف للصهيبي



تقبل شكري وودي
اخوك
الصهيبي

اقتباس : المشاركة الأصلية كتبت بواسطة صقر الجنوب [ مشاهدة المشاركة ]

صحت السنتكم شعار كبار مبدعين وننتظر المزيد من قصائدك مع الشاعر علي الدوسي

لاهنت ياقصر الجود ومرورك على راسي


تقبل شكري وودي
اخوك
الصهيبي