فضل قصائد بن جدلان

طرحت الأرض العربية مجموعة كبيرة من الشعراء الذين قد اعتبروا جهابذة الشعر العربي، فقد قدموا الكثير من القصائد الشعرية التي أصبحت علامة مميزة في تاريخ الشعر والأدب العربي، ومن أعظم الشعراء هو الشاعر سعد بن جدلان الأكلبي وهو من محافظة البيشة بالمملكة العربية السعودية الذي قدم الكثير من القصائد والدواوين الشعرية العظيمة التي اشتهرت بالبلاغة، فقد كان ابن جدلان هو المصور والمؤرخ لواقع الحياة هناك فقد استطاع أن ينقل الزمان والمكان من خلال أشعاره، خاصة وأن أشعاره اتسمت بالبساطة فقد استخدم اللغة المحلية والعامية والتي يمكن أن يفهمها الجميع بدون الاستناد إلى ألفاظ جزلة من الصعب فهمها، فقد وصلت قصائدة لأعلى درجات الكمال وأصبحت له جماهيرية كبيرة جدا على امتداد الأجيال، فقد أصبحت قصائده من أهم القصائد الموجودة حاليا في المملكة العربية السعودية لذلك نقدم أفضل قصائد بن جدلان .

1- قصيدة الشدائد يا جميلة بالازمات اختبار
الشــــدايد يـــــا جميـــله بالازمات اختبار,,,, ينــعــرف فيـها الضلال الطويل من القصير
كل مــــاذكر حالتك بين غـــــار وبين نـــار ,,,, راحـــت الــدنيـــا بعيني عبــــوسٍ قمطرير
تحسـبــن حبــك محــاه التشدد والحصار,,,, التشـــدد في المحبـــه هو الشر الشرير
شغلهم ضـــدي وضــدك يعمـّـر لك وقــار ,,,, في ضميــــرٍ مــاسكـن فيـه قدامك عشير
زارعٍ لك بخشـــةٍ مــن الزرار الى الزرار,,,, نبتـهـا ملمســـك والعـــود الازرق والعــبير
شد حيـــلك لا يصيبــك فشل وإلا إنهيار,,,,, لا تصغــر قيمتـــك وانـت في عينـــي كبير
لذة صبـــــار الهــوا مثـــل لــذة الانتصار ,,,,, لا تصدق من يقـــــول الحســـد مافيه خير
لا تغيـــرب مـــاجرا مـن قنـــا مثلك يغار ,,,, كـــل شي ينشفـــا فيـــه ميصـــاله عسير
الذهـــب دونــه حـراسه وبيبــاٍنن كبــار,,,,, والدرر مــن دونها هيبـــة البـــحر الغــــزير
غير لاتيّــس و تكتـب على نفسـك قرار ,,,,, يدفعك ســــوء التصرف على بئس المصير
لولا شحــي فيـك جيتك أجاهر من نهار ,,,,, غيــــر ما يصـــلح مقــــام بـــلا راي بــصير
فرصتـي ويقت حـــرارٍ على مــاكر حرار ,,,,, مــا يــعــــود فـــالمحل الربيــب إلا البـعير
والله ان امـــوت ما جـاك من عندي بوار ,,,, خــل في قلبـــك ثقــه والثقــه كنز الضمير
خذ كلام اللي يشـــوفك بعيـــن الاعتبار,,,,, واحــــدٍ مــــالك بقلبــه ولا عقــله خــشير
والمحبه مدرسة شي ثبوت وشي فرار ,,,, وانت درسي مع هل الحب الاول والاخير

2- قصيدة البارحة
البارحـه يـوم الاوادم خواشـيـع
في نومها وناعلى الكـوع واعـي
هم(ن)يمزع سترة القلـب تمزيـع
تقول ينهش ثومة القلـب افاعـي
خذت القلم من بين روس الاصابيع
وحبيت اميز سيرتـي وانطباعـي
عزلت من صدقان عطلةالاسابيـع
وعزلت من ضحك الوجيه الصناعي
وعزلت من بنين بامالي مشاريـع
جميد برد ولانس الشمـس ماعـي
وعزلت من زرع الخلـي البلاقيـع
وعزلت من رفـع الثنيـه رباعـي
من نفعة اللـي ماطلبنـي منافيـع
جميلة(ن)في غير اهلهـا ضياعـي
في اسواقها ماعاد لشري ولابيـع
لخطيت من رفقة طويـل الذراعـي
اللي على الرفقه يسوقـه دوافيـع
هـذاك تشـرى رفقتـه ماتباعـي
امايشجعني على الطيـب تشجيـع
والايعلمنـي حمـيـد المسـاعـي
والا ليامنـه رمعـنـي روامـيـع
وضاقت على كل الفجوج الوساعي
جيته ويسرلي عسيـر المواضيـع
وخلاخفايا خاطـري لـه وساعـي
معرفتـه ماهـي معرفـة طماميـع
ماتنتـج الاالغطرسـه والضياعـي



3- قصيدة الغرور
الجهاله فـي ابـن آدم توليـه الدبـور = لوطريقه غـادي يحسـب انـه متجـه
عنده ان مامثل شوره مع الاشوارشـور = مادرى انه له مـزاج وللنـاس امزجـه
يمكن ان تلقى مـزاج يبادلـك الشعـور= لو على فلم الشطـاره وفلـم الدبلجـه
واخر المشوار لا حصلت مافي الصدور = كل زور فيـه شوراليـا فـاق اهرجـه
القمر والشمس كنها تسلف منـه نـور = والجبال اتصير تحته خيـول مسرجـه
يحسب ان معه افضليه توليـه العبـور = ان لقاءالملح ازعقه ون لقاءالحلواسمجه
السماء عجزت تنوشه جناحين الطيـور = ماوصلـه الامحمـد ابليلـة معـرجـه
يا ابـن آدم يلعـن الله مختـال فخـور = من تواضع تحت ربـه يعليـه ادرجـه
لجل ماتدخل جهنم على شـان الغـرور= للعرب حاول تواضع وتعطيهـم وجـه
من لقا عذب المشارب ومثمرة الزهـور= ما قعديغرف من البحرويسوق احدجـه

4- قصيدة يا زين
يا زين المشي في الروض الأخضر لا شعشع المخضار =يازين الديرة اللي من حقوق الوسم ممطوره
يريح البال سج في الفياض الخضر والمسيار =سعادة للقلوب اللي من السلوان مسروره
متى عيني تشوف اللي على قلبي ربيع ودار =اشاهد للسعادة في حياة المجتمع صوره
لاهلت مزنتين فوقهن تنعومتين صغار= على ذيك اللباب اللي من الرضوان مغموره
لامنه اصحى سما غر المزون وشعشع النوار =ودجاه ادلى سدوله والقمر متجلي نوره
اشاهد لي بروق دونها ربانها تندار= تقول اكباس غاز من ورا شلال نافوره
سبح ماهر خيالي في الخباري والبرد والنار =واشوف الجمر فوقه دلة الرسلان منحوره
هذاك المنظر اللي ما تشوفه في الحياة امرار =على شوفه سبابيح الخيال تموت مقهوره
حرام اني ما اهني راع المليون.. والمليار =ولا اهني عربسات الفضا دوره ومقدوره
أعيـش بعالـم طـول المـدا يبقـى لهـا تـذكـار=عليّـه بالحـرام انهـا حـيـاةٍ مالـهـا جــوره
وذا وجه الصحيح ولا على وجـه الصحيـح غبـار=حقيقـة ويتمعنـهـا اللبـيـب بكـامـل شـعـوره

5- قصيدة حزازات ومشوخ
يامل قلب(ن) تقول يقلا على صيخ = خلت به الدنيا حـزازات ومشـوخ
دنيا تنوخ راعـي العقـل تنويـخ = وينداش فيها صاحي الفكر ويـدوخ
تغيـرو فيهـا العيـال المطانيـخ = وسبابها شمل العرب صار مشلوخ
خلتهـم الدنيـا مناشـف طبابيـخ =حتى الاقارب بينها الذيب مصلـوخ
ماعاش فيها الاأعيـال الطخاطيـخ =خطوا البعير اللي من المدح منفـوخ
من شان ماله صار شيخ ولد شيـخ =وامشيخٍ نفسه على النصب والجوخ
بالحكـي لعتـازوه ويـاك مريـخ =وليا جاء لزومٍ عندهم صاروا فروخ

6- قصيدة كل دار أرجعت وأنا سناوي
كل دار أرجعت وأنا ســــــــــــناوي=عزتي للي سواتي عزتي لــــــه
زادت الحمى فرحنا للمـــــــــــداوي= والمداوي زود الحمى مليلـــــــــه
ياجميله كن يطوي الحال طـــــاوي =والله ان كبدي على شوفك عليله
والله ان قلبي على شوفك شفاوي=غير لا بيدي ولا بيديك حيلــــــــه
سجليني في بحر حبك فــــــداوي= انا مجنونك بعد مجنون ليلـــــــــه
يارقبت الخشف ياعين النـــــــداوي =ياسراجيف الذلول المستحــــيله
يامناة تنقصر عنها المـــــــــــــناوي =ياخيار الدهم يالقبا الاصـــــــــيله
لعن بوك انتي مكاسر عود جاوي= ملبسك سندس شرابك سلسبيله
لو تمرين الشيوخ اهل الفـــــتاوي = عودوا مثلي يجرون الطـــــــــــــويله
من هوا شرواك والا لايهــــــــاوي =التقيد من بعض الاشيا فضـــــــيله

7- قصيدة ون بن جدلان
ون أبن جدلان من لايعٍ لاعه =كن في كبدي دوافير صناعي
ألعب المنكوس وأحب روباعه= مملٍ في الوقت والوقت خداعي
مادريت أن ضحكة الوقت خداعه= شفت مدخالي ولاشفت مطلاعي
لابغيت أسج والا انبصط ساعه= دق قلبي من وراء حدب الأضلاعي
كم من بين الضلوع آلة طباعة =تشتغل لانمت وأقوم مرتاعي
هم قلبي مايفرق تجمَاعه =غير جر الصوت والناس هجاعي
فاقدٍ لي سلعةٍ وأكبر أبضاعه= سلعةٍ تشراء ولاهيب تنباعي
رفقة الطيب ليا غير أطباعه= أشهد أنها كيةٍ توجع أوجاعي
راكب إلي صممه صاحب أصناعه= جمس بيك أب من حديثات الأنواعي
الغريب الي جديدٍ من أنواعه =حوض رفرف مايبي شد وشراعي
لا آنس البنزين عجلٍ تفرقاعه= مخطرٍ من سرعته يقلع أقلاعي
لاتحرك شفت في القاع مشلاعه= والتواير تظهر الماء من القاعي
ينعش القلب الحزين أبتهملاعه= امشا قام يتهملع تهملاعي
لاوطى الأرض العتش كن تهزَاعه= بنت شيخٍ طامحٍ من ولد راعي
في رجاء الغايب تحَرا لمرجاعه =تنقد العشاق وتطق الأصباعي

8- قصيدة يا عيون الوحش عنق الغزال
ويش أسوي ياعيون الوحش عنق الغزال = لاحصل طاريك يفتح على قلبي أرواق
لي ثلاث سنين بين الحقيقـه والخيـال = وأخر اشهر ذالسنّه تكمل الرابع غـلاق
شبه وضحاّ فالمخاضير زاويها الحيـال = من غلاها عند أهلها تبـارى ماتسـاق
تيهّت من صغرها بين ثنتيـنٍ هجـال = مهتويها راعيّ البل وعاشقهـا عشـاق
عنديّ إنّك ماخذٍ تـاج ربّـات الجمـال = سلموّك الحسن من باب صنعاء للعراق

9- قصيدة على كثرو أعوان الدهر
علي كثرو اعوان الدهروالدهرضدي=وذا حال من صارت ضروف الدهر ضده
تحداني الدنيا على غير ماودي=و حبل الردا رث اذا جيت بامده
بعض الأصدقاء لا جيت باقابله صدي=ومن كنت محتاج لوده بدى صده
ولا عاد لي غير أترك الدارواشدي=ومن عدني والا فوالله ماعده
وصدر الفضا واسع مع الأفق ممتدي=ومن سار في درب وصل ولوبعد مده
اليا باروا الخلان و الحظ متردي=فلا للفتى الا يترك الدار منجده
وخلن بدل خلن وحدن بدل حدي=وربي هو اللي يقصر العمرويمده
تمسكت في حبل الصله وتعبت يدي=بلا فايده والحبل ذا اليوم باهده
وباقوس ثوبي دمت حي على قدي=و كل يفصل له ثياب على قده
و من لا يسد بواجبه مات ماسدي=ولا خير في من واجبه ماتماسده
باشد الرحال وبترك الدار من جدي=ومن له علي فضل ومعروف يرتده
ورزقي على اللي لا عطا يجزل المدي=و من يستعين بخالقه نال ما وده
فلا خير في من يقبل الضيم والضدي=ويخسى الذي تقصر عن المرجله يده

10- قصيدة كسر الخواطر
يا صاحبي كسر الخواطر من شهاويها حرام…. و الحب يحييه الوصل و الروح يحييها الغذا
كل الجوارح فيك تنطق لي من عيونك كلام…. يا حبذا لو من لسانك تنطقه يا حبذا
يا حبذا لو تتخذ وضعي بعين الاهتمام…. من كثر درهامي و را طرد الهوا حالي جذا
و اللي يخلي الحب و الغيرة تسبب الانتقام…. اليا خذا من لذته واحد و واحد ما خذا
واللي يصيح من الخطا المهدوف والله ما يلام…. آمر تدلل ما تبيه يصير قل أبغي هذا