الصبر والحكمة

الصبر والحكمه

هذا واحد لا واحد إلا الله من ذا عليه ذنب يقول أصطغفر الله ..

هيا قولوا أصطغفر الله ..

حكواية اليوم عن رجال اعطاه الله حكمه وصبر
وكان معه صبيه عاصيه لاتقدر كبير ولا تحترم صغير!
ماكان في الديره مخلوقن يطيقها..
امهم اصبح الصبح وقام زوجها وقومها وابت تقوم !!
و اخذ جهده معها وعيت تفيق توضى وصلى صلاته...
و انتهرها تسويله فطورن بس انها ابت وقالت مابه شي ابنموت م الجوع؟؟
وانته تقول سوي فطور قالها انا بغدي مع الناس ..
معنا ضيعه ويمكن ابات معهم اليوم وخذ هراوته ومشى لين ادرق عن البيت!!
واندسه ورى ذعك الخوط وهو مابه الا يراقب صبيته؟؟
ولا هلا انست انه ابتعد وهي تقووووم وهي تشب المشب!!
وهي تررووح على الدجاج وتنتف لها دجاجه وخذت بيض؟؟
و تعجن لها عجينه وتسوي لها مخاويض؟؟
وهي تصب السمن صب وما به الا العافيه!!
تعجب منصنع ذا المخلوقه.....
وافلح بعد ماشافها وقضى لزومه ورجع البت مسى؟؟
وقالت وشفيك عودت ماتقووول انك بتبات هنيوك؟؟
قال اسكتي الله لطف بي يا بنت الحلال قابلني مطرٌ صب على مثل السمن الي صبيت!!
ونزل على برد كبر البيض الي فقعتيه!!
ولو ما ادرقت تحت هضبه كما المخووظ الي سويتيه كان نتفني مثل الدجاج الي نتفتيه ..........
قالت الصبيه ورع ورع والله انك لشفتنيه واعاهدك بالله ما عودها
هذا علمي وسلامتكم

.........


هذه القصة من سرد كهلتنا الغالية
إذا أعجبتكم القصة أدعو لها ..

هههههههههههههههههههههههههههههههههههه

ورع ورع والله انك لشفتنيه واعاهدك بالله ما عودها !!

قصة رااااااااااااااائعة



اجمل تحية لقلبك

مرور كريم من شخص كريم

احسنت وأجدت وبارك الله فيك وفي من روى الروية

قصة جميلة جداً رائحتها
قديمة..

لك كل الشكر .

سالم ولا بنادم حياك الله وحي اعلامك
احنا بساطة والعافية تامة لانغدي ولانجي الا يمت الله في
ارضناوالله ربنا ومايخفاك حال الديرةغبرة وعند الله الشبرة المطر جانا رشاش
والله يعطينا السيل ويسقي الارض حتى تروى البيار جفت
والمشكى على الله واليوم يامن سرتة حياتيو البقا كل شي شحة وغلي
انقلت الماء وانقلت الطحين ونقلت الرز والبيض ولا الحليب والقوطة والحديد
ومواد البناءكلهاشبت ها سمعمني ياخونا الصالح كل شي غلي ومارخص في هذا البلد الا
حاجة واحدة تدري وشنهية المواطن صار بلاش انهش فية يانهاش الديون فوق
راسة وطار منة المعاش وياحليلك يالمواطن وين تغدي بعمرك وين تبات وانت يالمواطن
طول عمرك ضحية اولها في سواء وثانيها في البندقية وثالثلها في الاسهم ورابعها في غلاء الاسعار اقلك الامور تحير وكثرنا اللحس علقلة من الهموم وخرج يغطرف ولا يقصد طرق الجبل والثاني يتمرغ فوق القبر ويقول ليتني مكانك والثالث انحتة راسة وصلع من التفكير
وجاة الضغط والسكر وهوصغير المهم ياحبايبي لاتلوموني وخليتها لهذه الساعة حبيت اسلم عليكم واخذ بكم عهد ولي كفحت السمن والمخاويظ والدجاج ليتها تدري عن الغلاء اليوم والله لتوفر وهذا مانتقفابه اعلامنا
وسلامتكم على الله

تحياتي لك يا بطل

لا اله الا الله
أسلم <<< جدي كان الله يرحمه مايكمل قصته لين نقولها ^ـــــــــ^
واصطغفر الله من كل ذنب

اقتباس :

هذه القصة من سرد كهلتنا الغالية إذا أعجبتكم القصة أدعو لها ..

ربي يسعدك ويخلي لك كهلتكم ويطول بعمره وهي بصحه وعافية
ويوفقك ان شالله
ننتظر القادم

يعطيك العافيه والله يعافي كهلتكم ويطول بعمرها