%%% (( قبل ماتبرق رعود الخير .. إهداء لرباع )) %%%

قبل ماتبرق رعود الخير .. وأتحرّا بَرَدْها=كوّنت لذعة بروق الدمع في عيني مخيله
وأجود أنواع السحاب اللي على الصامت رَعَدْها=وأصدق أنواع الدموع اللي فيَ العين الكحيله
الله أعلم بأمّهات الريح وش توعد وَلَدْها؟=والله أعلم وش يقول الورد لأغصان ٍ تشيله؟
الغريب .. الريح توعدني ولاتخلف وَعَدْها=والوكاد .. الورد متحصّن بقوّه مستحيله
والعجيب اللي ينرفز خاطري وآمرّ وأدهى=إنّ قلبي مايتوب .. وفالهوى راعي طويله
آآآه من جرحٍ قِتَلْ فرحة عيوني في مَهَدْها=وآآآه من وردٍ مُحَال أحبّ لي وردٍ بديله
وآآآه ياسَعْد العيون اللي تشوفه .. ياسَعَدْها=وآآآه يابخْت اليدين اللي تشمّه من جديله
ياهجير أحلى القصايد .. يافهد .. يابو سَنَدْها=ياشداها .. يارباع الصعب ..ياشيخ القبيله
ياجميع أصحابي اللي أعدّ وأغلط في عَدَدْها=عفوا" : البحر الفراهيدي وش أسمّي خليله؟
ياهنوف .. وياطيوف أحبابنا .. ياللي بَعَدْها=شوّهوا وجه البخاله .. يكفي الدنيا بخيله
أكثر أبيات القصايد تحتضر قبل أعتمدها=لين أداعبها وأذكّرها بالأيام الجميله
الغرض ربط المشاعر .. كل روحٍ في جَسَدْها=والا ماينشاد برج المملكه في خنشليله
الغياب اللي سِجَدْ في وجه الأصنام وعَبَدْها=عاد مافالقلب صبر .. وعاد مافاليدّ حيله
أروقات المنتدى بالحب جرّتني بِيَدها=مثل ماطيفه لَعَب فيني وصفحاته ثقيله
والعنود الريم ذيك اللي لها قصرٍ وَحَدْها=الدلع في عينها سِرّ الجمال.. وبنت أصيله
إنتم الأبيات .. وإنتم ريحها .. وإنتم وَرَدْها=يامواليف الزيادي كل يوم وكل ليله
**

رووووووووووووعه ورباااع تستاااهل

كلمااات جمييلعه ووصف اكتر من راااائع
صح لسااانكك على هدا الابدااع
ودمت ودااامت شعريتكك أخووي المبدع
لك مني كل الود

المبدع.. هكذا الشعر ولا فلا..
صح لسااانك لين ترضا.
مهما قلت مارح اوفيك حقك ..
دمت للشعر ياشاعر الابداع .اسم على مسمى .
تقبل مروري المتواضع ياشديق

المبدع.. هكذا الشعر ولا فلا..
صح لسااانك لين ترضا صح صح
مهما قلت مارح اوفيك حقك في هذا الابداع
دمت للشعر ياشاعر الابداع .اسم على مسمى .
تقبل مروري المتواضع
اخوك ابو رائد

اكتفي بقولة صح الله لسانك

الله الله .. صح لسانك لين ترضى

المبدع كفيت ووفيت ورباع الصعب يستاهلون الخير

ولا زلت أقول الله يعينك على قلبك ويعينه عليك ..


تقبل مروري

صح لسانك يالزيادي المبدع
ابيات رائعه ورباع تستاهل وبيض الله وجهك

كفيت ووفيت ورباع ان شاء الله على خيردائم
مبدع على اسمك تقبل مروري

اقتباس : المشاركة الأصلية كتبت بواسطة اميرة الاحساس [ مشاهدة المشاركة ]

رووووووووووووعه ورباااع تستاااهل كلمااات جمييلعه ووصف اكتر من راااائع صح لسااانكك على هدا الابدااع ودمت ودااامت شعريتكك أخووي المبدع لك مني كل الود

صح بدنك أميرتنا الغاليه ....

الروعه تتجلى في مرورك العطر ....

ألف شكر والله يعطيك العافيه .......

يعطيك العافيه .................... المبدع