قصص من طفولتي ... اتمنى المشاركة من الجميع

ابر ياعاشق مره وحده ؟؟؟


الله يفضح العدو وتيه الضيعة معك ......


ينعى وجهي عن ذا الدجاااجه ...

كنت ماخذه فيك مقلب ياعاشق <<اقول هالادمي مسكين وعلى نياته اثاريك طلعت شيطووون


اقدى فيك ابوك ..حوااجب

ننتظر باقي قصصك البريئه يادكتور الدجاج .. ضحكة خنفشـارية

موضوع يستحق الاشادة

اذا علي الدجاج هين لكن المصيبه الكبري يا عناقيد
في البلوه الثانيه اللي سويتها ونا علي نيتي الصافيه

اسمعوا


مره رحنا نسوي عمره وابوي قال لي ليخلصت تعال لي في المكان الفلاني قلت طيب
خلصت العمره ولما جيت اطلع ما لقيت نعولي ونا انعولي مرتب ما احب اروح اي مكان مبهذل حتي لو الحرم جيت ادور ادور مير ماش وابوي دق علي يقول لي وينك ليش تأخرت ونا ادور رحت اشوف بالدروج حقين الحرم ما لقيته مع اني متأكد اني حاطه في هذا المكان عجزت ونا ادور ونا بسراحه ما اقدر اطلع من الحرم حافي مني متعود استحي شفت لي انعول بالحرم زنوبه خذيته ولبسته وطلعت الا هذا ابوي مولع ومعصب علي يقول لي وينك تاخرت قلت له انعولي انسرق قال لي وش سويت قلت له خذيت انعول من الحرم قال وشو وشو وشو قال سرقت قلت له انا ما سرقت قال اجل هذا وش تسمي
قلت ما لقيت انعولي وش اسوي في واحد يروح الحرم علشان يسرق يبه نعولي ما لقيته وش تبغاني اسوي يعني اطلع حافي قال قطعه وخسوه تطلع حافي ورجلك فوق راسك ولا تسرق انت ما تعرف اتسوي شي الا اتخرب علي نفسك خربت عمرتك قلت انا وربي موقصدي بس ما اقدر اطلع حافي قال انت الحين يوم انك مالقيت انعولك وش كان شعورك قلت ضقت بالحيل قال اجل حتي الرجال اللي انت سرقت انعوله ضاق بالحيل قلت من زينه كله انعول زنوبه انا انعولي جديد ومرتب قال اقول امش امش قدامي بس امش هذا النعول اللي خذيته من الحرم سومه بكم ورح تصدق بثمنه وقلت والصدقه لمين قال لصاحب النعول الله يكرمكم قلت ونا وانعولي قال انت قطعه وخسوه ولا تتكلم
هذي قصيتي مع ابوي
طبعا هذي عاده سيئه الكل كان يمارسها منذ زمن دون علم بان هذا الشي حرام وهذا كان من الجهل وتوني وعيت وعرفت .

اطلعوا حفاي واخشوشنو
تحياتي عشوقي

عناقيد ....

والله عندك خال يحب الشهرة و المراجل ... ويحق لك ان تفخري به ... 3 براريد دفعة واحدة !!
يا شين احراجااات المجالس ويا شين بعض العزايم ودك ان الواحد يحضر وهو في وضع الصامت والسكون
لأن اي غلطه سوف تسجل عليه العمر كله ،،،،


عاشق قصيد ......

وانا اقول من يسرق ( ..... ي) اثاريه واحد على نياته ، لا وبعد ...وجهك قوي الوالد يقول سرقة وانت تقول نعالي انسرقت ، ليه ماتمشي حفيان يا بابا .... أحلى شي المشي حافي بس ما يكون وقت الظهر ... مرة انسرقت كفراتي مقاس 44 صناعة اتالي ( ايطالية ) وتوها جديدة باقي اعتقد ما اكملت 72 ساعة يوم جمعة في عز الصيف ووين في الساحل الشرقي يعني درجة الحرارة دون 50 بشي قليل والسيارة بعيدة والشارع مزفلت (لون اسود) المهم ما حصلتها قلت رح السيارة يالبعير وامشي شوية شوية ... و الإ احس كاني امشي على جمر ... شوي وتزيد الحرارة واحس وانا صادق ان الحرارة وصلت الدماغ ومن شدة الحرارة بغيت ابكي عشان ابرد راسي ... وتزيد الحرارة ... عندها انطلق في الشارع زي المجنون أو حرامي شارد منالشرطة والناس ههههه حتى وصلت السيارة ... والسيارة قديمة وتعرفون زماان مافيه ريموتات لفتح ابواب السيارة والسيارة مقفلة ... وقفت افتح الباب وهممت اضع شماغي تحت رجلي حتى تهون من الحرارة وتقيني من لهيب الزفلت .... الله يجيرنا وإياكم من عذاب القبور و مدخال في غير جنة ، .... قولوا آمين
،،،،
ومسوي نفسك دكتور فراخ ،، اقووول يا زين البراءة والله يغفر لنا ولك ما فعلنا في سنين الهبالة


سامحونا ,,,

ههههههههه أثاريك حرامي زنوبات ياعاشق
أفا إذا سرقت فاسرق جمل وإذا عشقت فاعشق قمر..هههههه
عاشق ترى نعولك ما أنسرقت بس أنت
من صقارتك الزايدة ضيعت الباب اللي
دخلت معه إلا هي موجودة للآن مافي أحد خذها
وبعدين الحرم الرخام اللي فيه ضد الحرارة
يعني تمشي وأنت مرتاح الله يتقبل منك عمرتك
وثاني مرة خلها في السيارة وخذ لك زنوبة من الميقات أصرف لك ...هههه
===============
حبيبنا عين الجمل أنت على الأقل من الرعيل
الأول تيبلس يعني عندك مناعة شوي بس
والله ما ألومك مع حرارة المنطقة الشرقية
تمام إن رجلينك ماطلعت قرصان هههههههههه
بس القالة مو زينة لكان لبست لك أي شي
تحمي رجلك كان أرحم لك ولا تلقوا بأيديكم إلى التهلكة ( أستنفاع )ههههه يعني أبرر لك السرقة..ههههههه
والله عندنا أعضاء هنا رائعين بروعة هذه القصص
الجميلة والرائعة تحياتي لكم ...العلم السعوددي

قلت لكم انعولي انسرقت انسرقت المؤمن لا يكذب الا في اشيائي الخاصه تراني حريص وبخييييييييييييييييييييييييل
واركز عدل في اي مكان احطها وساعات احطها بكيس وامسكها بيدي بس هالمره طافتني ونسيتزعلالالالان
يا ليت يا أمير ارجولي طلعت قرصان علي الاقل القرصان شكلها استايل ومدوره الا اصابعي طواااااااااااااااااااااال علشان كذا انا كنت مستحي ههههه

عاشق شف كيف ذا وضيعته في نعاله هالك ماسويت مثلوووه ..!!

كان حذيانك مانسرقت ...؟

بادئ ذي بدء << بالله محد ياخذها ولا يقلدني فيها تراني تعبت لين طلعت

المهم علمي سلامتكم

كنا قوعاد تو التلفزون عام ازمة غزه نناظر غزة والحصار

والدمار الوحشي الي جاهم من اليهود عليهم لعائن الله تترى إلى يوم القيامة والابادة الي صارت هناك

والي كان معنا في الجلسه عمتي بطلة القصه وباقي اخواني الكبار
وولدها الصغير ..عمتي : انسانه حنوووونه لأبعد حد ..... الحنان عندها معياره زااايد كثير طيبه مع

الكل دمعتها على خدها وجها يشع حزن على الدوااام مسكينة الله ... وكانت دااايم الدوم ترسل ملابس لهم
معادو يبغونها لهيئة اغاثة الشعب الفلسطييني وصدقات وكل ما تجود بها نفسها .....

( حلوين )
المهم .... كنا نناظر الاخبار الموقف محزن مبكي شي يقطع اماصير القلوب ..

جابت كاميرة الاخبار لقطات حيه للدمار والبيوت المهدمه ... فنهم يطلعون فلسطينيه تبكي وتولول وتلطم
وتصيح بيتها وبثورها ماتو في البيت من القصف ومنظرها مبكي وامي ماغير تمسح فيك ياهذه الدموع تبكي وتدعي لهم وتدعي على اليهود تسمرت تو التلفزون وكلنا متابعين بصمت وحزن ...

فنهم يطلعون في الاخبار البيوت المهدمه والدمار المروع الي حصل ..

فنها تجي الكاميره على بيت كذا نصفه سليم ونصفه اندمر ...

النصف السليم منه كان فيه بلكونه وكان فيه حبل ملابس غسيل منشور عليه ملابس

فبحلقي ياعمتي والكاميره مثبته على الحبل (كأنهم يدرون ان عمتي تتابع بشغف )

والمراسل يشرح الوضع وبحلقي ياعمتي زياده
بكل عفويه : ياااومه يابنات عنو ســروالي ....!!!!!! وتحلف انه هوه

ولك ان تتخيل الوضع كيف انقلب من حزن وبكاء إلى ضحك تمددنا في الصاله كلنا على ذا

السروال المعلق ذا قد تصدقت به وحيـّاه ..... وفرحتها يوم شافته في التلفزون

.... الطريف في القصه انه ماخلت كهله إلا واعلمتها انها شافت سروالها في غزه ........

لي تصدقت بها ماادري متى الله يسعدش ياعمتي وانا اقول عودت خبله لمين

ودمتم سالمين

هههههههههههه قسماً بالله إني فطست من الضحك
حسبك الله ياعناقيد ....وعمتك هذه بالله
لا عاد تتبرع باشياء عينية خلوها تتبرع بنقود
والا تستريح هههههههههه كذا بتشغلكم في كل دولة
لها قطعة من ملابسها ....الله يرضى عليها
قصة قمة الروعة والعفوية ....شي لايطاق.ههه

وش ذا يا عناقيد ههههه

قسا انه شين ما يصدقه العقل ....

كالعادة التميز عنوانك ،،

هيا اسمعوا ذي

فيه حرمة كبيرة سن أعرفها .. قاعدة تتابع الأخبار وجابوا خبر عن المجاعة في افريقيا
وتجي لقطة لذيك الأفريقية السمراء وهي ممسكة بواحد من أولادها مدري بناتها طفل صغيررر حق سنتين أو ثلاث ، وتقدرون تقولون ملبط جنبها ( متكي ابو سمراء على أمه )
والثاني جوف حثلها يرضع
قالت الحرمة ذي اللي اعرفها كبيرة السن : الله يقلعكم يا ذلا العـ ..... د حتى وأنتي جيعه ما ترقدن وحــدك ههههه
عاااد افهمووووها

.. أمير الكون

تعليقاتك خطيره وذكية ... اعجبتني كلمة التيوبلس حقة الكراعين .هههههه