عندك ياابن الجنوب

اسمع وش اقول ياخيه...

*=
الرد:إبن الجنوب=
*=
ماشاقني صيد مايضوي ولا عنه نشّاد=
طبيعته يطرد الفايت ويرعى مع ذيب=
ساعه يسنّد جبل عالي وساعه مع ريف=
معيني اتعبك ياساقي على مال همّال=
وهو نصيب الطيور الحايمه والذيابه=

الله عليك ياشيخ

البدع:علي السبيه=
.=
بيت الكرم مااحسبه من بعد ينهد رهى زاد=
والجيش يرقب على الحدّان من ولع راقيب=
والدوله تصرف ولا تحسب كثير المصاريف=
وراعي الينّ لو ضلا مع الكل جمّال=
ما دار في سوقنا ينّه ولا صرفنا به=

معينـي اتعبـك ياساقـي علـى مــال هـمّـال

وهـو نصـيـب الطـيـور الحايـمـه والذيـابـه
انا في وجه الله

بالحرام يابن الجنوب انك منت بصاحي وان معك غزله جوف دماغك
علي الطلاق اني سمعت علوم هنيه انها ترفع الراس

علي السبيه انت نبدع في توجيه الابيات والداهيه ماهلا يقلع الله يسعدكم

الرد:إبن الجنوب=
*=
الى سمعنا جمال المعصره هدرها زاد=
ماهي مزايين نخبط روسها والعراقيب=
ماعد لنيبانها تحت الثقايل مصاريف=
والثلب وقته صدر ماهو فقة كل جمّال=
مارغّبت فيه هدراته ولا صرف نابه=

أشكر كل من تواجد معنا هنا ويالشامان الله يسعد قلبك مامعي غزله لكن ياخي اللي يمدّ لك بالبرّ المصفى يجبرك ترد له بالمثل .. تحياتي وتقديري للجميع...

انا لله انا لله
اثنينكم ما معي لكم متعو هههههههه
فجاره وغزله التفت وفقكم الله

المشاركة الأصلية كتبت بواسطة الشامان

معينـي اتعبـك ياساقـي علـى مــال هـمّـال

وهـو نصـيـب الطـيـور الحايـمـه والذيـابـه
انا في وجه الله

بالحرام يابن الجنوب انك منت بصاحي وان معك غزله جوف دماغك
علي الطلاق اني سمعت علوم هنيه انها ترفع الراس
علي السبيه انت نبدع في توجيه الابيات والداهيه ماهلا يقلع الله يسعدكم

حياك الله ياالشامان ومرحبا تراحيب الغلا شرفتنا بمرورك الكريم
وترى ابن الجنوب معه ثنتين واحده محليه والثانيه خارجيه

المشاركة الأصلية كتبت بواسطة شايب العشرين

انا لله انا لله

اثنينكم ما معي لكم متعو هههههههه

فجاره وغزله التفت وفقكم الله

الله يسلمك ويغليك ياابويزن ولكن يعني ايش (مامعي لكم متعو)
ونشكرك جزيل على تشريفك الغالي يااستاذي الكريم

(ما معي لكم متعو) تعني الرجال لجع لسانه من هول ما رأى وقرا خخخخخخخخخ

ابو طلاال
ابو سالم

صحت السنتكم ملايين انتم مدارس شعريه على ارقى المستويات

المشاركة الأصلية كتبت بواسطة نديم القوااافي

(ما معي لكم متعو) تعني الرجال لجع لسانه من هول ما رأى وقرا خخخخخخخخخ

ابو طلاال
ابو سالم

صحت السنتكم ملايين انتم مدارس شعريه على ارقى المستويات

والله انه جهازي لجغ لسانه غصبن تفتح الصفحات وصح بدنك ياابوسند
ونشكرك جزيل الشكر على كلامك الطيب وتشريفك الغالي

نستانف المحاوره ياابن الجنوب يااستاذ البدع والرد

البدع:علي السبيه=
.=
يااهل الكِبر مااعجزالله قوم تبّع ولا عاد=
راحو جنايز يكفّنها البكاء والمناديب=
سيلن عرم ضمّهم ماهو المزون المراهيف=
ارسل عليهم عذاب الويل ماكَلّ مرسال=
هيمن على وادي الكفّار والدّالجا به=