قارعة جديدة بين الشعار

صح لسانك يا زهران وصح لسانك يا بو خالد والصراحه ما ني بشاعر بس ودي اشارك معكم واستفيد منكم وهذا الرد

ياهيل شفت الذهب فوقك تقل ما يراشي

والزين سبحان من سواك ما فيك ونه


والله لو ما يظنون البشر سوء ضنات

لنزع ثياب الحيا وسكن معه وسط نونه

صح لسانك يااخي السحاب البعيد رد ممتاز عوافي كثر الله من امثالك

أتمنى التوفيق للجميع (تحياتي )

الأخ السحاب البعيد

شكراً على الرد الجميل صح لسانك وننتضر منك الجديد


والشكر مره ثانيه ل ابو خالد

أبو محمد

ياموتراً محسنه ما فيه خلة رواجي

خل القرنبع يزود للذي خذه همه

والموتر الرائع اهله قلوبهم سمحيات

يقول مابيننا ياخوك دعوى ولومه

أبو تركي

لي صاحباً ذب يروج في علومي رواجي

يسرح ويمرح وفي درب الخطا مايهمه

عساه يغدي ضحيه من ورى سم حيات

واحط عيداً على موته واكبر ولومه

وين شاعرنا الكبير الفارس ننتظر ابداعاته ..

تحياتي للمطاليق ..

هذا بدع وانتظر الرد

متى على الله تفرح دارنا بك وتـاجي

والـدار بركانها في كل ساعه تـضمه

يا طيروصل سلامي له ومنى تحيات

وابنتظر جيتك يا طير واخذ عــلومه

تحياتي للجميع

جاك الرد

****

لو كان فالشعر رتبة اعطيك نجمة وتاجي

ابدعت ياصاحبي فالشعر واحسنت نضمه

سرت أتوحى لقولك يارفيقي وحيات

علامة الجودة حطت في كلامك علومه

تحياتي للجميع وهذا بدع


مــابعتكم ياصــليب الراس وسـط الحـراجي


ولا بعـــد جـاني النمـام واقـــبـل نمـومــه


ازهـم علـى المــكربه واجـيك واعنا عنيـّـات


مــاظل زهـران عـن قـولـه وقـلـت عــــزومه

مع خالص شكري وتقديري لشخصك الكريم يا بو خالد على الرد الجميل

وجاك الرد يا زهران

اخطيت يا صاحبي واليوم للصلح راجي

والله لو ماطلبت الصلح ماقلقت نومه

اخشــى مــن الـــوم يتعنا لبابي عنيات

وانا لك الله ما لي فالحياه بلع لـــــومه

تحياتي للجميع

السحاب البعيد