اخلفت وعدك

ابطيت ما شفناك واخلفت وعـدك=احنـا وفينـا يـوم حنـا وعدنـا
ذكرى لقا ومواعدك يـوم سعـدك=وانت الوحيـد بجيتـه ماسعدنـا
انكان بعـدك كبريائـك وعمـدك=ببكي خيال لجـل عينـه عمدنـا
ان كان تتغلا ابـد حـط جهـدك=واحنا بنصبـر ماتبعثـر جهدنـا
الين ترسل شوق يرئـس لوفـدك=وابشر بعين (ن) ضمتك لاوفدنـا
وابشر بتاج العشق رمز لعهـدك=احنا الوفى لو كان بك ما عهدنـا
وان صادفك يوم رقى فيه مجـدك=ترا سموه طالـع (ن) بـه ولدنـا
ان جيت مخطي وش يبكيه وجدك=ان ضاع عذرك كلنا لـه وجدنـا
وان ضاقت الدنيا ويطريك بعـدك=باساير الذكـرا ولا احنـا بعدنـا
يومين راحت وانت ماجيت وعدك=واحنا على وقتـك نسلـم وعدنـا
ابنتظر عمري ولو حـان لحـدك=ماني مفـارق موعـد الا لحدنـا
*****=*****
الـحـقــوق مـحـفـوظــه=ابو نايف

مجمل ومشكور والله يعطيك العافيه
وصح لسان ابو نايف

صح لسانكـ ولا تحرمنا جديدكـ

مجمل ومشكور بيض الله وجهك
وصح لسانك ملايين
لاهنت على هذا الأبداع

صح لسانك ياالنادر الصغير

موفق بإذن الله ... لك مني أجمل تحية .