ياعُمري روح

:

يا عُمري روح .. اذا تقدر على فراقي
مسامح روح .. على ذكراك انا باقي
ألآهٍي قلبي الساهي
ألآهٍيبه وأنا لآهٍي
اعيش الوقت وادور فيه مرتاعي
واقاسي النوم لآمَرّْ واوجاعي
اخاف احلم واشوفك حٍلمْ
يفُّوقّْ نشوة اعماقي

انا مثلي مثل وادي شكى يومه ويٍشكي امسْ
ويبكي قلة امطاره
وانا مثل الضرير اللي تمنَّى لو يشوف الشمسْ
وخايف تحرق انظاره

حبيبي ما كفاني اليمّْ
بحرت ولاكفاني اليمّْ
نسيت انك بَحرْ في يمّْ
لقيت اولكّ وأمّا اَخرك باقي

لقيت انك سما هالكون
فضا من يجمع اطرافه
لقيت انك زمن مفتون

تعبت أعايش أكنــــافه
لقيت اولكّ ياعُمري وحل الشّيب باسبابه
واخاف اذا لقيت آخرك اموت ولاتهنّابه

ياعُمري روح انا استاهلْ
جفاك وعندك الماهلْ
ياعُمري روح ياعُمري روح
اذا تقدر على فراقي

:

ابو شهد

سلمت وبيض الله وجهك يابو شهد
راقت لي كثيراً
مع اطيب تحيه وتقدير

إبداااااااااااااااااع

الله يابو شهد ... إحساس جميل

صح لسااانك ملايين

ولا تحرمنا من مثل هذا الجمال

صح لسانك أخي الغالي أبو شهد

إحساس جميل ومرهف ويعطيك العافيه

أخي الغالي لي وجهة نظر عسى ماتزعجك :

في البيتين هذه :

انا مثلي مثل وادي شكى يومه ويٍشكي امسْ
ويبكي قلة امطاره
وانا مثل الضرير اللي تمنَّى يشوف الشمسْ
وخايف تحرق انظاره

وش رأيك لو أضفت ( لو ) قبل كلمة يشوف الشمس
وأصبحت هكذا :
انا مثلي مثل وادي شكى يومه ويٍشكي امسْ
ويبكي قلة امطاره
وانا مثل الضرير اللي تمنَّى لو يشوف الشمسْ
وخايف تحرق انظاره

ستكون أجمل وأخفّ على اللسان من ناحية الوزن

كذلك البيتين :

لقيت انك سما هالكون
فضا من يجمع اطرافه
لقيتك انك زمن مفتون
تعبت أعايش أكنــــافه

في شطر لقيتك إنك زمن مفتون
أرى أن الكاف زايده والأجمل أن
يكون البيت :
لقيت إنك زمن مفتون
وسيكون أجمل وأوزن للبيت وربما ان خطأ مطبعي

تقبل ردودي ولك خالص الود ياغالي

ابو شهد
حروف وكلمات تفيض عذوبه وجمال
سلمت يداك
ولا عدمنا تواجدك الراقي

يا عُمري روح .. اذا تقدر على فراقي
مسامح روح .. على ذكراك انا باقي
ألآهٍي قلبي الساهي
ألآهٍيبه وأنا لآهٍي
اعيش الوقت وادور فيه مرتاعي
واقاسي النوم لآمَرّْ واوجاعي
اخاف احلم واشوفك حٍلمْ
يفُّوقّْ نشوة اعماقي

انا مثلي مثل وادي شكى يومه ويٍشكي امسْ
ويبكي قلة امطاره
وانا مثل الضرير اللي تمنَّى يشوف الشمسْ
وخايف تحرق انظاره

حبيبي ما كفاني اليمّْ
بحرت ولاكفاني اليمّْ
نسيت انك بَحرْ في يمّْ
لقيت اولكّ وأمّا اَخرك باقي

لقيت انك سما هالكون
فضا من يجمع اطرافه
لقيتك انك زمن مفتون

تعبت أعايش أكنــــافه
لقيت اولكّ ياعُمري وحل الشّيب باسبابه
واخاف اذا لقيت آخرك اموت ولاتهنّابه

ياعُمري روح انا استاهلْ
جفاك وعندك الماهلْ
ياعُمري روح ياعُمري روح
اذا تقدر على فراقي

:

ابو شهد

صح لسانك مدد ولا هنت
تقبل مروري وأعبق التحايا

المشاركة الأصلية كتبت بواسطة ملك الليل999

سلمت وبيض الله وجهك يابو شهد
راقت لي كثيراً

مع اطيب تحيه وتقدير

مللك الليل

الله يرفع قدرك

وجهك ابيض وشرفني مرورك


تقبل اطيب التحايا

المشاركة الأصلية كتبت بواسطة الهجيــــر

إبداااااااااااااااااع

الله يابو شهد ... إحساس جميل

صح لسااانك ملايين

ولا تحرمنا من مثل هذا الجمال

الهجير

الابداع حضورك الجميل

صح بدنك ولا هنت

تقبل احترامي وتقديري لشخصك الكريم

المشاركة الأصلية كتبت بواسطة المبدع.

صح لسانك أخي الغالي أبو شهد

إحساس جميل ومرهف ويعطيك العافيه

أخي الغالي لي وجهة نظر عسى ماتزعجك :

في البيتين هذه :

انا مثلي مثل وادي شكى يومه ويٍشكي امسْ
ويبكي قلة امطاره
وانا مثل الضرير اللي تمنَّى يشوف الشمسْ
وخايف تحرق انظاره

وش رأيك لو أضفت ( لو ) قبل كلمة يشوف الشمس
وأصبحت هكذا :
انا مثلي مثل وادي شكى يومه ويٍشكي امسْ
ويبكي قلة امطاره
وانا مثل الضرير اللي تمنَّى لو يشوف الشمسْ
وخايف تحرق انظاره

ستكون أجمل وأخفّ على اللسان من ناحية الوزن

كذلك البيتين :

لقيت انك سما هالكون
فضا من يجمع اطرافه
لقيتك انك زمن مفتون
تعبت أعايش أكنــــافه

في شطر لقيتك إنك زمن مفتون
أرى أن الكاف زايده والأجمل أن
يكون البيت :
لقيت إنك زمن مفتون
وسيكون أجمل وأوزن للبيت وربما ان خطأ مطبعي

تقبل ردودي ولك خالص الود ياغالي

الغالي محمد

اولاً /انا اقبل نقدك بكل سرور لانك شاعر كبير وقدير وبحر
وشاعر يجري ولا يجري معه وليست بشهادة مني لك لا بل
حروف شعرك ومعاني كلماتك تشهد لك.
ثانياً /انامقدر لك تمعنك في القصيدة فلم تمر عليها مرور الكرام.
ثالثاً/ تم التعديل بما اشارت اليه ولكن الكاف في الجزء الثاني
من النقد كانت زائدة "غلطة مطبعية".
رابعاً /من لا يقبل نقد النقاد فليعلم بانه جاهل .

تقبل احترامي وتقديري لشخصك الكريم
واعلم ان مكانك كان في القلب والان
اصبح القلب فيه