محاوره(للجمال والفن)

اشوف نوره علينا هل وايلوحي=واشم عطره مع الانسام يهنا لي
الكحل من عينها خجلان وايسوحي=من طول الاهداب سار الكحل همالي

الحب بلسم يداوي اجروح واقروحي=يا زينها ساعة(ن) فيها تهيا لي
منقوش فالقلب مثل النقش فااللوحي=يامكسبي والغناة وروس الاموالي

بين الشفايف يذوب الحكي وايروحي=والحرف يخرج نغم والحانه اتلالي
مشاعر ي تلتهب واعماقي اتفوحي= لها خفوقي رقص بالحب ويلالي

لي صاحبً ساهي الطرفين مملوحي=خدوده الورد واما الشعر شلالي
مزيون من غالي الاوصاف ممنوحي=مثل الثمار الجنيه وذوقها الحالي

الله الله يا سبيه سلم لنا بوحك الجميل
خلنا نغير القاف والطاروق

الا حسبي عليك الرب يالي تعلن النكران=انا عايش على وعدك وقلبك يعلن انكاره
تخطيت الحقيقه واتبعت الغدر والشيطان=وقلبي قام ينزف دم في ورده ومصداره

غير وخذ راحتك واتشرف بمجاراتي المتواضعه لما تقدمه من ابداع

سريت الليل لجل الهيل وانا خاطري هيمان=اعاجل في الخُطا وارقب متى نوصل على داره
لقيت الهيل له موعد مع واحد من العربان=رجعت وحضي المنكوب يلعن ساعة(ن) زاره