اهل الثياب القصيره واللحا الطويله ( المطاوعه )

بهذه العباره كان صاحبنا الله يستر عليه يستهزء بالمطاوعه وكان دايم ينتقدهم ويصفهم باهل الثياب القصيرة واللحا الطويله

كان يكرههم ويبغضهم ولايحبهم لاشاف مطوع كنه شاف عفريت لدرجة انه اذا جانى فى المكتب وشاف عندى شاب أو شايب ملتزم ينقلب وجهه وينسحب واذا راحو يرجع لى ويقول لى وش يبغون أهل الثياب القصيره واللحا الطويله مسنترين عندك أرد عليه واقوله ياخي هاذا صديق والثانى له معامله والثالث يبغى يقابل سمو الامير يرد على ياخى مدرى ليش ماحبهم ولا اطيقهم حاولت أحسن له الصوره عنهم ولكن أكتشفت ان كرهه لهم من الصميم للصميم

المهم ماطول عليكم دارت الايام وجاني اللى يكره اهل الثياب القصيره واللحا الطويله يشتكيلى انه طفشان ونفسه يطلع طلعة بر

قلت جابها ربي وعرضت عليه طلعه من يوم الاربعاء للخميس فى مخيم فى العاذريه مع شباب يحبهم قلبه

قالى تكفا بطلع معكم بحكم أن صدره ضايق وطفشان

وانا وافقت وشرطت عليه مافىه رجعه الا يوم الجمعه ونطلع بسيارتي ووافق

المهم

مريته يوم الاربعاء الساعه 4 العصر وركب معي الرجال وقالى شوف وديت عيالى عند اهلهم عشان نفلها ربوع وخميس وجمعه مع اخوياك اللى فى المخيم

قلتله أوكيه ماعندك مشكله بس لاترجع فى كلامك واول مانوصل للمخيم تزعجني وتقلي برجع لبيتي

الرجال تحمس وطلق أنه مايرجع الا يوم الجمعه


الزبده وصلنا للمخيم ونزلنا واستقبلونا الرجاجيل والاكلهم شباب ملتزم ( مطاوعه )على حد قول خويي وتعبيره أهل الثياب القصيره واللحا الطويله وانقلب وجه خوينا وتغيرت ملامحه وهمسلي فى أذني هاذولا وش جابهم للمخيم

تبسمت بوجه خويي وقلت له لاتحكم عليهم اللحين أحكم عليهم يوم الجمعه وتراهم هم المعزبين وحنا الضيوف واحترم نفسك



المهم الجماعه ماقصرو أحتفلو فينا فى نفس اليوم الاربعاء اللى هم الشباب الملتزمين (المطاوعه ) نزلو الذبيحه وذبحوها وسلخوها وحنا طبعاً معهم نساعدهم حتى خوينا اللى يكرهم معنا يساعدهم وباقل من ساعه أرتاح لهم وصار معهم يساعدهم ويضحك معهم ويطبخ معهم واطالع والا خوينا داخل جو معهم ضحك وسوالف ووناسه ويجهز العشا معهم ويحلف على ذا انه مايحط ايده ويفزع مع ذا انه مايسوى كذا المهم حطو العشا وتعشينا وبعد العشاء ضبطو القهوه اللى يحبها قلبك وسوالف وضحك لين الساعه ثلاثة الصبح عندها كل واحد جهز فراشه ونام لين الساعه خمسة وربع الفجر وصحانا الشيخ فلان لصلاة الفجر وقمنا كلنا وصلينا جماعه وتم تجهيز القهوة بعد الصلاة مع منظر الشروق تقهوينا وطلعنا للصيد ورجعنا للمخيم قبل الضهر معنا صيدنا وصلينا الضهر مجموعه منهم تكفلو بالطبخ والمجموعه الثانية طقوها لعب كرة طايره تغدينا وصلينا العصر وبعد الصلاة لعبنا كرة قدم لين المغرب وصلينا المغرب وبين صلاة المغرب والعشاء جهزنا للعشاء وبعد صلاة العشاء مجموعة تطبخ ومجموعه تضبط الجلسه تسوى قهوه وشاهي وجنزبيل ونعناع وسوالف فى الخيمه تعشينا وحمدنا الله وسمرنا على ريحة السمر وسوالف ليل كل واحد يقص حكايه ممزوجه بخفة الدم لين نمنا المهم رجعنا لبيوتنا قبل صلاة وصلى كل واحد فى مسجده مع جماعته

تبون تعرفون نهاية الحكاية

خويي اللى كان يكره المطاوعه صار من أعز أصدقائهم وهم صارو يعزونه ويغلونه مره وللاسف هالغدار صار يطلع معهم كشتات ولايقولي هههههههههههه اوووف


أقسم بالله أن هالقصه حقيقيه والله طلعة البر مع الشباب الصالحين المهتدين انها تسوى الدنيا ومافيها يعطون للكشته طعم خيالى ورائع الله يثبتهم ويهدينا اللهم أمين


وأقسم بالله أن خويي بعد هالطلعه صار من المهتدين والملتزمين وغير نضرته وكلمته المشهورة وصار يقول الكشته بدون اهل الثياب القصيره واللحا الطويله مالها طعم وكل ماقابلته يدعيلي ويقبل راسي الله يحفظه ويثبته على الدين والصلاح


ودمتم بود

اخوكم محب منتدى رباع

شـكــ وبارك الله فيك ـــرا لك ... لك مني أجمل تحية .

فراشه ونام لين الساعه خسمه وربع وصحانا

,الله يجزاك الجنه بدون تعليق بس انا صد عليك ههههههههههههههههههههه

ياربي يعااافيك


< انا ترى نفس المشكله صارت لي بالاول

بس الحمد لله قدرت الحق عليها


والله الحين من اشوف مطوع نفسي احب راسه لان بصراحه ناس لهم معزه ومحبه

عسى الله يهدي كل ضال لطريق الحق والصواب

[quote=جابر;263069]شـكــ وبارك الله فيك ـــرا لك ... لك مني أجمل تحية .

فراشه ونام لين الساعه خسمه وربع وصحانا

,

والله يسقيك من نهر الجنه ياجابر والله طلعت البر مع الشباب الملتزمين تسوى الدنيا ومافيها


الرجال حط فراشه ونام لين الساعه خمسه الا ربع وصحانا الشيخ وجل من يخطى ياطالب العلم خسمه صارت خمسه

ولك كل التقدير اخ وعزيز وجزاك الله كل خير

بيض الله وجهك أخوى أمير القلوب وفعلا والله الطلعه مع الصحبه الصالحه مع طلاب العلم والمشائخ لها طعم اخر وهم المتواضعين الطيبين الخلوقين الذاكرين لله اناء النهار والليل ويذكرون الغافلين

ومنهم مشائخ يمتلكون قلوب واسعة الذكر وطيبة نفس بدون تشدد الله يحفظهم ويرعاهم وأبتسامتهم تعلو محياهم بدون غلو وتشدد


والله أنك امير بكل ردودك يامير القلوب وتستحق أعلى الاوسمه

ههههههههههههههههههههههههههههههههه
الله يعطيك العافية ومشكوووووور على القصة الحلوووه

جزاك كل خير وجعل الاجر في ميزان حسناتك.

ونااااااسه

سبحاااان الله الشيخ او المطوع هو له الدور الاكبر بحب ا لناس له
اذكر مره وحده من مدرساتنا اقسم بالله كرهتنا بشي اسمه حصه قران استغفر الله من اسلوبها ومسويه عمرها متشدده وتفرض شخصيتها ع الكل بدلوها وجت غيرها غيرت بنا ت المدرسه الكل بيحبها ويموت فيها سبحان الله جمعت الدين والروح الحلوه ومحبهة الكبير قبل الصغير

يعطيك الف عااااافيه ع القصه الحلوه والممتعه
باانتظار جديدك الرائع والمميز
تقبل مروري وتعليقى المتواضع
دمت ودام قلمك الرائع
لاهنت ....

[rainbow]بسم الله الرحمن الرحيم =الي الغالي محب رباع انت تحب رباع وحنا نحب رباع ونحب محب رباع الله يوفقك ولكن حبيت اامازحك الله يثيبك علي كلامك الطيب ونظرتك الطيبه ياغالي[/rainbow]

هذي قضية خلقها المتمصلحين باسم الدين او الجاهلين باحكام الشرع 0000 الدين يسر ومحبة وشرح للصدر ولنا في سيد الخلق عليه افضل الصلاة واتم التسليم القدوة000
اما اللحى والثياب فمن السنن (( الدين المعاملة ))0 واذا اردت ان تختبر دين الشخص فعامله ايا كانت
بيع وشراء 00او مرافقة000او غير ذلك ستنكشف لك الرؤية الحقيقية00وعندها احكم عليه000
شكرا للكاتب وشكرا لزميله الذي كشف الوجه الحقيقي للدين
الوسم @@@@@