المهرة

البارحه شوقي مع الروح رحال=الحب قوته والتفاني رحاله
يم الديار الي لهاالقلب ميال=يرسم له احلامه وينسج خياله
اسري مع الهاجوس واجر موال=متى بعد يحصل لقلبي مناله
كلٍ يقول الهمس متريح البال= مايدري ان الهمس مشغول باله
المهرة الي ما تثمن بالاموال=ولا تجي للي يباهي بماله
متنعمه بالخير ما تشكي الحال=الخير بيديها يتم اكتماله
الزين بين الرمش والرمش يختال=والبدر ياخذ من سناها جماله
ما تقبل الا من له الجود ينطال=الي المراجل والمكارم تطاله
الفارس الي بالمواقف له افعال=الي الفوارس تنتفض من خياله
وانا سليل العز للسيف شيال=تعشق سنا سيفي وتعشق دلاله
ما تقبل المولود من نسل الانذال=والا الجبان الي مضيع عياله
كم واحدٍ يحسب بالاقوال الابطال=امسى بطل واليوم يرثى لحاله
ماكل من يمشي مع الخيل خيال=ولا كل من بالبر بَهر دلاله

ماكل من يمشي مع الخيل خيال
ولا كل من بالبـر بَهـر دلالـه
...............................

عزالله لصدقت وصح لسانك ملايين
قصيده رائعه وكل بيت احسن من الثاني

جعـلك سالم اخي

تقبل مروري

... مصافحه اولىتصفيق
صح لسانك واعتلا شانك
لاهان منطوقك
ابدعت بالقصيده وامتعت ..
تسلم يمناك ويعطيك ا لف العاافيه
احترااااااااامي ...

كلٍ يقول الهمس متريـح البـال
مايدري ان الهمس مشغول بالـه

الهمس هو الهمس ذلك المبدع الرائع الذي نشهد باستاذيته في الشعر

صح لسانك ياشاعر

صح لسانك
لاهنت
ونتريا يديدك

انت الفارس الذي يستحق المهرة

ابد لا ينشغل بالك مالها الا نت

تقبل مروري واحترامي العظيم لشخصك الكريم

صح لسانك ملايين أبدعت وأمتعت
كلام جميل وشعور رائع
تقبل مروري
ولك التحيه