إهداءات |
منتدى شعراء رباع للقصائد النبطية والقلطة |
|
أدوات الموضوع | إبحث في الموضوع | انواع عرض الموضوع |
#1
|
||||||||
|
||||||||
وطن بو متعب
إهداء للوطن ممثلاً في ابو الوطن الملك المفدى خادم الحرمين الشريفين
الملك عبد الله بن عبد العزيز ( سلمه الله ) وسلم الأسرة المالكة الكريمة والشعب السعودي الكريم يـا الله لا تحكـم علـي بغربـه=عن موطن ٍ أهواه وأتباهـى بـه يا من جعلت لنا الشهـادة منهـج=نشهـد بهـا ونحـرك السبـابـه يا موطني مـا غربـه إلا لاجلـك=والمغتـرب يشعـر بقـد احبابـه القلـب وأنـا اغـادرك متـألـم=ويا حلو نبضه يـوم حـل إيابـه يا موطني والبعـد عنَّـك ساعـه=يقدح زناد الفكـر قـدح شهابـه يا موطني جيتـك وأنـا متهنـي=حتى الشظف بالعيش منك ارضا به أنا أشهد إنك يـا وطنـا الغالـي=عشق الفـؤاد ورغبتـه وطلابـه وأنـا بعيـد أتذكـرك وأجيـلـك=وادروك فـي خافقـي واجنـابـه ليتك تجي وتشوف حالة عشقـي=تنبيـك عنـه دموعـي الصبابـه العشق الأول فـي روابـي مكـه=وعشق المدينه والنبي واصحابـه والعشق الأخر يا وطن في نجـدك=حكامـه ترابـه وسمـر هضابـه وأعشق شمالـك والعقـال مميـل=وأعشق جنوبك والرجـال تهابـه والشرق احبه يوم شمسه تشـرق=وأحب حتى الغـرب فـي مغرابـه عشق الجنوبي عشق مـا يتغيـر=عشق الكريم الضيف لا هـلا بـه عشق يطول الوقـت مـا يتحـول=يعيـش بـه عـودٍ ويتربـى بـه أنا أعشقه لو صار روضٍ مزهـر=وأهواه لو ماتت جميـع أعشابـه يا موطني وأنت الوحيـد بقلبـي=وقلبي على حبـك مسكـر بابـه لو غبت عنـك أتذكـرك واجيلـك=عاشق وعشقـه مالـيٍ جلبابـه إبنك محبـك لا لفـى لـك عانـي=يفخر بدينـه ثـم بيـض ثيابـه بقلوبنـا شلنـاك فـي غربتـنـا=والطرف يكسي ضمتـك باهدابـه لاحدٍ يلـوم الغامـدي فـي قولـه=ذا موطني وأنا اعرفه وأدرى بـه والله لـو إنـه جرهـديٍ مقـفـر=إنـي لاجيـه مقـبـلٍ لتـرابـه يكفيني إن من وطن بـو متعـب=الحاكـم اللـي خطوتـه وثـابـه نحـو المعالـي دايـمٍ يحملـنـا=علـى رحابـة صـدره وترحابـه حاكم غمر كـل القلـوب بطيبـه=كفـه لقلـب المشتكـي طبـابـه صقر العروبي يا كريـم المنسـب=يا حاكم وأصـل الكـرم منسابـه صقـرٍ بجـوه عـالـيٍ متـفـرد=لا هـد يلطـم صيـده بمخلابـه الله حبـاك الهيبـه المسئـولـه=والملك ملكك جـاك مـن طلابـه لك الولاء لـك الوفـاء والبيعـه=ولاء بصدق قلوبنـا ذعنـى بـه شعبـك بحبـك كالطيـور مغـرد=وكيف المحبه طـاب يـا شرابـه صبه لبـو متعـب ببـن مهيـل=وعطه الغلا منـي وأنـا صبابـه يا حاكـمٍ نهـج الخلافـه نهجـه=يحكم بشـرع الله وهـدي كتابـه خلا الوطن واحـة أمـن متهنـي=في عالمٍ يحكمـه شـرع الغابـه أكره يكون إبن الوطـن إرهابـي=إرهاب في هذا الوطـن وشجابـه شلـت يديـن الجانـي المتجنـي=اللـي يدينـه للوطـن خـرابـه اللي تـرك دينـه ولـوث فكـره=ولا طاوع العقل الفطيـن النابـه قلوبـهـم باحقـادهـا مملـيـة=وعقولهـم بجنونـهـا تتشـابـه عـن الجماعـه فكرهـم متنحـي=وأكبـر دليـل نفوسهـم مرتابـه شبوا لظى الفتنـه بفكـرٍ نـازي=لكن لظـى الفتنـه أكـل شبابـه وبحلم ابو متعب وحكمـة رأسـه=صحى ضليل العقـل ممـا صابـه دعاهـم بدعـوة حكيـم عــادل=وقال انقصر بالشـر يـا طلابـه وإلا لفيتـك بالحسـام المرهـف=اللـي تحـلا سلـتـه بنصـابـه سيف العداله فـي يمينـه مشهـر=يقطـع رقـاب الأنفـس اللعابـه له هيبة الحاكـم وهيبـة فـارس=وسمت التواضع زينه مـا عابـه يسمع من العود الضريـر المقعـد=ويجلسه واللي يبـي يهنـى بـه ويقرب الطفل الصغيـر الموجـع=حتى يصير اقرب له مـن اقرابـه ولـه عضيـدٍ باللـوازم كـمـل=ما فيه شـيٍ يطلبـه مـا جابـه سلطان لحـدود الوطـن متوثـب=والمعتدي جيشه يقـص اشنابـه سلطـان فينـا للمواجـع بلسـم=ديمـة يمينـه بالعطـا منسابـه والنايب الثاني لأمن بلاده = سيفه بريع ويدحر النصابه نايف على اسمه له مقام ٍ نايف = خصمه إذا من سمع ذكره هابه في كل موقف له مقام وهيبه = التضحيه هي مكسبه وزهابه وآل السعود أهل الوفاء والشيمـه=تاريخهـم نستعذبـه نقـرا بــه يحيى الوطن لا صار بيـد رجالـه=ويمـوت لا حلـوا بـه الغصابـه يحيى الوطن لا صار نصفه جيشه=والنصف الخر عاكـف بمحرابـه من سار في درب الوفا مـا ينـدم=ومن فتل حبل الردى يشقـى بـه هذا الوطن ما هو بكعكـه تؤكـل=لا شافها الجايـع يسيـل لعابـه هـذا الوطـن منـا وحنـا منـه=نعيش به نمـوت بـه نحيـا بـه مليكنـا لامـن نخـانـا نـفـزع=حنا السيـوف وباللقـاء حرابـه أرواحنـا دون الوطـن نبذلـهـا=ويأخذ من الـدم النزيـه خضابـه نفديـه بـالأرواح مـا نذخرهـا=والموت دونه ما حسبنـا حسابـه موتـة شهيـد وكلنـا نطلبـهـا=ويازين مـوت العـز يـا كسابـه والخاتمة صلوا على أكرم مرسـل=اللي عرج به للسماء واسرى بـه عـداد مـا كبـر وهلـل مسلـم=وعد الحمام وعـد كـل أسرابـه مع تحيات سعيد الغامدي |
اخر 5 مواضيع التي كتبها سعيد ألغامدي | |||||
المواضيع | المنتدى | اخر مشاركة | عدد الردود | عدد المشاهدات | تاريخ اخر مشاركة |
عز المطاليب | منتدى شعراء رباع للقصائد النبطية والقلطة | 2 | 1267 | 24/02/2011 02:05 AM | |
وطن بو متعب | منتدى شعراء رباع للقصائد النبطية والقلطة | 3 | 1044 | 13/06/2010 04:49 PM | |
قطعة الماسه | منتدى شعراء رباع للقصائد النبطية والقلطة | 4 | 1108 | 05/01/2010 07:16 AM | |
شمس الود | منتدى شعراء رباع للقصائد النبطية والقلطة | 7 | 1432 | 01/12/2009 04:25 PM | |
كبر مقدارك | منتدى شعراء رباع للقصائد النبطية والقلطة | 5 | 1160 | 06/11/2009 10:31 PM |
13/06/2010, 07:15 PM | #3 |
شاعر كبير مؤسس و عضو شرف منتديات رباع
|
صح لسانك ملايين ياسعيد الغامدي ابدعت في نضم
هذه القصيده الرائعه وتجلا الابداع في كل بيت |
|
14/06/2010, 05:02 AM | #4 |
شاعر وعضو شرف منتديات رباع
|
صح لسانكـ يا سعيد
شاعر متمكن في التلاعب بالكلمات وتطويعها لنظم القصيده كيفما يشاء |
|
مواقع النشر (المفضلة) |
الذين يشاهدون محتوى الموضوع الآن : 1 ( الأعضاء 0 والزوار 1) | |
(مشاهدة الكل) عدد الذين شاهدوا هذا الموضوع : 0 : | |
لا يوجد أعضاء |
|
|
الإعلانات النصية ( أصدقاء الأكاديمية ) |
|||||