على زاد المعاد

يالله يارب القمر والشمس والكون الفسيح=يارافع السموات تحت العرش سبع بلا عماد
ياخالق الانسان من نطفه على السؤه تسيح=ياللي سجدلك كل حي طوعا وكرها والجماد
يامبتلي العالم بمريم وابنها عيسى المسيح=اللي نطق في المهد بالحكمه وبابات الرشاد
اطلبك تغفر لي وتشفي علة القلب الجريح=واغفر لابي وادخله جناتك ورقّه فالعباد
راعي العلوم الطيبه والجود والقول الفصيح=من يوم عنا غاب كنا بعد فقده في حداد
ماقول هرجي من فراغ اليوم لكني صريح= يشهد على قولي بعيد الدار واللي فالبراد
حارب زمان الحرب في سيناء وله هبات ريح=مانسى مواقيفه مع الاوطان في وقت الشداد
شجاع يبدي فالمواقف مايهاب ولا يطيح=كريم للضيفان سعد الخاطر ان جا الضيف شاد
وان صار ضيف اسمع سوالف تطرب العقل الرجيح=ينصت له الحضار لادارت سواليفه جداد
واليوم كلن ماسك الجوال ساكت مايبيح =ضاعت عقول الناس منها حل فالدار النكاد
شفت المجالس بعد فقد شيوخها عني تشيح=اخير منها لي كتاب الله معا زاد المعاد

الشاعرنجم الجنوب
صح لسانك ياشيخ لقد أوجزت وأجدت في هذه الرائعه بما يدور في عالمنا اليوم وعسى الله يرحمنا ولايؤاخنا ويغفر الذنوب جميعا أنه هو المولى ونعم القادر سبحانه
تقبل تقديري

مبدع يا نجم الجنوب وصح لسانك مليارات
تقبل مروري وخالص تقديري