دعوه لكل الشعار

المشاركة الأصلية كتبت بواسطة ابو صالح

خلووووووووووووها

يقولو حمرة الكتشب تسلي خاطر الشبان=ولو شافو صقر قالو دجاجه واب نربيها
ومن يقنص برمح اجرد قنصنا انحن على النيشان=وصيدتنا ولو هي طايره بالجو نذكيها

.................................................. .................................................. ...................

ترى النقّاد ياابن الناس تلقاهم ورى الشفيان=عساك اتوضّح الهرجه لنا ويبان مافيها
انا ماني غشيم افهم واضنك شاعرً فهمان=وغيبات الصدور الله يعلم عن خوافيها

اسمع ياشيخ
خلللللووووووووها

انا ماضن جا زحمه تعيبك يالجمل سمحان=وكل السالفه حمله وانا اضنك توديها
وانا وانته على القمه ونرقب سرحة الرعيان=واذا شفنا خطا الراعي نقوله لا تسويها

هبك صحت السنتكم جميعاااااااااااا

ومحااووووره راااااااااائعه والله يوفقكم يالربع

اخوكم / ناقع الزير

خلووووووووووووها

انا ودي بطيب الخاطر اللي يجلي الهمّان=ونسبح في بحور الشعر والخطّر نصفّيها
ومن صوبي ومن صوبك بيوت الشعر ماتنهان=نخطّي المخطيه واللي على المعنى نقدّيها

قبل بدع المثايل والحكم والشعر والأوزان
سلامي يالرجال اللي تجمل من يخاويها
مادام الشعر لوحه وابدعتها ريشة الفنان
وجب نوقف ونتعلم من اللوحه وراعيها

يقول ابو طلال

انا ودي بطيب الخاطر اللـي يجلـي الهمّـان=ونسبح في بحور الشعـر والخطّـر نصفّيهـا
ومن صوبي ومن صوبك بيوت الشعر ماتنهان=نخطّي المخطيه واللي على المعنـى نقدّيهـا

حيلو عنها اسمع اسمع

انا قلبي بحر يبلع سفن ماهو كما الغدران=وانا خابرك بحر(ن) تغرق امواجه سواعيها
واشوف ان القوارب جنبت عن موقع الطوفان=تخاف ان البحور الهايجه تغضب وتفنيها

على صوت الطرب قلبي غدا يمشي وهو طربان=وروحي زفت ابياتي لمن يعرف معانيها
حبيبٍ عاش في روحي واشوف العمر في نقصان=واشوف الساعه تتسابق مع سرعة ثوانيها

الله يجمل حالك يابو طلال وبيض الله وجهك والحقيقه هذي اول مره
اجاري فيها اي واحد في القلطه هنا في رباع حيث كانت محاوراتي في القلطه
خارج رباع وفي عدة منتديات مجاوره وتشرفت عندما كانت هذه المجاراه معك
بدون قصور في كل الاخوان الذين هم محل تقديري وعلى راسي.
واسمح لي بمغادرة المتصفح لانشغالي بعظ الشي بامور قد تاخرني وربما
تشتتني قليلاً . واسمحني اذا صار مني شي يضايقك تراك تاج على راس ابو صالح

واسمح لي عند تفرغي نسخ مادار بيني وبينك في متصفح مستقل

وفي امان الكريم.

خلوها

:::::::::::::::::::::::::::::::=:::::::::::::::::::::::::::::::::
:::::::::::::::::::::::::::::::=:::::::::::::::::::::::::::::::::

صح لساني وبياني وعلى شاني

تشرفت بمجاراتك في هذه الصفحه ياابوصالح واشكر كل
من شارك معنا من الشعار وكل من شرفنا بمروره الكريم