علي السبيه : نخليها ( مجالسي )

يابو طلال نتهرج شويه مجالسي

واهي حسب ضروف تواجدي وتواجدك في المنتدى

واسمحني اذا اشغلتك لكن سوالفك تعجبني

وتواصلك ينومس ويرفع راس العميد

ياليت عندي جناحين الطيور الحيا مات=
واطير فوق الجبال المنعمه من حياها=
واشوف بدر(ن) تعلا مكتمل كيف ضايح=
وازاورك يالذي متزينن وامتحني=
لو كان دونك حرص وتقول ماذا بحينه=

صح لسانك وعلى شانك ويشرفني قصايدي معك ياالعميد
انت استاذ وانا تلميذ في مدرستك ومنك استفيد واتعلم

الرد

من صفة اخر زمن مات المزا والحيا مات=
الناس في ذا الزمن قد عذّرت من حياها=
وش نرتجي فيك ياجيل الفتن والفظايح=
كم جاهلن رجّني بين العرب وامتحني=
وكم عاقلن ياالعميد اهل الفتن ذابحينه=

ياسلام ياسلام يعطيك العافيه ياشيخ

هات الدواء يالذي ما مثلكم فــ البشر هات=
امنع به الداء لعيني والكبد منع داها=
واعالج الفلق في راسي لو الفلق بايح=
وانا طلعت المناره احن والقب احني=
مثيل رعد السماء لا حن من وسط عينه=

الرد

بعض العرب قربهم ماياجي الا بشرهات=
والناس ماعاد تعرف صحبها من عداها=
ماعد معك من ورى اهل الفتنه الا القبايح=
اللي نسارع عليهم باالرضا قبّحني=
مايرحمون اليتيم ودمعته وسط عينه=

حسبك الله ياسيدي
والله يرحم والديك

يقول عميد العزوبيه للقفال سكرات=
ماعاد اشي باب ف العالم يجينا بلاها=
بكسر كوالينها لو صاحبي ون صايح=
وادعس على الشوك ماني لجل ماطاي احني=
والصف يهدم لو الدون والاعشار بينه=

كم جاهلن رجّني بين العـرب وامتحنـي
وكم عاقلن ياالعميد اهل الفتـن ذابحينـه


بيض الله وجيهكم

تقبلوا مروري من هنا

انا اسف على التاخير ياالعميد والله لجتني ضروف طارئه
ولكن العذر والسموحه يااستاذي الفاضل واستلم الرد

الرد

الحب ذبّاح له في داخل القلب سكرات=
غدت قلوب المحبه من عناها بلاها=
واهل المحبه ترى مايقبلون النصايح=
كم عاشقً في شباك اهل الهوى طايحنّى=
ذاقو مرار المحبه والولع شاربينه=

اقتباس : المشاركة الأصلية كتبت بواسطة أبويحيى [ مشاهدة المشاركة ]

كم جاهلن رجّني بين العـرب وامتحنـي وكم عاقلن ياالعميد اهل الفتـن ذابحينـه بيض الله وجيهكم تقبلوا مروري من هنا

.................................................. ................................
ووجهك ابيض ياابويحيى تشرفنا بزيارتك
الكريمه لهذه الصفحه فيا مليون مرحبا

ناخذ هذي ولك مني جزيل الشكر والتقدير

وقسم بالله اني احبك محبة الرجال للرجال

النسر زاده لحم ماهو بزاد النسر قات=
والنسر يطوي صحاري تستعر من حماها=
في كل يوم(ن) تشوفه صوب منهاج رايح=
والهزله ماتسمنه من جوع والا تغني=
وان صاد ماينتسي عشه وينسا جنينه=

حياك الله العميد وانا اعتز بك وبشرواك من المطاليق وافتخر بمجاراتك
في هذه القارعه وفي كل القصايد اللي صارت بيني وبينك وان ودك تستمر
استمر واسمحني على القصور ترى معرفتي ماجارت لكن اعتبر نفسي في
مدرسة العميد استفيد واتعلم منها

الرد

يامدعين الجهاد اقفت فلسطين سرقات=
ماعد تشكي الهوان الا من اللي حماها=
على الجروح القديمه زودوها جرايح=
ماعد لك الا تجر الصوت والا تغني=
لاعود الحق في سجن العرب ساجنينه=