يابو يحيى لو الرميه تجي من جبان او من سفيه

بدون مقدمات مع التحيه لبو يحيى
والحر تكفيه الاشاره
وغطة الشاطر بالف

البدع ابو صالح=
*=
يابو يحيى لو الرميه تجي من جبان او من سفيه=
مازعجتني ولا حسبت هرجه تجيني من معول=
لن من عادتي مالمح لواحد كما سقط المتاع=
لكن ان جت من الغالي ومن شخص معطيه احترامي=
تكبر التعبه في قلبي وحتى تعلا من شدا=
غير انا بعطي الغلطان فرصه يعدل ما بدا به=
والا فالمهره تصهل تحتري الكز من خيالها =

تسلم ياابو صالح والله يعطينا خيرك

وافي ياابوصالح وابويحيى وافي وكلنا واحد طال عمرك لباس بعضنا بعض

صح لسانك يابو صالح ملايين وأنت وابو يحيي محل تقدير الجميع وكلكم وافين

صح الله لسانك . الين ترضى
بدع رائع بروعة كاتبها
يعطيك الف عاافيه ...
لاهنت...//

أبو صالح صح لسانك
مررت من هنا لكن لم اتمكن من قرأة القصيدة لآني كنت اتصفح بالجوال وكل ماقرأت غلطة الشاطر بألفههههه لي عوووووووووووووووووده

(( ألف )) شكر لك من مر من هنا

الرد:=
منهج الحق واضح وش بهم يقدحون الناس فيه؟=
لا تدني براسك وانت ماذب تسير الا مع أول =
عز نفسك تجدها يابن الاجواد والدنيا متاع=
لا تكدر نهول الما على ضاميٍ ياما احترا مي=
والله ياعلام ترخي هامتي ماعليها منشدا=
مالله اوزاك تبدي هرج ياصاحبي ماينبدا به=
هد روعك ودقل الحرب ماهو كما خيالها=

سلمتم يا شعــار والله يعطيكم العافيه

ابوصالح

ابويحي

صحت السنتكم وقلوبكم وبيض الله وجوهكم

ابو صالح

ابو يحيي


صحت قلوبكم والسنتكم والله يعطيكم العافيه يا النشاما

والعتب صابون القلوب ولو لا المحبه والعتب بين المحبين ما تنضم قصايد يطرب لها المتابع

الله يوفقكم