لك العز والهيبة يالشماغ الاحمر ولن نسمح للوافدين باهانتك

السلام عليكم ورحمة الله وبركاته

الاخ الموج :
شكرا على مرورك وابداء االرأي ووجهة نظرك

انا اتفق معاك في جوانب كثيره
الا نسان فعلا يشكل في لبسه احيانا من محنّه ( اقصد على شان يحافظ على ثيابه) او في الحر ما رايح يلبس شماغ احمر اوغتره بيضاء على طول او مقرع او قبعه عاديه او بناطيل بس بس تكون على حشمه

وانا اكثر لبسي هو البس الغتره البيضاء والمايله للصفراء او البضاء والتي عليها خط بني او اسود ليتناسق مع لون الثوب

فكان اختياري للعنوان والموضوع الشماغ الاحمر وخصيته هو بسبب انه هو الزي الرسمي والاساسي

وسبب تطرقي للموضوع هو ان كثير من الشباب واقصد عيال الكول وطيحني وبابا سمحني واسكيني هولاء هم الذين يكرهون ولا يعترفون بهذا الزي ويرفضونه ويصفون من يلبسه بالتخلف

وااعرضك على قولة الشخص ما يقاس بملابسه
واقول لو انت رحت لمخبز وليكن في الجنوب وانت لابس ثوب ومقرع والا بشماغ والا قبعه وسلمت على الموجودين ومسكت سرا وفي ناس تعرفهم وحاييتهم وش تكون النظره لك عادي ولا فيه شي زيك زيهم
بس فجأه جاك واحد ولابس جينز فضيحه ماهو من الجنوز العاديه وفلينه مطرزه ومحزقه ومعلق له ورى حبة بطيخ صيفي وراويه من الماء وهذا الشخص لفت انتباه الحاضرين وتمتموا بكلام واستفهامات وتعجب عالوجه قبل ما يوصل
وشوي لما اقترب طلعت تعرفه واكيد رايح يسلم عليك وعلومك واخبارك ........ اسالكم بالله في الحاله هذي ما تتصفصف وتحاول تقفي علشان ما يشوفك وتنحرج قدام الناس
لانه مايشرف الرجال حضوره ومعرفته .... صح والا لا

اما لاصار الواحد مطيح جنزه والله وانها معروضه للماره والا حزقها بجنز وغدت كما الحبحبه يدرجها .... في الحاله هذي والله انه يقاس بلبسه وحق مخده وطراحه

واللي بثوبه وعمامته ما لنا منه الا الظاهر والخافيات علمها عند الله حتى لو جاء يخطب ورحت تسال عنه وهو على خلق معروف بين ربعه بس برضوا الناس لها الظاهر




تبغونها من الاخير البس ماطاب لك بس لبس حشمه ولا تهمل زيك الرسمي

وشعاري السنه هذي احرزها وتسرول

أخوي شخص الزهراني : كلامك صحيح مية بالمية ولا فيه شك هو الصحيح ، لكن مشكلتي أفصل في المواضيع وأدخل في دقائق الأمور من جميع جوانبه ، والله ما أكذب عليك بعض الأحيان تدخل على موظف
وتلقاه بالشماغ الأحمر والزي الرسمي وتطلب منه مساعدة بسيطه في معاملة مثلا وتحصله ما يسوى بصله ولا ينفعك ولا يهش ولا ينش ، لكن كلامك صحيح لا يقاس الإنسان بلبسه ونقول إلا ما رحم الله تعالى
ليسوا كلهم (( وهذا لا يمنع كما قلت فإن العز والفخر والرفعة هو بالزي الرسمي السعودي الشماغ الأحمر وأنا معاك قلبا وقالبا وكلامك هو الصحيح )) والناس اللي تخرب على غيرها وتشوه هذا اللبس
المميز فئة قليلة ليسوا جميع ونقول إلا ما رحم الله والأكثرية منهم فيهم الخير والبركة والرفعة والسؤدد ونفتخر جميعا بالشماغ الأحمر فهو العلامة المميزة لأبناء الوطن المخلصين وعلامة من علامات الوفاء والإخلاص والشجاعة والفروسية عند كثير من المجتمعات ويعلم بها المجتمعات الأخرى وهي فعلا الشرف والفخر لنا جميعا ونعتز بذلك لاهنت أخوي شخص الزهراني .

احس انك رديت بانفعال

خلاص خلاص

تصدق انا انتظر طلتك لاني الاحظك دايم ترد على االاعضاء متاخر بزخات مطر ( ولما عرفت انك رديت علي جهزت سيج وفنجال شاهي واقرا ) لاني اضيع في بحور كلامك
الله يوفقك والى الامام

بالنسبه لشماغ لمايلبسوه البنقاليه والعمال ماالومهم بسبب واحد لان من الاساس مافى محافضه على الزي يعنى عندك بعض الدول الغرب او خلنا نقول نروح لهنود او البنقاليه بديرتهم ابصم بالعشره لو يجي واحد سعودي يلبس زيهم او العمامه حقتهم ويمسح فيهازجاج السياره بيمسحو فيه الارض ويمكن يمسحونه من الوجود لان عندهم اشياء يقدسونها من لبس وغيره عكسنا حنا كل من هب ودب لبس ولا عندنا وطنيه او احترم لزي الوطني زي دول الثاانيه من الغرب والعربيه...
بالنسبه للاجيال اتوقع مع مرور الزمن والعلم عند الله يكون شي تراثي من بقايا الجنادريه لان بعض الشباب الله يهديهم طارو فى العجه من جنز وقصات وغيره وتطويل الشعر اتذكر بااحدى المولات شفت ثلاث شباب واقفين جنب بعض لا لبس ولا شكل ولا شعر ولا غيره ومن غير الاكسورات ولب قلوس اشكالهم مره تحزن واحد فيهم يجرب حزام على خصره الثااني يقوله واااااااااو روعه مره حلو خلاص اذ مااخذته انا باخذه بياكل منك حته!! وقتها كان نفسي اصك كف وبطلع انا الولد وهو البنت!!! مره مايعين وكله تقليد اعمى لبعض ومااننسى التربيه والام والاب لهم دور كبير والاب بالذاات لو ربى ولده على المرجله كان عرف
حلو التغير مره تي شيرت ومره جنز ومره كذا بس الاساس الثوب والشماغ غير انه زي وطنى بس بجد حلو ورزه لو اجيب واحد من المدلعين والبسه ثوب وشماغ بيطلع شخص ثااني تحس انه رجال مو بنت
وبصرااحه انا يعجبنى الي يلبس شماغ اكثر من الجينز بكثير واذا كان مملوح وه بس يتكمل الكشخه هههه

يسلموووو على موضوعك وطرحك الراائع
يعطيك الف عاااااااااافيه
باانتظار جديدك

دمت بخير .........//

الاخ شخص تسلم على هالطرح الجميل صحيح كلنا نكشخ بس زي كشخاتك ياشخص ماشفت ياخي انت شكلك تغريها بغرى على عد ماتهابد براسك ماتتغير الكشخه والاعلشان انك تعرف تكشخ نزلت هذا الموضوع حركات مكشوفه ترى حتى احنا نعرف نكشخ



والله لن عشت ياراسي كسيتك عمامه
واما لومت ياراسي وش الفايده

السلام عليكم ورحمة الله وبركاته

همسة شوق : مداخلتك تحوي جوانب اخرى تضفي بمعلوات جديده .... شكرا للك
بس بالنسبه للابناء التي تصدر منهم هذه الحركات مانقول ليت الاب والام ماتو لانهم لم يحسنو التربيه
والسعوديين خاصه والخليجيين ماعندنا وطنيه نكره عاداتنا وتقاليدنا ووطنيتنا ونحب التقليد وكل ما ياتي من برا منهم من يعجب بشخصيات كفار ويبدا يقلدها يتبعهم في الماكل والمشرب واللبس حتى في المخاطبه بالكلام في كل خمس كلمات عربيه يسقط كلمه انقليزيه
قد الواحد معوره ويزيد يعور بعمره

اما ماذكرتي باخر سطر .... لو دريت حطيت صورتي مع الموضوع ....

تحياتي للجميع

السلام عليكم ورحمة الله وبركاته

يافهد ذكرتني بطالب كان يلعب مع الطلاب في فناء المدرسه ويسعى ويهابد والعماه ماتحترك من فوق راسه وماتشوف الا اطرافها ترفرف اذا جاك يسعى
طبا استغرب مدرس من عمامته ماتطيح قال وادعيه والمح والا وانه مدبسه في القبعه وراسه مصلع وتذكر قبعت زمان تمسك على الراس ماتغدي وفوقها مصلع عالصفر يعني اذا جاء يحطها في البيت لازم امه تسحبه من رجله وابوه يمسك ويشد في القبعه لين يحتطونها

ياكم خلق رب الفلق من قبيح ومن حسن
ما كان لي في منطقتنا مثيل ولا شبه
لكن في حدب المرايا تغير منظري

إن عشت يا راسي كسيتك عمامة
وان مت يا راسي فدتك العمايم

صح لسانك ولا فيه أحد يتخلى عن العمايم
مهما كان لكن لكل مقام مقال .

الله الله الله فهمناها ترى وحنا نفهمها قبل ماتطير لكن ابشر على يدك

سلمت ع الطرح الرائع

لـ أرق التحاياً ـك