فالـك النصـر . والخـذلان والــذّل يبـقـى فالـنـا !

اللهم انصر أهلنا في غزة و ثبت أقدامهم و فرج كربتهم

وقوّي عزائمهم

و إنا لله و إنا إليه راجعون

قصيده مدادها الحزن والأسى على مصاب أخواننا في غزّه

شرّفني بالرد عليها

الشاعر الكبير

بن سعدي

الـــــبـــــدع / الــصــهــيــبـــي=
عشـرة أيـام والعـالـم تراقـبـك يـاغـزّة رقــاب=
مـرّت ماكنّهـا إلا جفـن غمّـض وردّ علـى حجابـه=
والحقيقـة إنهـا مـرّت علينـا دبـور(ن) فـي دبــور=
كـلّ قمّـة ويتـصـدّر ملـفـك مضامـيـن القضـايـا=
والحصيلة جفـاف أقـلام وأوراق يغشاهـا الـف جـور=
وأثر حكم العرب يا ( غزّة النصر ) عن نصـرك تبـرّى=
وأعلن اليـاس حكّـام العـرب مـدري الهـون أعلنـوه=
يوم صوت الجهاد أُعلن وحازت ( حماس ) الصوت الأكبر=
جدولوهـا مـع الإرهــاب والعصـبـه المتطرفـيـن=
واستدارت عليها ( فتح ) بامرت يهـود البيـت الأبيـض=
لين صارت حكومـه ضـدّ حكّـام . هالـه ضـدّ هـول=
وانحشـد دون صـورك قـوّة(ن) غاشمـه ومـداد قـوّه=
طايـرات ومدافـع مانـرى غيـر شيـطـان الرجـيـم=
وانتـي لازال نبضـك حـسّ الآذان وشهيـد البصايـر=
فالـك النصـر . والخـذلان والــذّل يبـقـى فالـنـا=
الرد / بن سعدي=
دون الاسلام ياكم دار حرب(ن) وكم راحت رقاب=
يوم كان المجاهد يرقب النصر ساعة لاح جابه=
ولا تجي رايـة الاسـلام من يد قايد فيد بور=
كانوا يحمونها بارواحهم ثم بسيوفن قضايا=
وانتشر عدلهم في ديرة(ن)كان يغشاها الفجور=
غير ذاليوم الى جيت اكتب النون ما حد يكتب الراء=
كل هم العـرب هذا دعايات واعـلان اعلـنوه=
لو تفج المدن بالصوت وإلا يفج الصوت لك بر=
مابياجيك ناس(ن) تطلب الموت .له متطرفين=
واليهود اصبحوا قاده على اليابسه والبحر الابيض=
علمهم في الفضاء واحنا حدتنا الجهاله ضد هول=
والقلم صار سيفا بارعا والحـبر مداد قـوه=
لو نطقنا (جهاد) اصبح لنا الدال سم والمر جيم=
قال لو كان ترفعنا الخطابات وتفيد البصاير=
كان ما شفت هذا الغرب يقدم ويتـقافى لنا=

ودام الجميع في رعاية الله

أخوكم

الصهيبي

صحت الالسن ملاييين بدع ورد في منتهى الروعه والجزاله

اللهم انصر الاسلام والمسلمين وفك حصار اخوانا في غزه

شاكر لكم هذا الابداع والله يعطيكم العافية

الله الله ياهذا الابداع الغير مستغرب من شاعر بحجم الصهيبي
ورد رائع ومتقن لا يقل عن جودة البدع من الشاعر بن سعدي
قصيده محكومه ورائعه في البدع والرد صحت السنتكم ياشعار

الأخوه الأعزاء

عبدالله الشغيبي . . . بن سلمان . . . علي السبيه

أشكر لكم حسن مروركم وطيب كلامكم

وترانا مانجي الا من بعدك يابو طلال يامدرسة الشعر ويامعلم الأجيال

تقبل تحياتي الخاصه

لاخلا ولا عدم

أخوكم

الصهيبي

شعراء كبار بكل معنى الكلمة
الصهيبي مدرسة عالمية للابداع
صحت السنتكم وابدانكم يا المطاليق
نسال الله العلي القدير ان يفرج كربهم ويرسل لهم قوة من عنده

اسال الله ان يفرج كرب اخواننا في غزه وفي غيرها من بلاد المسلمين
الصهيبي,,,,الحقيقه استمتعت كغيري بهذه الدرر المنثوره من خلال هذه الصفحه لك مني كل التقدير والاحترام,,
ابن سعدي ,,,ابياتك لاتقل جمالا عن ابيات الصهيبي ,الله يبيض وجيهكم

صح لسانك

تقبل مروري واحترامي

المشاركة الأصلية كتبت بواسطة صقر الجنوب

شعراء كبار بكل معنى الكلمة
الصهيبي مدرسة عالمية للابداع
صحت السنتكم وابدانكم يا المطاليق
نسال الله العلي القدير ان يفرج كربهم ويرسل لهم قوة من عنده

الله لا يخلينا منك ياقصر الجود

وعسانا مانعدمك يابو احمد ياحافظ الموروث ويامشجع الشعراء والهواه

لن ننسا جمايلك يابو احمد مهما طال بنا الزمان

ومن تألق الى تألق

أخوك

الصهيبي

المشاركة الأصلية كتبت بواسطة ابو تركي المفضلي

اسال الله ان يفرج كرب اخواننا في غزه وفي غيرها من بلاد المسلمين
الصهيبي,,,,الحقيقه استمتعت كغيري بهذه الدرر المنثوره من خلال هذه الصفحه لك مني كل التقدير والاحترام,,
ابن سعدي ,,,ابياتك لاتقل جمالا عن ابيات الصهيبي ,الله يبيض وجيهكم

ووجهك ابيض يابو تركي

شهاده أعتز فيها من شاعر بحجمك

لاخلا ولاعدم

أخوك

الصهيبي