محاورة

المشاركة الأصلية كتبت بواسطة "ابو شهد"

صقر الجنوب

هنيئا لمنتديات انت هرمها

تقبل تقديري واحترامي


ابو شهد

كلامك يابو شهد وسام على صدري وتاج على راسي تعيش وتدوم

والضن يخطي ياصقر والصاحب اللي احنا معاه
ماهو بذاك اللي مـن اول زارنـا قـدام حيـن

صدقت يالذيب وكلامك في محله صح لسانك ولسان ابو شهد

الغايب الحاضر ترى ماضنتي تلقا كماه=قس البحر قدام تغطس وانشد اللي سابحين
من يخطفه موج البحر لاعاد ترجي له نجاه=يسجّله خفر السواحل في سجل الفاقدين

المشاركة الأصلية كتبت بواسطة سعيد بن خضران

مبدعين ورائعين

لا تحرمونا الإبداع ,, نحن متابعين لكم ومستمتعين

لكم وافر المحبة والتقدير

.................................................. ......................
مرحبا مليون ياشيخ سعيد شرفت الصفحه بمرورك الكريم

المشاركة الأصلية كتبت بواسطة صقر الجنوب

والضن يخطي ياصقر والصاحب اللي احنا معاه
ماهو بذاك اللي مـن اول زارنـا قـدام حيـن

صدقت يالذيب وكلامك في محله صح لسانك ولسان ابو شهد

.................................................. .............................................
تسلم ياابواحمد وانا لي سهمه في هذا المنتدى مااطيح الا بين شعار دواهي
وابوشهد واحد منهم لكن فرصه اني اتعلم واستفيد من قصايدي معهم

صقر الجنوب
" تحياتي وتقديري"
ابو طلال
ما عنك بزود ويشهد الله اني فخور بمجارتك وما الهدف الا الاستفاده لا اقل ولا اكثر وكلنا مكملين لبعض ولايهون الجميع .
ابو شهد

الغايب الحاضر بحر والحاضر الناضر مضاه= واللي قدر يعبر بحر يعبر بحور العابرين
ياصاحبي لد النظر حاضرك من يروي ضماه= اذا ضما يشرب بحرو(ن)ما شربها شاربين

ابو شهد

ياابوشهد وانت الذكي وجه الحجر يشبه قفاه=والظرس مايقوى على مظغ الحجر والعاردين
والله اني احنّك من العذّال والناس الهواه=لا ترفض الشور القدير ولا ترد الناصحين

ضرسي اذا شاف الجبل ياكلّه ويمشمش حصاه= في عصرنا الحاضر وفي وقت الجبلّه الاولين
والنصح ماني جاهله لكن تجاريب الحياه= تجبرني ارقا للسماء وان مت ذكر الذاكرين

ابو شهد

صحت السنتكم جميعا قصائدكم ابداع ونحن متابعين الله يقويكم