%%% (( عِزّ مفقود )) %%%

يابوي مافيني ولا شي موجود=
الا دموعي من يدوّر وَجَدْها=
خلوني أبكي طالما الدمع محشود=
العين عيني وش لكم من جَهَدْها؟=
الدمع سيف الحَقّ لعيوني السّود=
محدن سأل عنها .. ولا احدن نَـشَدْها=
معذور من يبكي على عِزّ مفـقود=
ذكرى دفنْـت أسرارها في لحَدْها=
أبكي على طاري صبا نجد ياسعود=
ودموع عيني مايوقّــف مَدَدْها=
حُبْ الرياض اللي شَغَـلْ قلب وكبود=
والعين من فرقاه تشكي رُمَدْها=
لاذعذع الغـربي ولا نسنس النّود=
تِبْرقْ سحايبها ويصْرخ رَعَـدْها=
كمْ كنت من بِدّ المخاليق محسود=
كثر الورود اللي فؤادي حَصَـدْها=
ضحكت قالوا لي : ترى الضحك منقود=
بكيت قالوا: عِزّ نفسك تَجِـدْها=
مِثْل العقيم اللي تبشّر بمولود=
ويموت ماسُرّت بشوفة ولدها=
شهور تستنّاه وسنين وعقود=
يمكن يجـود الحظ الأقشر بَعَدْها=
حتى دهمها الشّيَب والعمر محدود=
كم سافـرتْ لجل الدواء من بَلدْها=
وبلحظةٍ جَتْها البشاره بموعود=
إنّ الفرح حطّم حواجز نِكَدْها=
تسعة شهـور أتْعُـدّ الأيام بركود=
ومن الفرح تغلط وتنسى عددها=
كمّ هدّرتْ قبله من أموال ونْقود=
تشري هدايا لجْل فـلْذة كَبدْها=
وبيومه الموعود في ساعة الجود=
كان القدر بالفجْعه أمرّ و ادْهَى=
إثْنا عَشَرْ عامٍ تزاور ثراء العود=
تصبح بمفـردها وتمسي وحَـدْها=
تبكي على قبره وهو فيه ملحود=
وهي تطبطب فـوق ظهْره بِيَدْها=
***

جعلك ما تفقد غالي وانا اخوك وصح لسانك واعتلا شانك تقبل مروري واحترامى وتقديري لشخصك الكريم

صح لسانك ياشيخ
رائعه غير مستغربه من مبدع

المشاركة الأصلية كتبت بواسطة نديم القوااافي

جعلك ما تفقد غالي وانا اخوك وصح لسانك واعتلا شانك تقبل مروري واحترامى وتقديري لشخصك الكريم

وجعلك ماتفقد غالي ... وصح بدنك وسلم بنانك

أحلى مرور ..... لاهنت .... تقديري وإحترامي

المشاركة الأصلية كتبت بواسطة ملك الليل999

صح لسانك ياشيخ


رائعه غير مستغربه من مبدع

وصح بدنك .. لاهنت أخي الغالي

الرائع مرورك .. ألف شكر....

معذور من يبكي علـى عِـزّ مفقـود
ذكرى دفنْت أسرارهـا فـي لحَدْهـا
المبدع
صح لسانك وسلمت يداك لاعدمنا تواجدك العطر
لك منا جميعا الشكر والتقدير

الله الله

صح لسانك يا الزيادي مليون .. لاهنت

تقبل مروري

تـــصــــبــــح بــمـــفـــردهـــا وتـــمــــســــي وحَــــــدْهــــــا

تــبــكــي عـــلـــى قـــبــــره وهـــــــو فـــيــــه مــلــحـــود

وهــــــــي تــطــبــطــب فــــــــوق ظــــهْـــــره بِـــيَـــدْهـــا


المبدع

رجعتني لذكرى أليمه وقصّه حدثت لي شخصياَ وربي بكيتني بالقصيده
الله يرحم والدينك ويرحم فلذة كبدي اللي مات وعمره سنتين
صح لسانك وسلم منطوقك

شاعر قوي الكلمه وانيق المفرده صح لساانك ملاين ولاهان منطوقك العذب
قصيده جزله من شاعر جزل بجد رووعه اعجبتني ولاهي غريبه عليك الابداااع والتميزوماتفقد غااالي ياارب يعافيك ربي ويسلمك ..
تقبل مروري المتواضع ..
تقديري .....//

المشاركة الأصلية كتبت بواسطة لؤلؤة زهران

معذور من يبكي علـى عِـزّ مفقـود

ذكرى دفنْت أسرارهـا فـي لحَدْهـا
المبدع
صح لسانك وسلمت يداك لاعدمنا تواجدك العطر

لك منا جميعا الشكر والتقدير

صح بدنك على تواجدك العطر

ألف شكر ولا هنتي ............