ســبورة المجانــين و الاستاذ عين الجمل

ثقلنا عليكم بالمشاكل
خلونا نسمع نشيد السبورة

ســــبورتي طبشورتي
ثنتين في قلبي سوا

وإلا الحقيقــة مو سوا
لكن من زود الغـلا

ســبورتي سبورتي
سـوداء في عيني ضـياء

طبشـورتي طبشورتي
بيضــاء في جيبي دواء

والباقي بعدين ..أحفظوا هذي لين نجيب ونجمع لكم الباقي

عين الجمل
على طاري لبس البنات والبنات المسترجلات
يعني الجنس الثالث من الطرفين
( جنس ثالت انثى مسترجلة ورجل ايش اقول .... ؟ ) المهم انكم عرفتوها والله الواحد يستحي يقولها
الله المستعااان
في عندنا ملاهي مخصص له يوم نسائي
اختكم في الله تضطر تروح هناك عشان بنتها .. انا لو علي جلسة على البحر وشاي وقهوة وفصفص
هم طالعين بفصفص الغروي مدري ايش الفرق اوووف
المهم من يوم ادخل البوابة تستقبلني مسئولة الأمن وتفتيش على بالها رجاال ســــنه
هذا من حقهم بالعكس اؤيد على هذا الشئ
لكن لما تشوف البنات شوف العجب العجاب .. تلاقي بنات طبعا كل وحدة وتختار شريكة حياتها
اقصد صاحبتها تكون وحدة ماشية ومعاها خويتها ما تقول بنت تقول ولد من لبس بنطلون طيحني
وبلوزة اولاد واساور وسلاسل والشعر كدش ههههههههه شئ يضحك
طيب انا لما اشوف زي كذا ايش اللي يضمني ان هذي بنت ماهي ولداوووف
خليني ساكتة يا عين الجمل
وتشوف البنات لبسهن تقول في قاعة فرح ايش من مكياج وموديلات تقشعر منه البدن
ولا الدخان والمعسلات
طبعا محسوبتكم ما تقعد في مكان وخلاص .. تلاقيني اطوف في الملاهي اتفرج على اشياء توجع القلب
تلاقي بنات صغيرات في السن قاعدات على اسوار الملاهي يدخن
ولا اللي في الجلسات الخاصة يعسلن
ولا ولا ولا ...
آآآه يا دنيا العجايب
بس ابغى اعرف شئ واااااااااااااااااحد
كيف تخرج البنت من عند امها بهذا اللبس وما تعرف مع مين رايحة ولا مع مين راح تجلس
شئ يووووووجع القلب
اللهم استر على بناتنا وبنات المسلمين
واحفظهن من كل سوء وجنبهن اولاد وبنات الحرام
برحمتك يا ارحم الراحمين

قصدك بالكدش مثل هؤلاء الشباب اللي يقلدون الكدش في احدى المسرحيات

كعشتي يا كعشتي وشبك اليـوم نـافرررة
حالف إني لغسلك جوف طشت(ن) له طشيش

وقملتي يا قملتي ... أعقـبي يا شـاردة
عودي لا تشردي في فيـــاضك فرفشي

في محاز الصيد تخسا عيون ابواردي
اسكني ثم أحبلي ثم جيبي لك عوال

وطلعي الصّيِبان تمرح على روس الكدش

ـــــــــــــــــــ
الصيبان : صغار القمل
طشت : صحن كبير للغسيل

العلم الاخضر

المقطع الثاني من نشيد السبورة

ســبورتي طبشـورتي
ما شي كماها في البــلد

من عندها كلٍ نتج
واللي خرج و اللي درج

واللي قعد تحت الدرج
واللي هرج و اللي مرج

والطالب المضبوط يكتب واجبه

واللي عجز ياقف على رجل(ن) ويرفع ثانية

وجه على جدرٍ ولوح(ن) في جـدر

والمقطع الثالث قريب ... بس عليكم بالحفظ

العلم الاخضر

السلام عليكم ورحمة الله وبركاته

وصبّحكم الله بكل خير

ياسلام عليك ياعين الجمل (وليتك تعلمنا عن إسم الولد الله يحفظه علشان ندعيك بأبو فلان ..)...

الحقيقه أعجبني جداً هذا الموضوع الرائع والذي سيصبح متنفس جميل للجميع هنا وأعجبني ما قرأت من سوالف الله يعطيكم العافيه ولذلك تدخلت في عمل الإداره ووضعت تثبيت للموضوع ولك أخي عين الجمل أجمل تقييم من عندي وتستاهل أكثر ولي عوده إن شاء الله بعد أن ننتهي من سالفة الإختبارات وأرجوا منكم الدعاء لأبنائي بالتوفيق ...

******

وعلى طاري الإختبارات :كم يسيئني جداً الأعمال التي يقوم بها بعض الطلاب بعد الإختبارت من تمزيق للكتب وتفحيط بالسيارات والإعتداء على أصحاب المحلات التجاريه بالالفاظ النابيه والإزعاج وغيرها وهذه الظاهره أصبحت في جميع مناطق المملكه ...

وسألت أخ مصري في صيدليه عندنا عن هذه الظاهره فذكر لي أنها موجوده أيضاً عندهم وبصور مختلفه يعني حسب البيئه التي يعيشون بها ...

وبعد أن أشتكى لي من بعض أولاد الحي هداهم الله (وهم طلاب في المتوسطه تعرضوا له بالسب عندما نصحهم ونبههم إلى آداء الصلاه وترك اللعب ) ..وكان غضباناً جداً وكأنه يتمنى الإنتقام منهم والحمدلله أنني أستطعت أن أذكره بالله تعالى وعدم الغضب والصبر على الأذى والنصح لهم والدعاء لهم بالهدايه والحقيقه لأن إيدي في ماء بارد والاّ لو كنت مكانه ما بقّيت منهم واحد في الحاره ...هههههه

الله يعيذنا من الفتن ما ظهر منها وما بطن ويهدي أولادنا وأولاد المسلمين ...والحمد لله رب العالمين.

تحياتي ياذيبان ....وإلى أن نلتقي في سالفه أخرى وتراني أترقب تكملة سبورتي ياسبورتي ..( قرأتها لأحد أبنائي وهو أصغرهم وإسمه إبراهيم ولم يتمالك نفسه من الضحك ...)..تحيــــــــــــــــة

أخونا الكريم / عاشق المها

الله يوفق كل الطلاب وكل الأبناء في دراستهم وكافة امورهم
ويجعل الفلاح والتوفيق حليف ابناؤك ، ويفرح قلبك بنجاحهم وتفوقهم

مع الأيام تتكشف لي معادن الأعضاء والرجال
في هذا المنتدى ... فأخوتكم تاج وغراز على رأس أخوكم ابوفايز

،،،،،

أحسنت وبيض الله وجهك يا رجل في تثبيت السبورة
كنا نعاني معانة في البحث عنها وتعليقها على ام جدار

هالحين صارت ام سمبورة مثبته ومعلقة ... بس يبدو لي

انكم أخطيتم

خطأ بسيط

ولا زال في الأمر متسع

وهو انكم رفعتم السبورة واجد

يعني مدري كيف نسوي ذالحين ،

ايها الأعضاء عليكم بالمرافيع من طابوق او .... أو سلالم
لكي تواصلون معنا رحلة الجــنوووون

هههههههههه

اما معاناة الأباء والأمهات مع الأبناء الطلاب طوال السنة ومع الأختبارات فهذي سالفة

طويلة عريضة ... ونسأل الله لنا ولهم الخير و البر و الرضا

تصدق أن والدي حفظه الله لم يحضر الى المدارس التي درست بها سوى مرة واحدة
عندما سجلني في صف الأول
وبعدها مشت المراكب ومثلي مثل باقي جيلي

مو هالحين مجلس اباء و مجلس امهات وباصات وسواقين ورسائل على الجوال
واللي يوصلهم الصباح و اللي كل شهر وهو عند البنك يصرف ريالات .

وعند النجاح جوائز مشروطة اللي جوال واللي لاب توب هذولي حقين الإبتدائي

،

سلم لي على الشيخ ابراهيم سلام كثير ... والله يحفظه

المقطع الثالث من النشيد الوطني في سبورتنا

سبورتي طبشورتي
منها تعلمنا الحـــــــروف

وارسم قرون(ن) للخروف
وأقلطـه عند الضــيوف

وارسم مراوة والهفوف
وارفع معاريض الظروف

سبورتي سبورتي

والبحــر حدانه سيوف
والبنت تنقش بالكفوف

حُــنا على شكل الحروف
كفٌ يصفق بالدفـــوف

بين الغطارف والصفوف
سبورتي طبشورتي

والمقطع الأخير لن يبطي عليكم ... السااااعه

وفي غفلة التعليم نرمي بعضنا
بكسرة الطبشور وإلا الماسحة
واحد على خشمه والاخر في قفاه
يقولها عين الجمل من جمجمـه
في حصة التعبير و المخ رجرجه
اضحك وهيص ياجـدع
هيا بنا يا أخوتي ... يا أخوتي في غزلتي
نكتب على سبورتي
سبورتي سبورتي
جملة مفيدة بالدسـم و اللي قراها يحتسب
و اللي تعب يأخذ نسم
ومن بعدها يحلف قسم ،انه يحارب بالحـسام
قصدي طباشير وفحم
في معركة ومداوســة
ويلبس ثياب(ن) للجنــون
عشان نسلم مالظنـون
ومسكت أجنود المرور
سبورتي طبشورتي
هذا ختاام انشـودتي

ـــــــــــــــــــــــ
ــــــــــــــ

باقي أخضــر .... ؟؟!



كنه قام يصفري ... بس زلق ... وانخلع الحافر !!!




يحبك للفزعة يا ملك اسبانيا ... أكيد فيه عرق عربي !!




ولكن الفحل كان أســرع ... > لتقريب حذيان سندرلا الصفراء


خلاصة الكلام

مدري وش نهاية هذا التزحلق السياسي والعائلي والزحلطة

متى تأخذ الفواكة طبيعتها والوانها الحقيقة

إحياناً الفقر ستر وحشمة

والمال والجاه والسلطة فضائح و سلتحة باسم النظام ، وخروج من الغلاف الطبيعي و الشرعي

ههههه لله درك أستاذي العزيز فعلاً أناشيد رائعه
وتستاهل سبورتنا كل هذا المدح والثناء....لافض فوك
وسلمت يمينك أخي الفاضل على ما خطة يمينك هنا فلك مني تحية إعجاب
وتقدير ومحبه وبانتظار المزيد من الشخابيط التي نحبها
لك صافي الود
آمير الكونــ