شاركونــا بالمحاورة الشعرية ... وحيااااااكم الله !!

لو يبعد الطير السوامى ظـــنتي ماله نضــــير

وشوف بلادن على الاوقـــاف شـــغله شيغلي

وش حيلة التاجر اذا رخص سبع واغلا ثمان

يداب الاسود لا تــــقرب من يديــــه وانت ســـم

علمك ترى زان القــــصايد ثم علمي زانــــــها

البدع

ياشاعرالمعنى انت شاعر والشعر بحره غزير=
وانحن درينا ان البحر ماينزفونه باالدلي=
وغيرنا ماالخوف دور في البحر والبر لمان=
والزاير اللي قال جمله واحده كنه ندم=
منحت له فرصه ولكنه رفض منحينها=

المشاركة الأصلية كتبت بواسطة علي السبيَه

تسلم ياابواحمد ولكن وين صاحبنا الهمس ماعد مر علي الصفحه

والله ما ادري يابو طلال وانا ادور له وننتظر تحليقه في اي وقت

الله اكبر ياشاعر
ما اروع البيت

علمك ترى زان القــــصايد ثم علمي زانــــــها

وانت صادق يابو طلال

ياشاعرالمعنى انت شاعر والشعر بحره غزير

وانحن درينا ان البحر ماينزفونـه باالدلـي

الــــــــــــرد /

آخـاف بــأن الـغـايـب الحاضر تشوق نقـع زيــر

يـا لـهـمـس لا لا تدرق للقاف بالـسّــاع أبــدلـي

لـومـا نـعــزك ما زهمانك الحضور البـرلـمــان

و اللي غيابه زاد بالحـال أطـلـبــه مالـغـيـب دم

و أن شالله أنه جاوب الداعي حضر من حينها

سلمت ياشــاعر نعــد ونعرفـــه شاعر كــــــــير

علي السبيه حكمتــــه مثـل الذهب والمــاس لي

معروف مثل السيـف يبرق بين صبيان ازهــران

وصقر الجــــــنوب الي لنا ف المنتدى خالن وعم

ونـــــعم بصقر ونعــــم بقرية رباع وبــــــــهلــــها

تسلم ياشاعرالمعنى وانا اتشرف بقصايدي معك ومنك اتعلم واستفيد

الرد

انا ادري انك راس قوم ولك مزارع والك بير=
لكن انا قلبي على الغايب شغول وماسلي=
مدري معه لي شوك والا ورد راوي وازهران=
قل يالساني في الكلام وخص في المعنى وعم=
ليت الذي يقرى المعاني لا قرى ينبه لها=

سلمت ياعلي وانا الي لي الشرف ان اقصد معك......


لا عد توصي في صـــــــغير القوم بالله وص غير

وش لي من الي هو غـــبي بين البشر ومهيبلــي

وياكم وياكم ناس في دربي تشوف الهـــــــازمـان

سمـــحان لاشاف الفتـــن يجـــيه يوم وينتــــــقــم

وش لـــه من النســـــيان لو ذاق العصا من جلدها

صح لسانك ياشاعر المعنى لكن ماتلاحظ ان الربع خيلو فينا

الرد

ترى الكبير الله تحته كل شي يبقى صغير=
الى حصل لي مقسمي مااطمع لشي ماهو بلي=
وهكذا الدنيا تدور وكل حزه الها زمان=
بااقوم الى شفت العرب قامو وهبّو وانت قم=
اللحم تحت العضم والعضمه غطاها جلدها=