أيام التسدح قدام القناة الأولى (( لايفوتكم )) ؟؟!!

/\/\/ ــآلـقـنــآة الآوٍلـ’ــىـآ /\/\/

يـآ هـ’ـلآ وغـ’ـلآ ...

المهم انا اليوم سالفتي ياطويلين العمر عن القناة
الأولى ياحبي لها بالتلفزيون السعودي
أيام الطفولة والبراءة

يوم كنت صغير كنت أقوم مع العصافير وأجلس

قداام التلفزيون قبل ماتفتح القناة

الأولى اشووف الألوان كانها قوس قزح ..

هْهْهْهْهْـ(يٍـأوِْيطيْ وٍيطـأإهـٌّ)ـهْهْهْهْهْآآي وبعدها

أجلس أغني بصوتي العذب مع السلام الوطني

<~ياعيني عالوطنيه واهم شي لازم أقول طن ططن أخر شي

بعد السلام الوطني أجلس أنطر القرآن يخلص وأذا خلص قلت صدق الله العظيم <~هذا اللي حافظته

واذا بدا الكرتووون أرووح فيها وأفتح هالكشره وماسكرها الا أذا قطعوا علي الفيلم وقالو الإعلانات التجاريه

يرفعوووووووون الضغط ..

المهم أنا أجلس أتناجر مع اخواني الين تخلص هالإعلانات

المهم بما أني مدمن أفلام كرتون أيام الطفووله ولي ذوقي الخاص<~ أحلى ياذووووووق بس لايطق بك عرق

أخترت لكم بعض الافلام اللي حفظتها صم من كثر ما شوفها

1/ الكابتن ماجد

مدري وشلون يتشقلب في الهوا كم قلبه وبعدها يسدد الهدف

ويطيح عالارض ومايجيه شي ماشاء الله<~ ماشاء الله مصدق..

يلعن أبليسه كل ماجيت العب كوره ابتشقلب مثله مايمديني أرفع رجلي الا وأهبد عالارض <~لاتصدقون

والا حركة التوأم منير وأنور اللي كأنهم قرووود ههههه

بس اللي مشينها اننا عارفين انه فايز فايز بالمباراه حتى

لو بأخر ثانيه يسجل ثلاث أهداف المهم يفوز

بس والله كنت أتحمس معه تحمس مهوب طبيعي وأقعد

أرفس اللي قبالي

2/بشار( النحله)...

أسميه ( بيض عيووون) جابلي الضغط وأنا صغير

على كبر عيوونه أمه تمر من جنبه ومايشووفها





وأنا عاد من زود التحمس أصااااااارخ أقوله أمك ياغبي

التفت الي يشووفني يقول يسمعني





هع هع هع هع هع هع



والله (90) حلقه وهو يدووووور أمه

3/ سالي

عاد تجيكم سيدة الشاشه الكرتونيه سالي هالبنت

قطعت قلبي حته حته من تبدأ الحلقه ا لين تنتهي

وأنا صياح وأخواني يجون يسألوني وشفيك من طقك
فيك شي يوجعك وأنا مانيب يمهم دموعي أربع أربع
بس كانت تقهررررني بشي واحد
يهااوشونها وهي ساااكته ويكرفونها وهي منطمه
ولاعاد تجيكم الحقيره/ آنسه منشن ياكرهي لها هالخبله

ثقيلة دم بشكل مو طبيعي.......

4/ هايدي

عاد هاذي اللي صدق بعدو عني أذا جت أدخل جوو

و بقووه

هايدي فتاة جبال الألب والعنزااات والخرفااان

ياحبي لها

هي وبيتر

كلير <~ المشلوله الحمدلله ابشركم مشت

وجدها الشديد <~بس أخر الايام هجدت شياطينه

صار حليل

وجدت بيتر العجوز المنتهيه
ولا تهون عنزتها ويكي
بس تقهرني هايدي اذا فصخت الحياء و فصخت
فستانها وراحت تطامر مع بيتر فوق التلال
<~ ماتصدق خبر

5/ عدنان ولينة

عدنان ولينا <~ ياعيني عالرومانسييييه يانااس

هذاا للحين عندي أشرطته من أول شي الى
أخرشي

عدنان ذا الي من أول حلقه ماغير لبسه وأخر حلقه

تكشخ وجاب العيد

والا صديقه عبسي وهو و كشته وماغير دايم أصبعه

بخشمه يـع وسخ ومقرف بس انه ونيس ..دايم اعير

فيه ولد جيرانا هـع

ولينا ذي الحساسه

وعلام الشرير ياكرهي له هو وجهه المربع
=====================

الله يالدنيا الحين كبارنا ماعاد نشوف الا راشد الماجد
ونوال الكويتيه ومنى امرشا ..وأفلام هنديه وشاروخ

خان وفردين خان وتوم كروز وهذا طلع البومه الجديد وهاذي طلعت فيديو كليب كسر الدنيا <~احلى بالتكسير..

شفت أمس حفلة هيفاء وهبي مع وائل كفوري يقولون انه خطبها :..

هْهْهْهْهْـ(يٍـأوِْيطيْ وٍيطـأإهـٌّ)ـهْهْهْهْهْآآي

مير الحين القناة الاولى مانقرب حولها

(بس أنا فيني وطنيه شوي أحب أشوف الاخبار

أو وقت الصلاة في مكة أو المدينة الله من جد أيام

حلوة و ذكرااها أحلى )

هْهْهْهْهْـ(يٍـأوِْيطيْ وٍيطـأإهـٌّ)ـهْهْهْهْهْآآي

بس حبيت أعيد ذكريات الماضي

<~أحلى يالماضي

وأيام الطفوله التي لن أنساها ولن أنسى أبطالها

<~لايكثر

ولاتنسوني بالردود

ودمتم بخير

آمير الكونـــ

الله يعطيك العافيه

الله يعافيك أختي الرميصاء
واشكر مرورك
ولكي مني خالص الود
آمير الكونـــ

تصدق امير

حلاتها من ايام

مو مثل الحين عشرين الف كرتون ومسلسل في اليوم على قنوات الخليج < ضيعونا


تسلم على الطرح

اشكر مرورك اختي دلوووووووعه
ولكي مني خالص الود
آمير الكونــــ

امير الكون الله يسعد ايامك ولياليك
رجعتنا للماضي الجميل
عااااااااااد الا هايدي حبيبت قلبي اموت فيها الى اليوم وانا افتح لها مقاطع يتيوب املي عيني بشوفتها
دمت بخيروالف شكر على اختيارك الرائع

أشكر مرورك أختي لؤلؤة زهران
وتصدقين عندي زميل يقول أمه زمان كانت تجلس
تبكي على هايدي تقول جدها راح الجبل وخلاها لوحدها
ولكي مني كل الشكر
آمير الكونـــ

تصدق امير وانا بعد دائما اسأل نفسي وقول مدري بيتر تزوجها ولا لا
ههههههههههههههههههه
حرام لوتزوجة غيره امداه مات قهررر

أشكر عودتك أختي لؤلؤة
وصح إن هايدي بيضاء من الحليب والجبنة
بس يختي قصيرة ما أعتقد إن بيتر اقتنع فيها يوم كبر
خخخخخخخخخخخخ
ولكي مني كل الود
آمير الكونــ

الا بنشدكم ؟؟؟؟؟؟؟

ذاك الوسيم اللي اسمه بشار

لقي امه والا بعد ؟

الله لمن درا هو لقي امه والا باقي يبحث عنها

كنت صغير اتابع بشار

وكان قلبي يتقطع عليه لانه عاش يتيم وضيّع امه خخخخ

يقولون ان امه ملكه
واقول الى متى الجني هذا يبحث عن امه ههههه