بالحرام انك خسرتي واحد متربي ....

أتمنى أن تنال ولو جزء بسيط من ذائقتكم الشعرية

يالهنوف اللي من أول ساكنه في قلبي=
وأمتلكتيني بحسن أخلاقك المزعومه
وأحتويتي عطف قلبي وأمتلكتي حبي=
لين صار القلب عبد للشقا وهمومه
كنت أشمك كل ماهب النسيم الغربي=
وأتخيل صورتك بين الفضا وغيومه
وأن سمعت إسمك أخالج وأعرقي ينصبي=
كنهم يطرون موتة خافقي وإحلومه
يشهد الله ياغرام فيك ما ينسبي =
وأشهد إن الحب مع غيرك يجيب السومه
يالجنون اللي على مايشتهي يلعب بي=
كم شحذ صدق المشاعر كفك المضمومة
وكم تمنيت وتمنيت إن تكوني جنبي=
لحظة الفرحة ووقت الساعة المشؤومة
للأسف ياأجمل محطة للهوى في دربي=
ماقتل حلمي سوى طعناتك المسمومة
إنتي العشق،المواجع،والجروح وطبي=
وإنتي النار التي في داخلي مضرومه
ماطفاها زمهرير الوقت طيب وغصبي=
جورها هم إبن عيظه وأحرمه من نومه
ليتني ياجرحي الطاهر عرفت آغبي=
صدق قلب لانطق باسمك تضيع علومه
إحتواك بكل عطفه بين بعد وقربي =
لين صرتي بأقرب أحبابه وألد خصومه
بالحرام إنك خسرتي واحد متربي=
عن محبة ناس غيرك كان يعقد صومه
يالهنوف اللي من أول ساكنة في قلبي=
سامحك ربي على طعناتك المسمومة

وسلامتكم

،،،،،،،،،،،،،، والموعد وهم ،،،،،،،،،،،،،،،،،