ياخي استح على وجهك وعطني دراهمي

فلان راح لعلان عشان ياخذ منه شي على سبيل السلف فلوس او خلافه وفعلا مهمته تكللت بالنجاح ويعطونه لو كان انسان ثقه والناس تعرفه ،،، وهو طبعا قبل لا ياخذها متاكد وواثق تمام الثقة انه راح يردها بكل سهوله ويسر ..

تجي ايام وتروح ايام والرجال مطنش ولا على باله والطرف الاخر صابر على امل ان الرجال يحس ويرجع دراهمه مثلا ولان الاخذ مو مثل العطا الانتظار يطول والتطنيش على اشده

عند المطالبة تبدأ الوعود ... ويبدأ في اطلاق الجمل الرنانه المتعارف عليها ( والله اني نسيت يابوو ولو ادري ما قصرت بس ماعليه اسبوع وفلوسك عندك ترى الخير واجد بس فلوسي في السوق) وبعد اسبوع ( والله يابو فلان ماجت الفلوس للحين بس اكيد مصونه ولا تخاف على دراهمك ) والي عقبه ( يابو فلان والله الحاله صعبه بس ولا يهمك لو اعطيك عيوني ما اقصر بس اصبر علي بعد شوي )
واذا خلصت هالثلة من الجمل يبدأ الاسلوب الثاني في التطنيش والهروب وتغيير باب الدخول والخروج وتلقين الاهل عبارات دروس في اصول التهرب ( اذا دق عليكم ابو فلان تراني مو موجود ) ( قبل لا ترد ياولد اسأله انت مين لو ابو فلان قله منيب فيه ) ( مسافر ، رحلة عمل ، خاله مريض ، جدته فيها حصبه ، جده فيه عنقز ) ... الخ
وتتوالى الاعذار مع انه لو اجهد نفسه شوي اكيد يبي يردها ويسلم نفسه واهله من هالمواقف الي حط نفسه فيها ويصون كرامته ويرفع راسه بين الناس
بس ولو دائما الاخذ مو مثل العطاء والسلف سهل بس انك ترد حلال الناس ذا الصعب لانك ما تعبت فيها وماحسيت بتعب غيرك ..

عموما اعتبروا هذي مقدمة

شاب يقوم بتصميم مواقع ومجلات ومنتديات وغيره
الزبده صمم مجلة لشخص اسمه محمد طبعا بمقابل وابو الشباب قاله اذا خلصت التصميم عطيتك دراهمك
وفعلا خلص التصميم وانجز المهمه والمجلة صارت جاهزة وراعي المجلة طنش
بعد ما يأس المصمم انه يستلم دراهمه لجأ لوسيلة بصراحه مبتكرة عسى بس يستحي محمد على وجهه ويعطية دراهمه

قام بتأليف انشوده اتوقع ان محمد لو سمعها يبي يستحي على دمه ويحاسب الرجال

http://www.zeenystudio.com/kak3.rm

واضم صوتي لصوت المصمم واقوله يامحمد استح على وجهك ...


الموضوع منقول للنقاش الهادف عن الديَان والمديون...
وكمان على شان افش خلقكم شوي...

والله لو انه نانسي عجرم خخخخخخخخخخخخخخخخخخخخخخخ

عاد سمعها محمد والا لا هههههههههههههههههههههههه

مشكووور ويعطيك الف عافيه