هات راسك يابو طلال

السلام عليكم ورحمة الله وبركاته
ويعلم الله اني مشتاق لكل رجل منك وانكم غالين ولكم معزه واحترام
ولاعذر لي واقدمه لكن العذر والسموحه على طول الغياااب
وياليت يابو طلال تشرفني بالرد على هذه القصيده والمجال بعدها للجميع ان حبيتوا تكملونها قارعه

البدع / الصهيبي=
ياسلام الله على نهل مايه ضم=
مايجف ولا يبيد الحيا حوله=
ارتوى الوادي منه والدهر راوي=
ياعلي محسن عدوده منهليّه=

اخوكم
الصهيبي

الله الله يالصهيبي

ابداع والله

في انتظار ابو طلال وان كان انه ماشي هيله تاليومين لكن تراه المرض اللي يسبق العاصفه

الله الله الله يالصهيبي وينك ياعلي الحق الرجال

حىالله الصهيبي والحمدلله على السلامه وينك غايب يارجل اشتقنا لك
ولحضورك الطيب وقصايدك الطيبه وصح لسانك على هذا البدع الرائع
وانا لي كم يوم مريض الحمى لعبت فيه لعب لكن ان كان مااعجبك ردي
فلا تواخذني المعرفه من اول ماشي هيله وكملت الناقص هذه الحمى
وعلى فكره انا ماانحمّيت الا من زهران وابوصالح اهم دبغو فيه لين
قلت امين ان كان ودك تختلص لي ياصهيبي تعمل معروف

الرد

ياصهيبي بعض الاخبار مايهضم=
يختفي من ساعته ماحيا حوله=
لانشدت عن الخبر وده الراوي=
راوي التزييف وش جا منه ليه=

الاخوه الكرام
زهران . . . شاعر المعنى
والله انه لا اسعدني تواجدكم وتشريفكم
والله يديم المحبه
الشاعر الكبير
واستاذي العزيز علي السّبيّه ابقاك الله وماتشوف شر يالغالي
والحمد لله على السلامه
وعلى قولت شاعرنا زهران المرض اللي يسبق العاصفه
عوافي عوافي يابو طلال
وخارج من الشر ان شاء الله
وصح لسانك على الردود الراااائع والغير مستغرب
وهذي على القارعه استلم لا هنت

البدع / الصهيبي=
ناسخ التاريخ مالنقص مايسلم=
صدّر الديوان مرسمه ونقوله=
من بيجرى ينقده لاحوى الحاوي=
كم سطور(ن) جته سرقه ونقليّه=

اخوكم
الصهيبي

الله يحيك بين اهلك وناسك
وين رحت يا علي القارعه استوت ابدله والا بدينا له

صح لسانك ياصهيبي ومرحبا مليون وانت باابومتعب ودي بك تبدي لنا
انا باالرد على الصهيبي وان كان ودك تبدع على القارعه ويجي اي
شاعر ويرد عليك الشعار في المنتدى واجد لكن وين اللي يبدي انا
معرفتي على قد حالي والصهيبي ابيفتري فيه ان كان ماحد فزع لي

الرد

كل منهو مد يسراه مايسلم=
والذهب له ناس عدّوه وانقو له=
كيف يقطع سكته لاحوى الحاوي=
ليتهم شالوه في حوض نقليه=

اخوي الصهيبي
اخوي علي السبية
الله لايهينكم على هذا الابداع
الرائع ...............
ولاتشوف شر ابو طـلال
انشاالله تالي علمك بالشر
ولاتحرمونا من ابداعكم
ولكم مني
كل التقدير
الـــشـــمـــالـي

حي الله الجميع
وعذراً على التأخير يابو طلال

البدع / الصهيبي=
جعل كف(ن) ميسر(ن) مد مايلتم=
آية(ن) تنهي مداها ومنزوله=
ياعلي منحن من اهله ولا ياوي=
لاتشبّا نفعته بالشبابيّه=

اخوك
الصهيبي

بيض الله وجيهكم جميع