غلبني حسّي المرهف

غلبني حسّي المرهف وعاملني بدون احساس
اسرني وامتلا قلبي الم وانهارت اعصابي
.
رماني باالهواجس والهواجس مالها مقياس
جفاني النوم من سبّت بلاه وشابت اهدابي
.
وصوّر كل من حولي شياطين ابثياب الناس
وكلن يعبد الدنيا وله قبله ومحرابي
.
وفيهم طيب العشره يهان وباالقدم ينداس
وحبّو من يخادعهم بضحك السن والنابي
.
وانا قلبي خذاه اللي خذا سالم على جساس
من اسباب الجليله صار قلب الزير منصابي
.
تهيم الديره اللي مابها حامي ولا عسّاس
ولا تستغرب اللي في حماها يلبس الكابي
.
تسير اهون من اسباب الهوان وقمّة الافلاس
وتسير آشد من خبث اليهود وكفر الاعرابي
.
حماةالديره يااهل الديره تجّار الذهب والماس
يبيعونه برخص ومغلقه مفتوح الابوابي
.
تساوت عندهم ما يفرقون النمر والنسناس
وهي في كل حاله مخزيه والوضع مرتابي
.
والا ياحسّي المرهف تعبت اقاوم الهوجاس
وتعبت اعيّن الوجه البري مابين الاصحابي
.
تصوّر لي عنى الدنيا وتعكس واقعً منحاس
تصاريفه غريبه والبلا من جهل الاسبابي
(علي السبيه)