قااارعه لاهنتم

المعذره يا جماعه على التأخير
بس حقيقه السنه الجديده وهيكلة الأعمال

كني اشوف السبيه ينوظر غام=
ما يشوف او لا معه علم بالنيبان=
والصدر جاير ولا يقبل الفرسان=
كم ضحيه جاهله واصبحت مقضيه=
الجمل لو طاح بالصدر قصمنه=

عذرك معك يالهمس
بس هيكلة الاعمال هذي جديده والله مافهمتها....
على القارعه يالنشاما

البدع / الصهيبي=
يادول زهران عشتم ولايا انظّام=
شوركم فالروس ومحامل الكفّان=
تقدرون الضيف وتحاموا الحبان=
والعدو له نيمسي(ن) تبارق ضيّه=
لين عقّب وابتلش في دخاينه=

ودمتم بود
اخوكم
الصهيبي

الرد=
اللي قلبه حىّ يسلم ولا ينضام=
واللي قلبه مات يدرج في الكفان=
ياصهيبي وش نصيبي من الحبان=
بار سوق اهل الخوارج وبار اقضيه=
والبيارق ماتجي في ايد خاينه=

هيكلة الأعمال تغيير كل متعلقات العام السابق وتجديد العهد بالعام الجديد

دمت بود .

حلم ابليس انه في الجنه يبقى احلام=
مثل حلم الشيعه في غربلة لبنان=
والا حلم الروس في ذبحة الشيشان=
لكن النايم عيونه ترى معميه=
يبتدي حلمه ويدفن مكاينه=

عاشوا المطاليق
هاكم لا عدمناكم على القارعه

الرد / الصهيبي=
ادري ان اقلوبكم يالرفيق احلام=
وان فعلتكم في الضيق نبل ابنان=
الله ياسرع التهور الى الشي شان=
مالعجاله ضاع في دومة المعميه=
والرشد والعقل بارة مكاينه=

الصهيبي

تحيه طيبه للشعّار الكرام الصهيبي والهمس
ولكل من يمر على هذه الصفحه

البدع=
الله يامسهمك ياقلب في الظلام=
وين بلقا عدّ جاري ومنضحان=
والزمن لوّع حياتي ومنع شان=
وقلوب الطيب ماهي كما الفجريه=
والتهمه ماتثبت الا ببيّنه=

عاشوا المطاليق

الرد=
يا علي ما ينفع الدرس في الظلام=
والذي يرقد ولا قام من ضحان=
خالف المله وإلا قام من عشان=
عشقه السهرات م اليل للفجريه=
ضاعت الأعمال والخذله بينه=

عاشوا المطاليق عاشوا

البدع / الصهيبي=
الورق غلق وجفت حبور اقلام=
كيف تبغون القلم يروي الكتبان=
والكتب والحبر في ايدينكم صفان=
ماقدرت اخذ جوابي ولو بسبيه=
وفوادي صار للهم سجاينه=

ودمتم في رعاية الرب
اخوكم
الصهيبي

الرد

مااحسب ان الصف لما تفرق لام=
كيف نتجاهل والاخبار منك تبان=
وقفو الاثنين في سكتي صفان=
الصهيبي يقول انا ببتدي بااسبيه=
في ايده مشعابين والهمس جا ينه=

هههههههههههههههههههه
الله يسعد قلبك ياعلي ترى انا واخوي الهمس عيونك الي تشوف بها رضيت والا جعلك لا ترضى



تقبل خالص محبتي
اخوك
الصهيبي