اللبيدي وينك يا قحم

طيب يالبيدي طيب

ياللبيدي انا اشهد انك رصيد وراس مـــــــــــــال
انت عندي مثل نورآ طلع وقت الصبــــــــــــــــاح
ما بتاجي المنقده ان شاء الله في علمي وعلمـك
كلآ يعرف وش كتب في هوامش دفتـــــــــــــــــره

صح لسانك ياخيه

الرد من اللبيدي=

.=
اللي جنبه مثلكم مايقول الراس مال=
يعتزي باهل البلاجيك في وقت الصباح=
وابتبقى شيماتنا تنصب أعلامي وعلمك=
لزمتها أيد الثقة ماتقع فيد فتره=

كلام يالبيدي كلام بيض الله وجهك
القصايد ماهي افكار من راس الخيــــــــال
وانا مثل الشهر ذاك اللذي عالبيد ضـــــاح
نوره بيوضح لك اللي درج وان مر جنبـك
والعنب خذنا العناقيد من هيبايــــــــــــره

الله الله صح لسانك ياخيه

الرد من اللبيدي=

.=
ماربح من جاوب الوهم ويراسل خيال=
وإلا من وده يسوق المزارع من نضاح=
وانت لوما تعرف اللي رماك ومن رجم بك=
أصبر لا تطرد سرابٌ بحيله بايره=

يالبيدي نعرف اللي حرامآ والحـــــلال
هرجتك احد مالسيف واقوى مالرماح
لاتصاليني بنارك ولاحتات جمــــــــرك
وانا كفي ينتوش تمر وابلا ح أنــــــــدره

الحقيقه القصايد ما تمل معك يابو محمد وانت ونعم من غير القصايد ولاكن مدري تبينا نواصل ولا نوقف وانت المخير

ونعم بحالك يابو يزن وانا فدى وجهك واللي يرضيك أنا حاضر وانت قايد المسيرة والأمر بيدك

الرد من اللبيدي=

.=
ما نتعب يابو يزن غير من خس الحلال=
اللي عاشت بالصحاري وتظهر من رماح=
أهلها مروا بها عالحدود ولا تجمرك=
وإن تلمحنا لها قالوا بلا حندره=

بلا حندره ...بلا حندره

الله الله ياذا الشيبان ...علوم ٍ تهوّل .

صحّت ألسنتكم وعلا شانكم على هذه المحاوره الرايقه والراقيه ....

إذا بتواصلون فنحن متابعين ومستمتعين وإذا أنهيتموها فالله يجمّل حالكم كفّيتم ووفّيتم...

يالبيدي انته غزله ما تعابش لاكن وشعاد اعمل معك الله يبيض وجهك واتمنى يكون ان مرتاح لبدوعي معك

ليت راعي السبحه كب اللقافه والغــــــــــــــــــــــــزال
ما قتلنا الجوع ناكل من البوح المبــــــــــــــــــــــــــاح
مد كفانك لهبر العنب والا انتوشــــــــــــــــــــــــــــــلك
والرميه في كل عنقود تصبح طايـــــــــــــــــــــــــــــره

صح لسانك يابو يزن بالعكس والله إني صداق وعلى نيتيه وأكثر شي يهمني إني أرضي اللي ونعم شرواك

وبدوعك تجمل على وجهك وإن حصل قصور فهو برديه وحتى أكون صادق معك والله إنك من أفضل الذي تحاورت معهم وهم ينعدون على الأصابع وأبد أبن على أيدي فوق صميد سواءاً في هذي وإلا في غيرها

الرد من اللبيدي=

.=
حلمت إني صرت رماي وأصيد الغزال=
لكن لمّا قمت مالنوم ذاك الحلم باح=
واقنعني راعي القنص ساع ما قال انت وش بك=
وأحلامٌ بعد المنامات تصبح طايرة=

يا بو محمد الله يجمل حالك والحقيقه اني تشرفت معك في هذه القارعه
وتعلمت منكم الكثير الله يطول بعمرك ولنا لقاء اخر يا رفيقي
تقبل تحياتي